სასწრაფო დახმარება

ექიმების შეცდომა და ცუდი აღჭურვილობა: 16 წლის მოზარდი რეანიმობილის გაუმართაობის გამო გარდაიცვალა

415
(განახლებულია 17:31 05.09.2019)
ექსპერტებმა დაადგინეს, რომ რეანიმობილში სამედიცინო მოწყობილობა გაუმართავი იყო.

თბილისი, 5 სექტემბერი — Sputnik. 16 წლის მოზარდის გარდაცვალების გამო რამდენიმე კლინიკის ექიმს მკაცრად დასჯიან, იუწყება საზოგადოებრივი მაუწყებლის პირველი არხი ჯანდაცვის სამინისტროზე დაყრდნობით.

ამ ზაფხულს მოზარდი რაჭაში გაურკვეველი ეტიოლოგიის ვირუსით დაავადდა. მისი მდგომარეობა 21 ივლისს გართულდა, როდესაც იგი რეანიმობილით ამბროლაურის კლინიკიდან გადაჰყავდათ. მოზარდის ოჯახის წევრების მტკიცებით, გზაში, ნაქერალას ქედზე ლენტეხიდან გამოგზავნილ რეანიმობილში ჟანგბადის მიწოდების სისტემა გაფუჭდა, რის გამოც მოზარდს გული გაუჩერდა.

მოზარდი სუნთქვის მწვავე უკმარისობით საავადმყოფოში მოათავსეს, თუმცა მისი ჯანმრთელობის მდგომარეობა არ გაუმჯობესებულა, მთელი ამ ხნის მანძილზე კომაში იყო და 2 სექტემბერს გარდაიცვალა.

სამედიცინო საქმიანობის სახელმწიფო რეგულირების სააგენტომ აღნიშნული საქმის შესწავლა დაიწყო. შესწავლილ იქნა „რეგიონული ჯანდაცვის ცენტრის", „გადაუდებელი სამედიცინო დახმარების ცენტრის ლენტეხის ფილიალის", ტყიბულში არსებული კლინიკა „ევექსის", „ზ. ცხაკაიას სახელობის დასავლეთ საქართველოს ინტერვენციული მედიცინის ცენტრისა" და „საგანგებო სიტუაციების კოორდინაციისა და გადაუდებელი დახმარების ცენტრის" სამედიცინო დოკუმენტაციები.

სპეციალისტებმა დაადგინეს, რომ პაციენტის ისტორიაში თითქმის ყველა სამედიცინო დაწესებულებაში მითითებული იყო არასრული და ურთიერთგამომრიცხავი მონაცემები. გამოვლენილი იქნა მედდების უკანონო ქმედებები და სალიცენზიო პირობების დარღვევის ფაქტები.

ექსპერტებმა ასევე დაადგინეს, რომ რეანიმობილში სამედიცინო მოწყობილობა გაუმართავი იყო.

ჯანდაცვის სამინისტროში განაცხადეს, რომ მომხდართან დაკავშირებით მკაცრი ზომები გატარდება. პროფესიული განვითარების საბჭოს უახლოეს სხდომაზე ექიმების პასუხისმგებლობის საკითხი განიხილება. რაც შეეხება სამედიცინო დაწესებულებებს, ისინი დაჯარიმდებიან.

რეანიმობილს, რომელმაც მოზარდი გადაიყვანა, შეუჩერდა ფუნქციონირების უფლება.

აღნიშნული სკანდალის ფონზე საქართველოს ჯანდაცვის მინისტრმა ეკატერინე ტიკარაძემ ყველა სამედიცინო დაწესებულების, მათი ლიცენზიისა და გადაუდებელი სამედიცინო დახმარების ცენტრების აღჭურვილობის შემოწმების ბრძანება გასცა.

415
თემები:
შემთხვევები საქართველოში (1515)
ხელბორკილები

ფოთში მამაკაცის მკვლელობის საქმეზე სამი პირი დააკავეს

53
(განახლებულია 19:37 04.07.2020)
გამოძიება სსკ-ის 108-ე და 143-ე მუხლებით მიმდინარეობს, რაც განზრახ მკვლელობას და თავისუფლების უკანონო აღკვეთას გულისხმობს. ბრალის დამტკიცების შემთხვევაში დაკავებულებს 7-დან 15 წლამდე ვადით თავისუფლების აღკვეთა ემუქრებათ

თბილისი, 4 ივლისი — Sputnik. ფოთში სამი პირი დააკავეს. დაკავება 2 ივლისს მომხდარ 44 წლის მამაკაცის მკვლელობის საქმეს უკავშირდება, იუწყება შინაგან საქმეთა სამინისტრო.

