მოსამართლის ჩაქუჩი

„რუსთავი 2“-ის საქმე: ზურაბ იაშვილს 50 000-ლარიანი გირაო შეეფარდა

92
პროკურატურის მოთხოვნის შესაბამისად, ზურაბ იაშვილს აეკრძალა ქვეყნის დატოვება საგამოძიებო უწყების ინფორმირებისა და ნებართვის გარეშე

თბილისი, 7 სექტემბერი – Sputnik. „რუსთავი 2“-ის საქმეზე ბრალდებულ ზურაბ იაშვილს თბილისის საქალაქო სასამართლოში  აღკვეთის ღონისძიებად 50 000-ლარიანი გირაოს გადახდა დაეკისრა, იუწყება პირველი არხი.

„რუსთავი 2"-ის საქმე: გვარამიასთან ერთად ბრალი კიდევ ორ პირს წარედგინა >>

გადაწყვეტილება მოსამართლე არსენ კალატოზიშვილმა ცოტა ხნის წინ გამოაცხადა.

მოსამართლის გადაწყვეტილებით, პროკურატურის მოთხოვნის შესაბამისად, ზურაბ იაშვილს აეკრძალა ქვეყნის დატოვება საგამოძიებო უწყების ინფორმირებისა და ნებართვის გარეშე.

საქართველოს პროკურატურამ 6 სექტემბერს ბრალი წაუყენა რეიტინგული ტელეკომპანია „რუსთავი 2"-ის ყოფილ ფინანსურ დირექტორს კახაბერ დამენიასა და კომპანია „ინტერ მედია პლუსის" დირექტორს ზურაბ იაშვილს, რომელსაც ტელეკომპანიის ეთერში რეკლამის განთავსების უფლება ჰქონდა.

დამენიას ბრალი ედება „რუსთავი 2"-ის კუთვნილი ქონებრივი უფლების დიდი ოდენობით მართლსაწინააღმდეგო გაფლანგვაში, იაშვილს კი კომერციული მოსყიდვისა და ყალბი ოფიციალური დოკუმენტის დამზადებასა და გამოყენებაში, რამაც მნიშვნელოვანი ზიანი გამოიწვია.

ბრალდებები ყველა ამ მუხლით, ასევე „უფლებამოსილების ბოროტად გამოყენების" მუხლით წარდგენილი აქვს „რუსთავი 2"-ის ყოფილ გენერალურ დირექტორს ნიკა გვარამიას.

პროკურატურის მტკიცებით, გვარამიამ „რუსთავი 2"-ის ინტერესების საზიანოდ მისი მეგობრების კომპანია „ინტერ მედია პლუსისთვის" მრავალმილიონიანი მოგების მისაღებად პირობები შექმნა. 2015 წელს სწორედ ამ კომპანიასთან გაფორმდა შეთანხმება, რომელიც მას ტელეკომპანიის ეთერში რეკლამის განთავსების ნებას აძლევდა. იმ წელს „რუსთავი 2"-ს 7,4 მლნ ლარის ოდენობის ზიანი მიადგა, „ინტერ მედია პლუსის" შემოსავალმა კი 8,7 მლნ ლარი შეადგინა.

ნიკა გვარამიას ახალი ბრალი წარუდგინეს >>

„რუსთავი 2"-ს მფლობელი ივლისში შეეცვალა, ევროპის ადამიანის უფლებათა სასამართლოს გადაწყვეტილების გამოცხადების შემდეგ. ტელეკომპანია უკვე ბიზნესმენ ქიბარ ხალვაშს ეკუთვნის, რომელიც გვარამიამ ხელისუფლების დაკვეთის შესრულებასა და ქვეყანაში თავისუფალი სიტყვის ჩახშობაში დაადანაშაულა. მის წინააღმდეგ აღძრულ საქმეს კი გვარამიამ მის წინააღმდეგ დევნა უწოდა, რადგან მისი მმართველობის პერიოდში ტელეკომპანია „რუსთავი 2" ხელისუფლებისადმი კრიტიკით გამოირჩეოდა.

92
თემები:
დავა „რუსთავი 2"-ის ირგვლივ (194)
საპატრულო პოლიცია

„პროგრესული საქართველოს” ერთ–ერთ წევრის მტკიცებით, მას უცნობმა პირმა ესროლა

8
(განახლებულია 14:04 29.10.2020)
პოლიციამ შემთხვევის ადგილი დაათვალიერა, თუმცა, ტყვია ვერ იპოვა – პოლიტიკოსი ინციდენტს მისი პარტიის საქმიანობას უკავშირებს

 

თბილისი, 29 ოქტომბერი - Sputnik. ოპოზიციური  პარტია „პროგრესული საქართველოს” გენერალური მდივანი გიორგი კვაბზირიძე მის მიმართ შესაძლო მუქარის ფაქტთან დაკავშირებით ვაკე-საბურთალოს პოლიციაში გამოიკითხაზე იმყოფებოდა, იუწყება ტელეკომპანია Rustavi 2.

