საპატრულო პოლიცია

დაკავებულია სამი არასრულწლოვანი ქურდობის ოთხ ფაქტზე

116
(განახლებულია 15:16 27.08.2019)
არასრულწლოვანთა ბანდამ აფთიაქი, კვების ობიექტი, ოფისი და ავტომანქანა გაქურდა.

თბილისი, 27 აგვისტო — Sputnik. შინაგან საქმეთა სამინისტროს თანამშრომლებმა ქურდობის ფაქტზე სამი არასრულწლოვანი დააკავეს, ნათქვამია უწყების მიერ გავრცელებულ განცხადებაში.

გამოძიებით დადგინდა, რომ დაკავებულებმა თბილისში „ჯიპისის" აფთიაქი, კვების ობიექტი „ბავარიული გრილი", ტურისტული კომპანია Time 2 travel-ის ოფისი და BMW-ს მარკის ავტომანქანა გაქურდეს.

სამართალდამცველებმა ნაქურდალი ნივთები ნივთმტკიცებად ამოიღეს.

გამოძიება წინასწარი შეთახმებით ჯგუფის მიერ ჩადენილი ქურდობის ფაქტზე, სსკ-ის 177-ე მუხლის მეორე ნაწილის „ბ" და ამავე მუხლის მესამე ნაწილის „ა" და „ბ" ქვეპუნქტებით მიმდინარეობს, რაც ოთხიდან შვიდ წლამდე პატიმრობას ითვალისწინებს.

116
თემები:
კრიმინალი საქართველოში (914)
ღრუბლიანი ცა მთაში

სვანეთში ადიდებულმა მდინარეებმა გზები ჩახერგეს

8
(განახლებულია 20:01 25.05.2020)
მესტიისა და ლენტეხის მუნიციპალიტეტის სოფლებში ძლიერი წვიმის შედეგად მდინარეები ადიდდა და გზები დაზიანდა.

თბილისი, 25 მაისი – Sputnik. მესტიისა და ლენტეხის მუნიციპალიტეტებში ძლიერი წვიმის შედეგად მდინარეები ადიდდნენ და  გზები დაზიანდა, იუწყება საზოგადოებრივი მაუწყებლის პირველი არხი.

მესტიის მუნიციპალიტეტის სოფელ ხევრაში ადიდებულმა მდინარემ სოფლის შიდა გზა დააზიანა.

მესტიის მერის კაპიტონ ჟორჟოლიანის, ხევრაში გზის აღდგენითი სამუშაოები ხვალ დილიდან დაიწყება.

მდინარემ  გზა ჩახერგა ასევე  სოფელ ვედშიც, სადაც ერთი ოჯახი გარესამყაროს მოწყვეტილია.

სამდღიანმა წვიმამ პრობლემები შეუქმნა ლენტეხის მუნიციპალიტეტსაც.

უხვი ნალექის შედეგად მდინარე მუხრა ადიდდა, წყალი საავტომობილო გზაზე გადავიდა და სოფელ ტვიბთან დამაკავშირებელი გზა ჩაკეტა.

უამინდობის გამო დაზიანებული მონაკვეთის აღდგენა ამ დრომდე ვერ ხერხდება. სოფელთან დაკავშირება მხოლოდ მაღალი გამავლობის ტრანსპორტისთვის არის შესაძლებელი. ადგილზე იმყოფებიან რაჭა-ლეჩხუმსა და ქვემო სვანეთში სახელმწიფო რწმუნებული არჩილ ჯაფარიძე და ლენტეხის მუნიციპალიტეტის მერი ბადრი ლიპარტელიანი.

არჩილ ჯაფარიძის განცხადებით, სოფელ ტვიბის მიმართულებით მოძრაობის აღდგენა წყლის დონის დაკლებისთანავე სრულად იქნება შესაძლებელი.

სინოპტიკოსები ვარაუდობდნენ ამინდის მკვეთრ გაუარესებას, უხვ ნალექს და მეწყრულ-ღვარცოფული პროცესების განვითარებას.

8
თემები:
უამინდობა საქართველოში
წყალდიდობა სვანეთში

სტიქია რაჭაში: ადიდებულმა მდინარემ გზა დატბორა

51
ონის მუნიციპალიტეტებში გადაუდებელი წვიმის შედეგად ადიდებულმა მდინარემ გზა დააზიანა. ადგილზე მძიმე ტექნიკა მუშაობს

თბილისი, 25 მაისი – Sputnik. ონის მუნიციპალიტეტში გადაუდებელი წვიმის შედეგად მდინარე ჭანჭახი ადიდდა და სოფელ გლოლაში ცენტრალური ავტომაგისტრალი დატბორა, იუწყება ტელეარხი Imedi.

სიტუაციას ადგილზე გაეცნო რეგიონის გუბერნატორი არჩილ ჯაფარიძე, მაჟორიტარი დეპუტატი გოჩა ენუქიძე და მუნიციპალიტეტის მერის მოვალეობის შემსრულებელი დავით ჩიკვაიძე.

წყალდიდობის შედეგების აღმოსაფხვრელად ადგილზე სამუშაოები დილიდან მიმდინარეობს.

 

სინოპტიკოსები ვარაუდობდნენ ამინდის მკვეთრ გაუარესებას, უხვ ნალექს და მეწყრულ-ღვარცოფული პროცესების განვითარებას.

51
თემები:
უამინდობა საქართველოში