გამოძიებით დადგინდა, რომ ბრალდებულებმა, თანმხლებ პირებთან ერთად, 1976 წელს დაბადებულ ვ.ტ.-ს ფიზიკური შეურაცხყოფა მიაყენეს, შემდეგ კი, სავარაუდოდ, ბასრი საგნისა და ცეცხლსასროლი იარაღის გამოყენებით, სიცოცხლისთვის საშიში ჭრილობები მიაყენეს და შემთხვევის ადგილიდან მიიმალნენ. უგონო მდგომაროებაში მყოფი ვ.ტ. გადაყვანილ იქნა სამედიცინო დაწესებულებაში, სადაც მალევე გარდაიცვალა.

უწყების ინფორმაციით, სამივე მათგანი სამეგრელო-ზემო სვანეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად დააკავეს.

სამინისტროში აღნიშნავენ, რომ საქმეზე დამატებითი მტკიცებულებების მოპოვებისა და დანაშაულში მონაწილე სხვა პირთა გამოვლენის მიზნით ტარდება კომპლექსური ოპერატიულ-საგამოძიებო მოქმედებები.

გამოძიება საქართველოს სისხლის სამართლის კოდექსის 108-ე და 143-ე მუხლებით მიმდინარეობს, რაც განზრახ მკვლელობას და თავისუფლების უკანონო აღკვეთას გულისხმობს.

დანაშაული 7-დან 15 წლამდე ვადით თავისუფლების აღკვეთას ითვალისწინებს.

53
თემები:
კრიმინალი საქართველოში
სამედიცინო აღჭურვილობა

„უკიდურესად მძიმეა“ - ექიმები მეექვსე სართულიდან გადავარდნილი ბავშვისთვის იბრძვიან

69
(განახლებულია 18:36 04.07.2020)
ექიმები ცდილობენ გადაარჩინონ სამი წლის ბავშვი, რომლის მდგომარეობა უკიდურესად მძიმე და არასტაბილურია

თბილისი, 4 ივლისი – Sputnik. თბილისში მეექვსე სართულიდან გადავარდნილი სამი წლის ბავშვი კრიტიკულ მდგომარეობაშია, განაცხადა ციციშვილის საავადმყოფოს ექიმმა, ნინო უმეკაშვილმა.

როდესაც ღმერთს უყვარხარ: თბილისში მე-14 სართულიდან გადმოვარდნილი ახალგაზრდა გადარჩა >>

უბედური შემთხვევა გუშინ დიდ დიღომში პეტრე იბერის ქუჩაზე მოხდა. ბავშვი მაშინვე გადაიყვანეს საავადმყოფოში.

„ამ ეტაპზე პაციენტის მდგომარეობა არის უკიდურესად მძიმე, აქვს ქალაფუძის, სახის ძვლების მრავლობითი და ზემო კიდურის მოტეხილობა, უკიდურესად მძიმე და არასტაბილურად რჩება. დღეს დილით პაციენტთან ჩატარდა ნეიროქირურგიული ჩარევა, ამ ეტაპზე პაციენტის მდგომარეობა რჩება მძიმედ“, – განაცხადა ექიმმა პირველი არხის ეთერში.

ფაქტზე დაწყებულია გამოძიება სისხლის სამართლის კოდექსის 124-ე მუხლით, რაც გაუფრთხილებლობით ჯანმრთელობის მძიმე დაზიანებას გულისხმობს. აღნიშნული დანაშაული ისჯება ჯარიმით ან გამასწორებელი სამუშაოთი ვადით ორ წლამდე.

69
თემები:
შემთხვევები საქართველოში (1515)
გაზაფხული თბილისში

ამინდის ზუსტი პროგნოზი თბილისში 6 ივლისს

0
მომდევნო კვირის დასაწყისში საქართელოს დედაქალაქში პლუს 34 გრადუსია ნავარაუდევი, ნალექი მოსალოდნელი არ არის

თბილისი, 4 ივლისი – Sputnik. საქართველოს დედაქალაქში ორშაბათს, 6 ივლისს მზიანი და ცხელი ამინდია მოსალოდნელი.

მზე 05:33 საათზე ამოვა და 20:37 საათზე ჩავა.

ჰაერის მინიმალური ტემპერატურა ღამით პლუს 22, დღისით მაქსიმალური კი პლუს 34 გრადუსია ნავარაუდევი.

ქარის სიჩქარე წამში 10–15 მეტრი იქნება.

0
თემები:
ამინდის ზუსტი პროგნოზი თბილისში