ხელბორკილი

საგამოძიებო სამსახურმა 100 მლნ ლარამდე ყალბი აქტივის გამოყენება აიცილა თავიდან

112
(განახლებულია 21:17 13.08.2019)
აღსანიშნავია, რომ ეჭვმიტანილი 53 პირიდან დღეისათვის უკვე დაპატიმრებულია 38 პირი. მათ შორის არიან კომპანიების დირექტორები და დამფუძნებლები და ასევე კომპანიების ფაქტობრივი მმართველები.

თბილისი, 13 აგვისტო — Sputnik. ფინანსთა სამინისტროს საგამოძიებო სამსახურმა განსაკუთრებით დიდი ოდენობით გადასახადისათვის თავის არიდებისა და უკანონო შემოსავლის ლეგალიზების ფაქტები გამოავლინა, ნათქვამია უწყების განცხადებაში

გავრცელებული ინფორმაციით, გახსნილია  ფართომასშტაბიანი დანაშაულებრივი სქემა, რის შედეგადაც გამოძიება დაწყებულია სისხლის სამართლის ცხრა საქმეზე 53 პირის მიმართ.

„უწყებამ გამოავლინა და თავიდან აიცილა 100 000 000 ლარამდე ყალბი აქტივის გამოყენების შესაძლებლობა და შესაბამისად, თავიდან არის აცილებული ამავე ოდენობის ზიანის მიყენების საფრთხე სახელმწიფო ბიუჯეტისათვის“, — ნათქვამია საგამოძიებო სამსახურის განცხადებაში.

აღსანიშნავია, რომ ეჭვმიტანილი 53 პირიდან დღეისათვის უკვე დაპატიმრებულია 38 პირი. მათ შორის არიან კომპანიების დირექტორები და დამფუძნებლები და ასევე კომპანიების ფაქტობრივი მმართველები.

გავრცელებული ინფორმაციით, სასამართლოს განჩინებების საფუძველზე, დაყადაღებულია ბრალდებულებისა და მათთან დაკავშირებული პირების უძრავ-მოძრავი ქონება და საბანკო ანგარიშები. ამასთან, ამოღებულია მილიონ ლარზე მეტი ნაღდი ფული და დიდი ოდენობით ძვირფასი ლითონის ნაკეთობები.

საქმეზე მიმდინარეობს ინტენსიური გამოძიება ამ და სხვა დანაშაულებრივ სქემებში მონაწილე შესაძლო დამნაშავე პირთა გამოვლენა-მხილების მიზნით.

გამოძიება გრძელდება საქართველოს სისხლის სამართლის კოდექსის 185-ე მუხლის მე-3, 210-ე მუხლის მე-2, 218-ე მუხლის მე-2 და 194-ე მუხლის მე-2 და მე-3 ნაწილებით, რაც სასჯელის სახით ითვალისწინებს თავისუფლების აღკვეთას 9-დან 12 წლამდე ვადით.

112
თემები:
კრიმინალი საქართველოში (990)
მეხანძრე

ხანძარი სვანეთში: ცეცხლთან ბრძოლა სრულდება დარჩენილია რამდენიმე მხრჩოლავი კერა

51
(განახლებულია 17:55 09.07.2020)
მობილიზებული იყო დამატებითი ცოცხალი ძალა თბილისიდან, ასევე ქვემო ქართლის, აჭარისა და იმერეთის რეგიონებიდან.

თბილისი, 9 ივლისი — Sputnik. სვანეთში, სოფელ ხაიშთან ხანძრის ოთხი აქტიური კერიდან სამი უკვე ლიკვიდირებულია, იუწყება შინაგან საქმეთა სამინისტროს საგანგებო სიტუაციების მართვის სამსახური.

ადგილზე შექმნილია სამუშაო შტაბი, რომელსაც საგანგებო სიტუაციების მართვის სამსახურის უფროსი თემურ მღებრიშვილი და უფროსის მოადგილე ლევან ღირსიაშვილი ხელმძღვანელობენ. ადგილზე ასევე იმყოფება სახანძრო-სამაშველო ძალების დეპარტამენტის უფროსი დავით სუხიშვილი.

უწყებაში აღნიშნავენ, რომ ტყის ხანძრის ქრობის სამუშაოები მეოთხე დღეა უწყვეტ რეჟიმში მიმდინარეობს.

„სოფელ ხაიშთან... ოთხდღიანი უწყვეტი სამუშაოების შედეგად მოხერხდა სამი კერის ლიკვიდაცია, ხოლო მეოთხე კერაზე სრული ლოკალიზებაა. დარჩენილია რამდენიმე მხრჩოლავი კერა“, – ნათქვამია განცხადებაში.

