პოლიციის მანქანა

შსს-ს სტატისტიკა: ყველაზე ხშირად რა დანაშაული ხდება საქართველოში

151
შსს-მ 2019 წლის იანვარ-ივლისში 17%-ით მეტი დანაშაული დააფიქსირა

თბილისი, 1 სექტემბერი - Sputnik. შსს-მ იანვარ-ივლისში 38,8 ათასი დანაშაული დააფიქსირა, საიდანაც მესამედზე მეტი ქურდობაა, ნათქვამია სამინისტროს ვებგვერდზე გამოქვეყნებულ მასალებში.

რუსთავში ქურდობის ექვს ფაქტზე არასრულწლოვანი დააკავეს >>

ამგვარად, გასული წლის ანალოგიურ პერიოდთან შედარებით დანაშაულის რაოდენობა 17,2%-ით გაიზარდა. გახსნილი დანაშაულის პროცენტი 32,3-ს შეადგენს, ხოლო 2018 წელს - 36,7 იყო.

პირველ ადგილზეა ქურდობები - 12,5 ათასი (+22,1%), საიდანაც დაახლოებით 1,4 ათასი საცხოვრებელში შეღწევით არის ჩადენილი. გახსნილია ქურდობების მეხუთედი.

მეორე ადგილზეა ოჯახური ძალადობა. ამჯერად სამინისტრომ 3 244 შემთხვევა დაარეგისტრირა (+10,38%). საქმეების ნახევარზე მეტი გახსნილია.

მესამე ადგილზეა ნარკოდანაშაული. შვიდ თვეში დაფიქსირდა 3 197 ნარკოდანაშაული (+26,2%). გახსნილია საქმეების ორი მესამედი.

სტატისტიკა ასევე აჩვენებს მუქარის შემთხვევების ზრდას 40,1%-ით. შსს-მ დაარეგისტრირა 1,4 ათასზე მეტი ფაქტი, საიდანაც ნახევარზე მეტი გახსნა.

რამდენი ნარკოტიკი ამოიღეს წლის დასაწყისიდან საქართველოში >>

რაც შეეხება საქართველოს მთავარ მიღწევას - წარმატებულ ბრძოლას მექრთამეობასთან, წლის დასაწყისიდან დაფიქსირდა დანაშაულის ზრდა. მიმდინარე წლის იანვარ-ივლისში ქრთამის აღების 45 შემთხვევა, რაც გასული წლის ანალოგიურ პერიოდთან შედარებით 9 ერთეულით მეტია.

151
თემები:
კრიმინალი საქართველოში (1046)
თბილისის საქალაქო სასამართლო

თავდასხმა სულაბერიძეზე: სასამართლომ კიდევ ერთი პირი დააპატიმრა

67
(განახლებულია 22:02 08.08.2020)
გამოძიების ინფორმაციით, მურვანიძე დანაშაულის ჩადენის მომენტში ღლონტთან ერთად იჯდა ავტომობილში, თუმცა მომხდარის შესახებ პოლიციისთვის არ უცნობებია

თბილისი, 8 აგვისრო ― Sputnik. თბილისის საქალაქო სასამართლომ დავით მურვანიძეს, რომელიც საქართველოს ფეხბურთის ფედერაციისა და კლუბ თბილისის „დინამოს" ყოფილ ვიცე-პრეზიდენტზე, ლერი სულაბერიძეზე თავდასხმის საქმეზე დანაშაულის შეუტყობინებლობის ბრალდებით იყო დაკავებული, აღკვეთის ღონისძიების სახით პატიმრობა შეუფარდა.

მურვანიძის ადვოკატის, სოსო ხარატიშვილის ცნობით, მოსამართლემ არ დააკმაყოფილა დაცვის მხარის შუამდგომლობა გირაოს შესახებ.

