ფარმაცევტული პროდუქციის ხარისხის შემოწმება

„წამლებს აღარ იღებდა" დედა ქალზე, რომელიც თბილისში ბავშვებს დაესხა თავს

191
(განახლებულია 15:03 06.09.2019)
თბილისში ბავშვებზე თავდასხმაში ბრალდებულის დედა და მეზობლები მის მდგომარეობაზე საუბრობენ.

თბილისი, 6 სექტემბერი — Sputnik. თამარ საძაგლიშვილმა, რომელიც თბილისში, პეკინის გამზირზე ბავშვებზე თავდასხმის გამო დააკავეს, ინციდენტამდე ცოტა ხნით ადრე შიზოფრენიის წამლებისა და ანტიდეპრესანტების მიღება შეწყვიტა, განუცხადა დაკავებულის დედამ გაზეთ „კვირის პალიტრას".

თბილისში ბავშვის დაჭრაში ბრალდებულს სასამართლომ აღკვეთის ზომად პატიმრობა შეუფარდა>>

ინციდენტი 27 აგვისტოს მოხდა. სოციალურ ქსელში გავრცელებულ სათვალთვალო კამერით გადაღებულ ვიდეოში ჩანს, რომ ქალმა მოულოდნელად ჩანთიდან ამოიღო დანა და პატარა ბავშვს სახეზე რამდენჯერმე გადაუსვა. ბავშვი 2015 წელს არის დაბადებული. ამას გარდა, ქალმა ბავშვის დის დაჭრაც მოინდომა, მაგრამ მშობლებმა მისი გადარჩენა მოასწრეს.

51 წლის თამარ საძაგლიშვილი თბილისში დედასთან მანანა ჩხიკვაძესთან ერთად ცხოვრობდა, მაგრამ ჩხიკვაძე ინციდენტის დროს ქალაქში არ იმყოფებოდა. ზაფხულს ის, ჩვეულებრივ, შეკვეთილში ატარებს, რადგან იქ მათ კერძო სასტუმრო აქვთ.

მომხდარის გამო მეზობლები შოკირებული იყვნენ. მათი თქმით, თამარი თავშეკავებული, თავაზიანი ადამიანი იყო, ზრუნავდა ეზოში ცხოველებზე, კვებავდა მათ. თუმცა, დროდადრო ისინი მას ფსიქოლოგიურ გადახრებსაც ამჩნევდნენ.

ინციდენტამდე ერთი დღით ადრე მეზობლებმა თამარი ეზოში მოწყენილი და დაღლილი დაინახეს. მათ ქალს დახმარება შესთავაზეს, თუმცა მან უპასუხა, რომ მის დახმარებას ვერავინ შეძლებს.

პეკინის გამზირზე დაჭრილი ბავშვი საავადმყოფოდან გამოწერეს>>

როგორც აღმოჩნდა, რამდენიმე წლის წინ თამარ საძაგლიშვილი ფსიქიატრიულ კლინიკაში მკურნალობდა. იქ მას შემდეგ მოათავსეს, რაც დედამ აგრესიულობა შეამჩნია. კლინიკიდან თამარი რამდენიმე დღის შემდეგ გამოწერეს და დაუდგინეს მანიაკალურ-დეპრესიული ფსიქოზი, მოგვიანებით კი – შიზოფრენია.

„მე მოვიყვანე შინ კერძო ფსიქიატრი, რომელიც გაესაუბრა, დარწმუნდა მის დიაგნოზში და დაუნიშნა „ჰალოპერიდოლის" ნემსები და რაღაც აბები, სახელი აღარ მახსოვს. რამდენიმე თვე იღებდა ამ პრეპარატებს. ამის შემდეგ ცუდად გახდა – მოდუნდა, ვეღარ დადიოდა, ჰემოგლობინი 116 რომ უნდა ჰქონოდა, 30-მდე დაუვარდა. პოლიკლინიკის ექიმმა ჰემოგლობინის ასამაღლებელი დაუნიშნა, რომელმაც კარგად იმოქმედა", – აღნიშნა ჩხიკვაძემ.

შემდეგ დედამ სხვა ფსიქიატრსაც მიმართა, მან მოუხსნა ძველი პრეპარატები და „კეტილეპტი" და „ტრიტიკო" დაუნიშნა. ყველა პრეპარატს თამარი ცოტა ხნით იღებდა. ფსიქიკური მდგომარეობა უკვე ნორმაში იყო, ის ნორმალურად საუბრობდა, აკეთებდა საოჯახო საქმეებს, ხატავდა.

