ემზარ კვიციანი ინციდენტის დროს

ემზარ კვიციანი: ვჯიკაობდი, ხალხისგან ვიცავდი თავს...

116
(განახლებულია 17:33 08.09.2019)
„პატრიოტთა ალიანსის“ წევრის, დეპუტატ  ემზარ კვიციანის  განცხადებით, ის სამოქალაქო მოძრაობის აქტივისტებისგან თავს იცავდა

თბილისი, 8 სექტემბერი — Sputnik. ოპოზიციური პარტია „პატრიოტთა ალიანსის“ წევრის, დეპუტატ  ემზარ კვიციანის განცხადებით, მას სამოქალაქო მოძრაობა „სირცხილიას“ აქტივისტებისთვის ფიზიკური შეურაცხყოფა არ მიუყენებია, იუწყება საზოგადოებრივი მაუწყებლის პირველი არხი.

პარლამენტის დეპუტატ ემზარ კვიციანსა და მომიტინგეებს შორის შეტაკება მოხდა - ვიდეო >>

ემზარ კვიციანი „სირცხვილიას“ აქტივისტებს პარლამენტის მიმდებარე ტერიტორიაზე დაუპირისპირდა. შენობიდან გამოსულ კვიციანს აქტივისტებმა „რუსეთის მონა“ და „მოღალატე“ უწოდეს, მან კი მათ სიტყვიერი და ფიზიკური შეურაცხყოფა მიაყენა. კვიციანი ინციდენტის ადგილიდან პოლიციამ გაიყვანა.

„ჩვენ არ ვაძლევდით დღეს ხმას მთავრობას, ამიტომ ავდექით და წამოვედით პარლამენტიდან... მივდიოდი და დამესხნენ თავს. თავს დამესხნენ სასტვენებით, ცხვრებით და დამიწყეს ლანძღვა-გინება. მე თავი დავიცავი, ფიზიკურად არავის გავსწორებივარ. ვის დავარტყი? როდის დავარტყი? მაჩვენეთ კადრები. მე ცოტა ემოციური ვარ... კანონის დარღვევა თუ იყო, ეს გამოჩნდება. ვჯიკაობდი, ხალხისგან ვიცავდი თავს“, - განაცხადა ემზარ კვიციანმა სპორტის სასახლეში „პატრიოტთა ალიანსის“ ყრილობის დაწყებამდე.

შინაგან საქმეთა სამინისტრომ დღეს პარლამენტთან „პატრიოტთა ალიანსის“ დეპუტატ ემზარ კვიციანისა და სამოქალაქო მოძრაობა „სირცხვილიას“ აქტივისტების მონაწილეობით ინციდენტზე გამოძიება სისხლის სამართლის კოდექსის 126-ე ძალადობის მუხლით დაიწყო.

რაც შეეხება იმას, გამოკითხა თუ არა პოლიციამ კვიციანი, დეპუტატმა უპასუხა: „პოლიციამ წამიყვანა რესტორან „ამრაში“, სოხუმში და იქ ვიქეიფეთ“. 

პარლამენტთან შეკრებილი აქციის მონაწილეები გიორგი გახარიას პრემიერ-მინისტრად დამტკიცების წინააღმდეგ გამოდიან.

კვიციანის პარტიამ ადრე განაცხადა, რომ მხარს არ დაუჭერს პარლამენტში წარდგენილ საქართველოს მთავრობის ახალ შემადგენლობას, რამდენადაც მათ გახარიას სამთავრობო პროგრამა არ მოსწონთ, თუმცა, საკანონმდებლო ორგანოდან გამოსულ დეპუტატს აქციის მონაწილეები სტვენით დახვდნენ.

„პატრიოტთა ალიანი" ეს არის პარტია, რომელიც რუსეთთან ურთიერთობების დალაგების მომხრეა და რომლის დეპუტატებიც პერიოდულად მიემგზავრებიან მოსკოვში და რუს დეპუტატებთან მართავენ შეხვედრებს. რაც შეეხება დღევანდელი აქციის მონაწილეებს, ისინი ანტირუსული ლოზუნგებით აქციებს სისტემატურად მართავენ.

 

 

116
თემები:
შემთხვევები საქართველოში (1619)
გიორგი შაქარაშვილის სახელობის სტადიონი

თბილისში ერთ–ერთი სტადიონი შაქარაშვილის სახელობის გახდა

20
(განახლებულია 21:28 03.08.2020)
მაისური ნომრით 21 კლუბ „საბურთალოში“ მუდამ გიორგი შაქარაშვილისა დარჩება და ის გუნდის მუზეუმში შეინახება

თბილისი, 3 აგვისტო – Sputnik. საფეხბურთო კლუბმა „საბურთალომ“ დაღუპული 19 წლის ფეხბურთელის გიორგი შაქარაშვილის სახელობის სტადიონი გახსნა.

გიორგი შაქარაშვილის ცხედარი 22 ივნისს, ძებნიდან მეოთხე დღეს მდინარე არაგვში იპოვეს. ექსპერტიზამ დაადგინა, რომ ის მდინარეში დაიხრჩო, თუმცა მის სხეულზე სიცოცხლეში მიყენებული მრავლობითი დაზიანებები აღინიშნებოდა.

შაქარაშვილის გარდაცვალების საქმეს, რომელმაც დიდი საზოგადოებრივი რეზონანსი მიიღო, ორი – თავისუფლების უკანონო აღკვეთისა და ძალადობის მუხლით იძიებენ.

დაღუპული ფეხბურთელის სახელი საფეხბურთო აკადემია „საბურთალოს“ ერთ–ერთ სტადიონს მიენიჭა, რომელიც იოსებიძის ქუჩაზე მდებარეობს. გახსნას ესწრებოდნენ კლუბის ხელმძღვანელები, შაქარაშვილის ოჯახის წევრები, მეგობრები და პარტნიორები.

კლუბის პრეზიდენტმა ტარიელ ხეჩიკაშვილმა აღნიშნა, რომ მაისური №21 წარწერით „შაქარა" კლუბ „საბურთალოში“ მუდამ გიორგის კუთვნილება იქნება და ის კლუბის მუზეუში შეინახება.

გიორგი შაქარაშვილი დუბლშემადგენლობის მოთამაშე იყო. ხელმძღვანელობა და მწვრთნელთა შტაბი მასზე დიდ იმედებს ამყარებდნენ.

20
თემები:
19 წლის გიორგი შაქარაშვილის მკვლელობის საქმე
სასწრაფო სამედიცინო დახმარების ბრიგადა

ოთხი წლის ბავშვი დენის დატყმით გარდაიცვალა

67
ბავშვი სათავსოში შევიდა, სადაც ელექტროგაყვანილობას შეეხო. პოლიციამ საქმე თვითმკვლელობამდე მიყვანის მუხლით აღძრა

თბილისი, 3 აგვისტო – Sputnik. ჭიათურის რაიონის სოფელ ნავარძეთში ოთხიწლის ბავშვს დენმა დაარტყა. ის ადგილზე გარდაიცვალა.

ტელეკომპანია Rustavi2–ის ინფორმაციით, ბავშვი ეზოში თამაშობდა და სათავსოში შევიდა, სადაც ელეექტროსადენს შეეხო.

პოლიციამ სისხლის სამართლის საქმე თვითმკვლელობამდე მიყვანის მუხლით აღძრა.

67
თემები:
შემთხვევები საქართველოში (1619)