კლინიკა

ნეიროფსიქოლოგი ბიჭუნას დაჭრაზე: ფსიქოლოგიური დახმარება ბავშვის მშობლებსაც სჭირდებათ

180
(განახლებულია 16:15 28.08.2019)
ნეიროფსიქოლოგმა მარიამ ხვადაგიანმა თბილისში დაჭრილი ბავშვისა და მისი მშობლების ფსიქოლოგიურ დახმარებაზე ისაუბრა.

თბილისი, 28 აგვისტო – Sputnik. ფსიქოლოგიური დახმარება სჭირდება არა მხოლოდ პატარა ბიჭუნას, რომელსაც ქალი დაესხა თავს, არამედ მის მშობლებსაც, განაცხადა ნეიროფსიქოლოგმა მარიამ ხვადაგიანმა „Sputnik–საქართველოსთან“ ინტერვიუში.

პეკინის გამზირზე ბავშვის დაჭრაში ბრალდებული ქალი დაკავებულია>>

ინციდენტი გუშინ პეკინის გამზირზე მოხდა. სოციალურ ქსელში გავრცელებულ სათვალთვალო კამერით გადაღებულ ვიდეოში ჩანს, რომ ქალმა მოულოდნელად ამოიღო დანა ჩანთიდან და პატარა ბავშვს სახეზე რამდენჯერმა გადაუსვა. ბავშვი 2015 წელს არის დაბადებული. ამას გარდა, ქალმა ბავშვის დის დაჭრაც მოინდომა, მაგრამ მშობლებმა მოასწრეს და გადაარჩინეს ის.

„ფიზიკური ჭრილობების გარდა მნიშვნელოვანია ბავშვის ფსიქოლოგიური მდგომარეობაც, რომ მას მუდმივი შიშის გრძნობა არ დარჩეს და მომავალში თავი უსაფრთხოდ იგრძნოს. ასევე, შესაძლოა, მშობლებსაც დასჭირდეს გარკვეული ფსიქოლოგიური მხარდაჭერა როგორც ამ სტრესის გადალახვაში, ისე ბავშვის განგაშის შეგრძნების შემცირების თვალსაზრისით. მიმაჩნია, რომ საზოგადოების ყურადღება ამაზე უნდა იყოს მიმართული“, – აღნიშნა ხვადაგიანმა.

ბავშვის დაჭრის ბრალდებით 51 წლის ქალია დაკავებული.

„შემთხვევამ ყველა აღგვაშფოთა. თითქოს ამ საზოგადოებაში მთლიანად დაიკარგა უსაფრთხოების შეგრძნება. ძალიან რთულია გვერდიდან ისაუბრო მის (ბრალდებულის) აბსოლუტურად ირაციონალურ ქმედებაზე. ჰიპოთეტურად შეგვიძლია ვივარაუდოთ ამ საქციელის გარვეული მიზეზები, მაგრამ, ვფიქრობ, ჯობს გამოძიებას დაველოდოთ“, – განაცხადა ხვადაგიანმა.

დაშავებულ ბიჭუნას ნაკერები დაადეს. მას ღრმა ჭრილობები ჰქონდა ცხვირისა და მარჯვენა ლოყის არეში. ექიმები აცხადებენ, რომ ყველაფერი გააკეთეს იმისთვის, რომ ბავშვს ნაიარევი არ დარჩეს. მას კლინიკიდან ხვალ გამოწერენ.

ფაქტზე გამოძიება მიმდინარეობს სსკ-ის 117-ე მუხლის მეხუთე ნაწილით, რაც არასრულწლოვნის მიმართ წინასწარი შეცნობით ჯანმრთელობის განზრახ მძიმე დაზიანებას გულისხმობს. დანაშაული 7-დან 10 წლამდე ვადით თავისუფლების აღკვეთას ითვალისწინებს.

180
თემები:
შემთხვევები საქართველოში (1619)
გიორგი შაქარაშვილის სახელობის სტადიონი

თბილისში ერთ–ერთი სტადიონი შაქარაშვილის სახელობის გახდა

35
(განახლებულია 21:28 03.08.2020)
მაისური ნომრით 21 კლუბ „საბურთალოში“ მუდამ გიორგი შაქარაშვილისა დარჩება და ის გუნდის მუზეუმში შეინახება

თბილისი, 3 აგვისტო – Sputnik. საფეხბურთო კლუბმა „საბურთალომ“ დაღუპული 19 წლის ფეხბურთელის გიორგი შაქარაშვილის სახელობის სტადიონი გახსნა.

გიორგი შაქარაშვილის ცხედარი 22 ივნისს, ძებნიდან მეოთხე დღეს მდინარე არაგვში იპოვეს. ექსპერტიზამ დაადგინა, რომ ის მდინარეში დაიხრჩო, თუმცა მის სხეულზე სიცოცხლეში მიყენებული მრავლობითი დაზიანებები აღინიშნებოდა.

შაქარაშვილის გარდაცვალების საქმეს, რომელმაც დიდი საზოგადოებრივი რეზონანსი მიიღო, ორი – თავისუფლების უკანონო აღკვეთისა და ძალადობის მუხლით იძიებენ.

დაღუპული ფეხბურთელის სახელი საფეხბურთო აკადემია „საბურთალოს“ ერთ–ერთ სტადიონს მიენიჭა, რომელიც იოსებიძის ქუჩაზე მდებარეობს. გახსნას ესწრებოდნენ კლუბის ხელმძღვანელები, შაქარაშვილის ოჯახის წევრები, მეგობრები და პარტნიორები.

კლუბის პრეზიდენტმა ტარიელ ხეჩიკაშვილმა აღნიშნა, რომ მაისური №21 წარწერით „შაქარა" კლუბ „საბურთალოში“ მუდამ გიორგის კუთვნილება იქნება და ის კლუბის მუზეუში შეინახება.

გიორგი შაქარაშვილი დუბლშემადგენლობის მოთამაშე იყო. ხელმძღვანელობა და მწვრთნელთა შტაბი მასზე დიდ იმედებს ამყარებდნენ.

35
თემები:
19 წლის გიორგი შაქარაშვილის მკვლელობის საქმე
სასწრაფო სამედიცინო დახმარების ბრიგადა

ოთხი წლის ბავშვი დენის დატყმით გარდაიცვალა

76
ბავშვი სათავსოში შევიდა, სადაც ელექტროგაყვანილობას შეეხო. პოლიციამ საქმე თვითმკვლელობამდე მიყვანის მუხლით აღძრა

თბილისი, 3 აგვისტო – Sputnik. ჭიათურის რაიონის სოფელ ნავარძეთში ოთხიწლის ბავშვს დენმა დაარტყა. ის ადგილზე გარდაიცვალა.

ტელეკომპანია Rustavi2–ის ინფორმაციით, ბავშვი ეზოში თამაშობდა და სათავსოში შევიდა, სადაც ელეექტროსადენს შეეხო.

პოლიციამ სისხლის სამართლის საქმე თვითმკვლელობამდე მიყვანის მუხლით აღძრა.

76
თემები:
შემთხვევები საქართველოში (1619)