„წამლები რომ შეწყვიტა, მაშინაც კარგად იყო, რამდენიმე დღის წინ კი ეს გააკეთა... იმავე ღამით, 23:00-ზე მელაპარაკა ტელეფონით. არაფერი ახსოვდა, მითხრა, კარგად ვარო. რაღაცებს მომიყვა – ეს გავაკეთე, ის მოვიტანეო... ახლა დაიძინე, მეც ვიძინებო. ამის შემდეგ ღამის 3 საათზე მოვიდნენ და წაიყვანეს", – აღნიშნა ჩხიკვაძემ.

ყველა ხარჯს ჩხიკვაძე თავად იხდიდა, რადგან კერძო ფსიქიატრის მომსახურებით სარგებლობდა.

„სახელმწიფოს მე არაფერს ვთხოვ, მაგრამ ხომ უნდა შეემოწმებინათ, ვმკურნალობდი თუ არა?!" – განაცხადა ბრალდებულის დედამ.

საძაგლიშვილს ბრალი სხეულის განზრახ მძიმე დაზიანებისთვის, ასევე ასეთი დაზიანების მცდელობისთვის წარუდგინეს. ბრალის დამტკიცების შემთხვევაში მას შვიდიდან ათ წლამდე პატიმრობა ელოდება.

მისი ადვოკატი ალექსი გაბუნია, ქალის ფსიქიკური პრობლემების გამო, სისხლის სამართლებრივი დევნის შეწყვეტას მოითხოვს.

დაშავებულ ბიჭუნას საავადმყოფოში ნაკერები დაადეს. მას ღრმა ჭრილობები ჰქონდა ცხვირისა და მარჯვენა ლოყის არეში. ექიმები აცხადებენ, რომ ყველაფერი გააკეთეს იმისთვის, რომ ბავშვს ნაიარევი არ დარჩეს. ბავშვი საავადმყოფოდან შემთხვევიდან რამდენიმე დღეში გამოწერეს.

191
თემები:
შემთხვევები საქართველოში (1515)
ხელბორკილები

ფოთში მამაკაცის მკვლელობის საქმეზე სამი პირი დააკავეს

51
(განახლებულია 19:37 04.07.2020)
გამოძიება სსკ-ის 108-ე და 143-ე მუხლებით მიმდინარეობს, რაც განზრახ მკვლელობას და თავისუფლების უკანონო აღკვეთას გულისხმობს. ბრალის დამტკიცების შემთხვევაში დაკავებულებს 7-დან 15 წლამდე ვადით თავისუფლების აღკვეთა ემუქრებათ

თბილისი, 4 ივლისი — Sputnik. ფოთში სამი პირი დააკავეს. დაკავება 2 ივლისს მომხდარ 44 წლის მამაკაცის მკვლელობის საქმეს უკავშირდება, იუწყება შინაგან საქმეთა სამინისტრო.

გამოძიებით დადგინდა, რომ ბრალდებულებმა, თანმხლებ პირებთან ერთად, 1976 წელს დაბადებულ ვ.ტ.-ს ფიზიკური შეურაცხყოფა მიაყენეს, შემდეგ კი, სავარაუდოდ, ბასრი საგნისა და ცეცხლსასროლი იარაღის გამოყენებით, სიცოცხლისთვის საშიში ჭრილობები მიაყენეს და შემთხვევის ადგილიდან მიიმალნენ. უგონო მდგომაროებაში მყოფი ვ.ტ. გადაყვანილ იქნა სამედიცინო დაწესებულებაში, სადაც მალევე გარდაიცვალა.

უწყების ინფორმაციით, სამივე მათგანი სამეგრელო-ზემო სვანეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად დააკავეს.

სამინისტროში აღნიშნავენ, რომ საქმეზე დამატებითი მტკიცებულებების მოპოვებისა და დანაშაულში მონაწილე სხვა პირთა გამოვლენის მიზნით ტარდება კომპლექსური ოპერატიულ-საგამოძიებო მოქმედებები.

გამოძიება საქართველოს სისხლის სამართლის კოდექსის 108-ე და 143-ე მუხლებით მიმდინარეობს, რაც განზრახ მკვლელობას და თავისუფლების უკანონო აღკვეთას გულისხმობს.

დანაშაული 7-დან 15 წლამდე ვადით თავისუფლების აღკვეთას ითვალისწინებს.