ადგილზე ცეცხლის კერებს აქრობენ მეხანძრე-მაშველების ჯგუფები და სასაზღვრო პოლიციის ვერტმფრენი. ტერიტორიის მონიტორინგი ხდებოდა დრონის საშუალებით.

მანამდე ხანძრის სალიკვიდაციო სამუშაოებში ოთხი ვერტმფრენი იყო ჩართული. მობილიზებული იყო დამატებითი ცოცხალი ძალა თბილისიდან, ასევე ქვემო ქართლის, აჭარისა და იმერეთის რეგიონებიდან.

სოფელ ხაიშთან სულ 200 მეხანძრე-მაშველი და 10 ერთეული სახანძრო-სამაშველო ტექნიკა მუშაობდა. რთულ რელიეფზე სამუშაო პროცესში ჩართული იყო განსაკუთრებულ სიტუაციებზე სწრაფი რეაგირების სამაშველო ჯგუფი.

ამ დროისთვის ადგილზე სიტუაცია სრულად კონტროლდება და გრძელდება სალიკვიდაციო სამუშაოები.

51
თემები:
შემთხვევები საქართველოში
ხელბორკილები

მამისა და ბაბუის მკვლელობაში ეჭვმიტანილი დაკავებულია

58
(განახლებულია 16:56 09.07.2020)
ორი ადამიანის მკვლელობაში ეჭვმიტანილ დაკავებულს, რომელიც არაერთხელ ნასამართლევია, 16-დან 20 წლამდე ან უვადო პატიმრობა ელოდება.

თბილისი, 9 ივლისი — Sputnik. მცხეთა–მთიანეთის რეგიონის პოლიციის დეპარტამენტის თანამშრომლებმა დამამძიმებელ გარემობაში ჩადენილი ორი ადამიანის მკვლელობის ბრალდებით ერთი პირი დააკავეს, ნათქვამია შსს-ს განცხადებაში.

დაკავებულს 16-დან 20 წლამდე ან უვადო თავისუფლების აღკვეთა ემუქრება.

30 წლამდე მამაკაცმა მძინარე მამა და ბაბუა მოკლა>>

გამოძიებამ დაადგინა, რომ მიმდინარე წლის 7 ივლისს ადრე არაერთგზის ნასამართლევმა 28 წლის ახალგაზრდამ მუხრანში, საკუთარ სახლში ცივი იარაღით მოკლა მამა და ბაბუა, რის შემდეგაც დანაშაულის ადგილიდან მიიმალა.

ეჭვმიტანილი სოფელ მუხრანში დააკავეს.

58
თემები:
კრიმინალი საქართველოში (990)
წერილი ბოთლში

9 წლის ბიჭმა ბათუმში ზღვაში ბოთლით წერილი გადააგდო, რომელიც კრასნოდარში იპოვეს - ფოტო

0
(განახლებულია 15:02 09.07.2020)
სოციალურ ქსელში დაუჯერებელი ისტორია ვრცელდება. 9 წლის ბიჭი, რომელმაც ბათუმში წერილი ზღვაში გადააგდო გზავნილი შემთხვევით კრასნოდარის მხარეში გაგზავნა

თბილისი, 9 ივლისი — Sputnik. ბოთლში ჩადებული წერილი, რომელიც 9 წლის საბა შარაშენიძემ ბათუმში, ზღვაში გადააგდო, კრასნოდარის მხარეში, სანაპიროზე იპოვეს, წერს სოციალურ ქსელში „ქართული ოცნების“ წევრი ოთარ ჩრდილელი.

პოსტიდან ირკვევა, რომ წერილის ავტორი 9 წლის საბა შარაშენიძეა, რომელიც სავარაუდოდ საქართველოში, ბათუმში ცხოვრობს. მან წერილი ბოთლში მოათავსა და ზღვაში გადააგდო. გარკვეული პერიოდის შემდეგ კი ზღვამ კრასნოდარის მხარეში გამორიყა.

„ახლა იქაური გაზეთის რედაქტორი ეძებს – საბას, ხომ არ იცნობთ?”,- წერდა ოთარ ჩრდილელი „ფეისბუქში“ და წერილსაც აქვეყნებდა.

მოგვიანებით ოთარ ჩრდილელმა სოციალური ქსელის მომხმარებლებს აცნობა, რომ წერილის ავტორი იპოვეს და მისი ფოტო საზოგადოებას გაუზიარა.

0