ოქროს სამკაულები

საქართველოში 2 კგ–ზე მეტი ოქროს და ვერცხლის ნივთები უკანონოდ შემოჰქონდათ

86
(განახლებულია 21:39 13.08.2019)
საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.

თბილისი, 13 აგვისტო — Sputnik. სამართალდამცველებმა „სარფის“  საბაჟო–გამშვებ პუნქტში  ოქროსა და ვერცხლის უკანონო შემოტანის მცდელობა აღკვეთეს, ნათქვამია ფინანსთა სამინისტროს შემოსავლების სამსახურის განცხადებაში. 

უწყების ინფორმაციით, მებაჟეებმა  საქართველოს და აზერბაიჯანელი მოქალაქეების კუთვნილი ხელჩანთებისა და ფიზიკური  დათვალიერებისას არადეკლარირებული ოქროსა და ვერცხლის  ნაკეთობები (2 კგ–ზე მეტი ოქრო, 399,7 გრამი ვერცხლი) აღმოაჩინეს.

საქონლის საბაჟო ღირებულებამ  ჯამში 170,128.05 ლარი შეადგინა.

უწყების ცნობით, საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.

86
თემები:
კრიმინალი საქართველოში (511)