უკანონო მშენებლობა სამთავისის ეზოში

სასულიერო პირები სამთავისის კომპლექსის არქიტექტურაში უნებართვოდ ჩაერივნენ

78
(განახლებულია 18:21 03.09.2019)
2007 წლის 24 ოქტომბრიდან სამთავისის კომპლექსი იუნესკოს მსოფლიო მემკვიდრეობის საცდელ სიაშია შეტანილი.

თბილისი, 3 სექტემბერი — Sputnik. სამთავისის კომპლექსის ეზოში ადგილობრივი სასულიერო პირების ინიციატივით სავალი გზის მონაკვეთი ეწყობა, ნათქვამია კულტურული მემკვიდრეობის დაცვის ეროვნული სააგენტოს მიერ გავრცელებულ განცხადებაში.

უწყების ცნობით, კომპლექსის ეზოში სავალი გზის მონაკვეთი თვითნებურად, საპროექტო დოკუმენტაციის სახელმწიფო უწყების საბჭოსთან შეუთანხმებლად ეწყობა.

Незаконное строительство во дворе храма Самтависи
უკანონო სამუშაოები სამთავისში

როგორც განცხადებაშია აღნიშნული, წინასწარი შეფასებით, ახლადმოწყობილი ინფრასტრუქტურული ელემენტი ტაძრის მხატვრულ-არქიტექტურულ ღირებულებებთან შეუთავსებელია და კორექტირებას საჭიროებს. საფეხმავლო ბილიკი ნიჩბისის ქვის ტრადიციული ქართული წყობითაა დაგებული.

Храм Самтависи
სამთავისი

უწყების ცნობით, უნებართვო სამუშაოების დაუყოვნებლივი შეწყვეტის მოთხოვნით კულტურული მემკვიდრეობის დაცვის ეროვნულმა სააგენტომ ადგილობრივ ეპარქიას წერილობითი გაფრთხილება გაუგზავნა.

„ახლად გამოვლენილი ფაქტის შესახებ ეცნობება საქართველოს საპატრიარქოსაც. წარმოებული უნებართვო პროცესის შედეგების გამოსასწორებლად სააგენტო ეპარქიას 6 თვის ვადაში სათანადო საპროექტო დოკუმენტაციის მომზადებას და მის კულტურული მემკვიდრეობის საბჭოსთან შეთანხმებას მოსთხოვს. სამთავისის კომპლექსში განხორციელებული მონიტორინგის ანგარიშს სააგენტო უხლოეს დღეებში გაასაჯაროებს", – აღნიშნულია განცხადებაში.

სამთავისი შუა საუკუნეების ჯვარ-გუმბათოვანი ტაძარია, რომელიც კასპის მუნიციპალიტეტის სოფელ სამთავისში, მდინარე ლეხურის მარცხენა ნაპირზე მდებარეობს. გადმოცემის თანახმად, პირველი ტაძარი აქ ვახტანგ გორგასალს აუგია V საუკუნეში. ამ ნაგებობიდან აღარაფერია შემორჩენილი. მეორედ X-XI საუკუნეებში აშენდა შედარებით მცირე ზომის ტაძარი, ახლანდელი ტაძარი ასევე XI საუკუნით თარიღდება.

2007 წლის 24 ოქტომბრიდან სამთავისის კომპლექსი იუნესკოს მსოფლიო მემკვიდრეობის საცდელ სიაშია შეტანილი.

78
თემები:
შემთხვევები საქართველოში (1652)
მეტროს სადგური „სახელმწიფო უნივერსიტეტი“

მეტროსადგურ „ტექნიკურ უნივერსიტეტში“ დაკვამლიანებაა

31
თბილისის მეტროპოლიტენის პრესსამსახურის ინფორმაციით, საბურთალოს ხაზის ქვესადგურში დაზიანდა ელექტროაგრეგატი, რამაც გამოიწვია დაკვამლიანება გამოიწვია

თბილისი,15 აგვისტო - Sputnik. მეტროსადგურ „ტექნიკურ უნივერსიტეტში“ დაკვამლიანების გამო მოძრაობა დროებით შეფერხებულია, იუწყება პირველი არხი.

საბურთალოს ხაზი 18:53 საათზე დროებით დაიკეტა, მეტროს პირველი ხაზი ამ დროისთვის შეფერხების გარეშე მუშაობს.

გავრცელებული ინფორმაციით,  დაკვალიანება ვესტიბიულის ტექნიკურ ოთახში მოკლე ჩართვამ გამოიწვია.

„დაშავებული არავინაა, მგზავრები ამოვიყვანეთ, მოძრაობა დროებით შეჩერებულია. ადგილზე იმყოფებიან მეხანძრე-მაშველები და მიმდინარეობს პერიმეტრის გადამოწმება“, – აცხადებენ  საგანგებო სიტუაციების მართვის სამსახურში.

თბილისის მეტროპოლიტენის პრესსამსახურის ინფორმაციით, საბურთალოს ხაზის ქვესადგურში დაზიანდა ელექტროაგრეგატი, რამაც გამოიწვია დაკვამლიანება გამოიწვია.

ადგილზე სასწრაფო და სახანძრო სამაშველო ბრიგადები არიან მობილიზებული.

31
თემები:
შემთხვევები საქართველოში (1652)
საპატრულო პოლიცია

სამეგრელოში ავტობუსისთვის ქვის სროლის შედეგად მამაკაცი დაშავდა

83
(განახლებულია 15:14 15.08.2020)
ინციდენტი 6 აგვისტოს სოფელ შუა ქვალონთან მოხდა. როგორც შსს-ში იუწყებიან, მამაკაცმა სამგზავრო ავტობუსს ქვა ესროლა, რის შედეგად დაშავდა ერთი მგზავრი

თბილისი, 15 აგვისტო - Sputnik. სამეგრელო-ზემო სვანეთის რეგიონის პოლიციის თანამშრომლებმა დააკავეს მამაკაცი, რომელმაც სამგზავრო ავტობუსს „ზუგდიდი-თბილისი“ ქვა ესროლა - მან ადამიანი დაჭრა, ნათქვამია შსს-ს ვებგვერდზე გავრცელებულ განცხადებაში.

შსს-ს მონაცემებით, ინციდენტი 6 აგვისტოს სოფელ შუა ქვალონთან მოხდა. მამაკაცმა სამგზავრო ავტობუსს ქვა ესროლა, რის შედეგად დაშავდა ერთი მგზავრი და დაზიანდა ავტობუსის წინა საქარე მინა.

მომხდარ ფაქტებზე გამოძიება სისხლის სამართლის კოდექსის 187-ე მუხლის 1-ლი ნაწილით (ნივთის დაზიანება ან განადგურება, რამაც მნიშვნელოვანი ზიანი გამოიწვია), და 126-ე მუხლის 1-ლი ნაწილით (ძალადობა) მიმდინარეობს. მამაკაცს სამ წლამდე პატიმრობა ემუქრება. საქმეზე გამოძიება გრძელდება.

83
თემები:
შემთხვევები საქართველოში (1652)