შეგახსენებთ: ლერი სულაბერიძის ავტომობილს  წყნეთის გზატკეცილის მიმდებარე ტერიტორიაზე ცეცხლი 28 ივლისს გაუხსნეს, თუმცა სროლისას არავინ დაშავებულა. გამოძიების ინფორმაციით, სულაბერიძის ავტომობილს ცეცხლი ირაკლი ღლონტმა გაუხსნა, რომელიც მომხდარიდან მეორე დღეს დააკავეს. 

რაც შეეხება მურვანიძეს, გამოძიების ინფორმაციით, დანაშაულის ჩადენის მომენტში ის ღლონტთან ერთად იჯდა ავტომობილში, თუმცა მომხდარის შესახებ პოლიციისთვის არ უცნობებია.

აღსანიშნავია, რომ კლუბ „დინამოს“ წილებთან დაკავშირებით თითქმის ხუთი წელია, სასამართლო დავა მიმდინარეობს. მასმედია არ გამორიცხავს, რომ ლერი სულაბერიძეზე თავდასხმა სწორედ ამ ფაქტს უკავშირდებოდეს. საინტერესოა ისიც, რომ ეს სულაბერიძეზე თავდასხმის პირველი ფაქტი არ არის, 1999 წლის 6 მაისს მას „დინამოს" სტადიონთან ასევე საკუთარ ავტომობილში მყოფს ესროლეს.

67
თემები:
კრიმინალი საქართველოში (1046)
კაცი ტყეში

იპოვეს ცოცხალი და საღსალამათი: 89 წლის მამაკაცს ოთხი დღის განმავლობაში ეძებდნენ

198
(განახლებულია 19:47 08.08.2020)
სამძებრო სამუშაოებში პოლიცია და საგანგებო სიტუაციების მართვის სამსახურის 30-მდე მეხანძრე-მაშველი იყო ჩართული

თბილისი, 8 აგვისტო - Sputnik. ოთხდღიანი ძებნის შემდეგ გურჯაანის მუნიციპალიტეტის სოფელ ჩალაუბნიდან გაუჩინარებული 89 წლის მამაკაცი მაშველებმა ტყეში იპოვეს, იუწყება საზოგადოებრივი მაუწყებლის პირველი არხი.

ახლობლების ინფორმაციით, მოხუცს ტყეში გზა აებნა და სახლში დაბრუნებას ვეღარ ახერხებდა. ის  უკვე სახლში იმყოფება და თავს კარგად გრძნობს.

გურამ საგინაშვილი სახლიდან ოთხი დღის წინ გავიდა და გაუჩინარდა. ოჯახმა დახმარებისთვის სამართალდამცველებს მიმართა.

ძებნის პროცესში პოლიცია და საგანგებო სიტუაციების მართვის სამსახურის 30-მდე მეხანძრე-მაშველი იყო ჩართული.

 

198
სავსე მთვარე

მთვარის კალენდარი: 9 აგვისტო რისი გაკეთება შეიძლება და რისი არა

0
(განახლებულია 10:22 08.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

9 აგვისტო, კვირა. ამ დღეს მზე მართავს. კლებადი მთვარე ვერძის ნიშანშია.

ამ დღეს არ ივარგებს აჩქარება, მოუთმენლობა, იმპულსურობა.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. შესანიშნავი დღეა სიყვარულის აღიარებისთვის. ამ დღეს დაწყებული სასიყვარულო რომანი მგზნებარედ განვითარდება.

რეკომენდებულია გუნდური მუშაობა, ფინანსური საკითხების გადაჭრა, მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა და ძველი კავშირების გამტკიცება, ახალი საქმეების დაწყება, აქტიური მუშაობა, ლიდერის თვისებების გამოვლენა, მშენებლობის დაწყება, ხელმძღვანელი პირების მხრიდან კონტრაქტების დადება, ახალი ფილიალების გახსნა, ახალი წესების ამოქმედება.

არარეკომენდებულია შურისა და არაკეთილმოსურნეობის გამომჟღავნება, ვინმეს ნებაზე აყოლა ან გარემოებებზე მინდობა, პასიურობა.

კარგი დღეა მოგზაურობის, მგზავრობისთვის.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

0