51
თემები:
კრიმინალი საქართველოში
სამედიცინო აღჭურვილობა

„უკიდურესად მძიმეა“ - ექიმები მეექვსე სართულიდან გადავარდნილი ბავშვისთვის იბრძვიან

61
(განახლებულია 18:36 04.07.2020)
ექიმები ცდილობენ გადაარჩინონ სამი წლის ბავშვი, რომლის მდგომარეობა უკიდურესად მძიმე და არასტაბილურია

თბილისი, 4 ივლისი – Sputnik. თბილისში მეექვსე სართულიდან გადავარდნილი სამი წლის ბავშვი კრიტიკულ მდგომარეობაშია, განაცხადა ციციშვილის საავადმყოფოს ექიმმა, ნინო უმეკაშვილმა.

როდესაც ღმერთს უყვარხარ: თბილისში მე-14 სართულიდან გადმოვარდნილი ახალგაზრდა გადარჩა >>

უბედური შემთხვევა გუშინ დიდ დიღომში პეტრე იბერის ქუჩაზე მოხდა. ბავშვი მაშინვე გადაიყვანეს საავადმყოფოში.

„ამ ეტაპზე პაციენტის მდგომარეობა არის უკიდურესად მძიმე, აქვს ქალაფუძის, სახის ძვლების მრავლობითი და ზემო კიდურის მოტეხილობა, უკიდურესად მძიმე და არასტაბილურად რჩება. დღეს დილით პაციენტთან ჩატარდა ნეიროქირურგიული ჩარევა, ამ ეტაპზე პაციენტის მდგომარეობა რჩება მძიმედ“, – განაცხადა ექიმმა პირველი არხის ეთერში.

ფაქტზე დაწყებულია გამოძიება სისხლის სამართლის კოდექსის 124-ე მუხლით, რაც გაუფრთხილებლობით ჯანმრთელობის მძიმე დაზიანებას გულისხმობს. აღნიშნული დანაშაული ისჯება ჯარიმით ან გამასწორებელი სამუშაოთი ვადით ორ წლამდე.

61
თემები:
შემთხვევები საქართველოში (1515)
მოგზაურები თბილისის აეროპორტში

ფასიანი კარანტინი ან ტესტი კორონავირუსზე:როგორ დახვდებიან საქართველოში უცხოელ ბიზნესმენებს

0
საქართველოში უცხოელ ბიზნესმენებს შესთავაზებენ ორ ვარიანტს: კარანტინს ან კორონავირუსზე ტესტის რეგულარულ გავლას

თბილისი, 4 ივლისი – Sputnik. საქართველოს ხელისუფლება უცხოელ ბიზნესმენებს შესთავაზებს ორ ვარიანტს: კარანტინში ყოფნის საფასურის გადახდას ან კორონავირუსზე ტესტის რეგულარულ გავლას, განაცხადა ეკონომიკისა და მდგრადი განვითარების მინისტრმა ნათია თურნავამ.

სახიფათო მდგომარეობა: COVID-19 სომხეთში სწრაფი ტემპებით ვრცელდება >>

საქართველო ეტაპობრივად ხსნის საზღვრებს საერთაშორისო მოგზაურებისთვის და უკვე ცნობილია, რომ პირველები ქვეყანაში ჩამოსვლას ბიზნესმენები შეძლებენ.

„მათ შეუძლიათ აირჩიონ ტესტირების რეჟიმი, თავად უნდა შეიძინონ ტესტი და 14 დღის განმავლობაში, ყოველ 3 დღეში უნდა ჩაიტარონ ტესტირება. ეს არ ეხება მხოლოდ ევროკავშირიდან ჩამოსულ ბიზნესვიზიტორებს“, - განაცხადა თურნავამ ტელეკომპანია Imedi-ს ეთერში.

ამასთან მან აღნიშნა, რომ კარანტინის და COVID-19-ის ტესტის ფასები საკმაოდ მისაღები იქნება.

„ეს ბიზნესმენებმა უნდა გააკეთონ იმისთვის, რომ თავადაც იყონ უსაფრთხოდ და ჩვენც ვიყოთ დარწმუნებულები, რომ ვართ უსაფრთხოდ და ამავდროულად, არ შეფერხდეს ინვესტორებთან კომუნიკაცია“, - განმარტა თურნავამ.

მისი თქმით, ფასიანი კარანტინი დაეხმარება სასტუმროებს, რომლებიც ძალიან დაზარალდნენ პანდემიის პერიოდში.

უცხოელების ბიზნეს-ვიზიტები არ წარმოადგენს საქართველოში ტურიზმის სფეროს შემოსავლების ძირითად წყაროს. გასულ წელს, როდესაც საქართველოში ტურიზმი აქტიურად ვითარდებოდა, მათზე უცხოელთა ვიზიტების საერთო რაოდენობის 17,4% მოდიოდა.

0
თემები:
COVID-19 საქართველოში