როგორც კვაბზირიძემ ჟურნალისტებთან განაცხადა, მას უცხო პირი დაემუქრა და დაშინების მიზნით ცეცხლსასროლი იარაღიდან ჰაერში გაისროლა.

მისი თქმით, შემთხვევა გუშინ გვიან საღამოს საქართველოს ტექნიკურ უნივერსიტეტთან მოხდა, როდესაც იგი პარტიის ოფისიდან გამოვიდა და საკუთარი ავტომობილისკენ მიემართებოდა. კვაბზირიძის თქმით, უცნობმა პირმა მას პოლიტიკიდან წასვლა მოსთხოვა.

 „აღნიშნულ ფაქტს იმ პოლიტიკურ საქმიანობას ვუკავშირებ, რასაც ჩვენი პარტია ეწევა. მე არ ვაპირებ პოლიტიკიდან წასვლას. ჩვენი პარტია ძალაა, რომელსაც ვერავინ დააშინებს“, – განაცხადა პოლიტიკოსმა.

ადვოკატი კახაბერ მუმლაძე მომხდარს მისი კლიენტის  პოლიტიკურ საქმიანობაში ხელის შეშლის მცდელობად აფასებს.

„პოლიტიკური პარტიის გენერალური მდივნის მიმართ განხორციელდა მისი დაშინების მცდელობა, რაც მიუღებელია, მით უმეტეს, არსებულ მოცემულობაში. ეს იყო პოლიტიკურ საქმიანობაში ხელის შეშლა“, – განაცხადა ადვოკატმა.

პოლიციამ შემთხვევის ადგილი დაათვალიერა, თუმცა, ტყვია ვერ იპოვა.  

 

8
თემები:
შემთხვევები საქართველოში
პატრული

სოფელ ნუკრიანში აფეთქება მოხდა

36
(განახლებულია 13:35 29.10.2020)
ადგილობრივი მცხოვრებლების განცხადებით, აფეთქება ბანკომატიდან თანხის წაღების მიზნით მოხდა, თუმცა, აღნიშნული ინფორმაცია ოფიციალურად ჯერ არ დადასტურებულა.

თბილისი, 29 ოქტომბერი - Sputnik. სიღნაღის მუნიციპალიტეტის სოფელ ნუკრიანის ადმინისტრაციული შენობის შესასვლელთან, სადაც ბანკომატია განთავსებული, აფეთქება მოხდა, იუწყება ტელეკომპანია Rustavi 2.

შემთხვევა გუშინ, გვიან ღამით მოხდა.

აფეთქების შედეგად დაზიანდა შენობის კედლები, ჩამსხვრეულია შუშები.

ადგილობრივი მცხოვრებლების განცხადებით, აფეთქება ბანკომატიდან თანხის წაღების მიზნით მოხდა, თუმცა, აღნიშნული ინფორმაცია ოფიციალურად ჯერ არ დადასტურებულა.

მომხდარ ფაქტზე გამოძიება საქართველოს სსკ-ის  187-ე მუხლით მიმდინარეობს,  რაც სხვისი ნივთის  განზრახ დაზიანებას ან განადგურებას გულისხმობს.

36
თემები:
შემთხვევები საქართველოში
ლაბორატორია

COVID-19 და ლეტალური შემთხვევები: სად დაფიქსირდა გარდაცვალების ყველაზე მეტი ფაქტი

0
ამ დროის მონაცემებით, საქართველოში 18 364 აქტიური შემთხვევაა. კოვიდ–კლინიკებში 4 209 ადამიანია მოთავსებული, მათ შორის თბილისში – 2 106, აჭარაში – 696.

თბილისი, 29 ოქტომბერი – Sputnik. ბოლო 24 საათში საქართველოში კორონავირუსით 20 პაციენტი გარდაიცვალა და მათი საერთო რაოდენობა 273-მდე გაიზარდა. შესაბამისი ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

საქართველოში Covid-19-ის მართვაში ცენტრალური ონლაინ-კლინიკა ერთვება>>

გარდაცვალების ყველაზე მეტი - ცხრა შემთხვევა აჭარაში დაფიქსირდა.  თბილისში – შვიდი ადამიანი გარდაიცვალა, იმერეთის რეგიონში – ორი, მცხეთა-მთიანეთში – ერთი და კახეთში – ერთი.

აჭარაში გარდაცვლილი პაციენტების ასაკი 63-დან 78 წლამდეა.

აჭარის ჯანდაცვის სამინისტროს ინფორმაციით, რესპუბლიკურ საავადმყოფოში გარდაიცვალა 63 წლის მამაკაცი, რომელიც კლინიკაში შეიყვანეს 13 ოქტომბერს. მას აღენიშნებოდა ორმხრივი პნევმონია, სუნთქვის მწვავე უკმარისობა, რესპირაციული დისტრეს-სინდრომი, შაქრიანი დიაბეტი, არტერიული ჰიპერტენზია.

ასევე, რესპუბლიკურ საავადმყოფოში გარდაიცვალა 71 წლის მამაკაცი, რომლის დიაგნოზი იყო კორონავირუსი, ორმხრივი პნევმონია, სუნთქვის მწვავე უკმარისობა, რესპირაციული დისტრესსინდრომი, გულის ქრონიკული უკმარისობა, გულის ათეროსკლეროზული დაავადება, პარკინსონი დაავადება.

რაც შეეხება 71 წლის ქალს, რომელიც რესპუბლიკურ საავადმყოფოში გარდაიცვალა, აღენიშნებოდა „კოვიდ-19“, პნევმონია, სუნთქვის მწვავე უკმარისობა, შაქრიანი დიაბეტი.

კიდევ ერთი გარდაცვლილ, 76 წლის მამაკაცს აღენიშნებოდა „კოვიდ-19“, ორმხრივი პნევმონია, სუნთქვის მწვავე უკმარისობა, რესპირაციული დისტრესსინდრომი, შაქრიანი დიაბეტი, არტერიული ჰიპერტენზია, გულის ათეროსკლეროზული დაავადება.

რაც შეეხება  75 წლის ქალს, მას აღენიშნებოდა „კოვიდ-19“, ორმხრივი პნევმონია, სუნთქვის მწვავე უკმარისობა, რესპირაციული დისტრესსინდრომი.

კორონავირუსით ერთი პაციენტი გარდაიცვალა კლინიკა „მედცენტრში“. 73 წლის მამაკაცს აღენიშნებოდა „კოვიდ-19“, ორმხრივი პნევმონია, სუნთქვის მწვავე უკმარისობა, მოზრდილთა რესპირაციული დისტრეს სინდრომი, შოკი დაუზუსტებელი, ღვიძლის მწვავე უკმარისობა. არტერიული ჰიპერტენზია, ინსულინდამოუკიდებელი შაქრიანი დიაბეტი, გნოზიულის უკმარისობა, საძილე არტერიის ოკლუზია და სტენოზი.

ამასთან, ბათუმის საერთაშორისო ჰოსპიტალში გარდაიცვალა 76 წლის მამაკაცი. პაციენტს აღენიშნებოდა: „კოვიდ-19“, პნევმონია დაუზუსტებელი, სუნთქვის მწვავე უკმარისობა, მოზრდილთა რესპირაციული დისტრეს-სინდრომი, კომა, ზოგადი სიმსუქნე.

ამავე ჰოსპიტალში გარდაიცვალა 75 წლის მამაკაცი. აღენიშნებოდა „კოვიდ-19“, სუნთქვის მწვავე უკმარისობა, მწვავე პოსტჰემორაგიული ანემია, თორმეტგოჯა ნაწლავის წყლული მწვავე სისხლდენით, ღვიძლის მწვავე და ქვემწვავე უკმარისობა, თირკმლების მწვავე უკმარისობა, მოზრდილთა რესპირაციული დისტრესსინდრომი.

კორონავირუსით 78 წლის ქალბატონი გარდაიცვალა ქობულეთის სამედიცინო ცენტრში.  აღენიშნებოდა  „კოვიდ-19“, პნევმონია დაუზუსტებელი, სუნთქვის მწვავე უკმარისობა, გულის მწვავე უკმარისობა, გადატანილი ინფარქტი, სტენტირება.

კახეთში კორონავირუსით 71 წლის მამაკაცი გარდაიცვალა. პაციენტი ლაგოდეხის „არქიმედეს” კლინიკაში მკურნალობდა. მას კორონავირუსთან ერთად სხვა თანმხლები დაავადებებიც აღენიშნებოდა.

ამ დროისთვის სხვა გარდაცვლილების შესახებ ინფორმაცია არ ვრცელდება.

COVID-19: საყოველთაო კარანტინს კიდევ ერთი ქვეყანა აცხადებს>>

ბოლო მონაცემებით, საქართველოში კორონავირუსით ინფიცირებულთა საერთო რაოდენობამ 35567-ს მიაღწია. სულ გამოჯანმრთელდა 16904 ადამიანი, გარდაიცვალა – 273, კარანტინის რეჟიმშია 3324, სტაციონარებში ექიმების დაკვირვების ქვეშ 4209 პაციენტია, ხოლო კოვიდ–სასტუმროებში 2346 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში