ეჭვმიტანილის დაკავება

უაქციზო სიგარეტის უპრეცედენტო კონტრაბანდა: დაკავებულია 12 პირი

77
(განახლებულია 11:10 13.08.2019)
ამოღებული უაქციზო სიგარეტის ფასი ჯამში 82 ათას ლარს აღემატება

თბილისი, 13 აგვისტო — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა, სამეგრელოსა და იმერეთის რეგიონებში, დიდი ოდენობით უაქციზო სიგარეტის შენახვა-გადაზიდვის ათი ფაქტი გამოავლინეს, ნათქვამია უწყების მიერ გავრცელებულ განცხადებაში.

უწყების ინფორმაციით, სულ ამოღებულია 22 400 კოლოფი უაქციზო სიგარეტი, ამოღებული სიგარეტის საერთო ფასი 82 ათას ლარს აღემატება.

აღნიშნულ ფაქტზე დაკავებულია 12 პირი.

გამოძიება დიდი ოდენობით უაქციზო საქონლის შენახვა-გადაზიდვის ფაქტზე სსკ-ის მე-200 მუხლის პირველი, მეორე და მესამე ნაწილებით მიმდინარეობს, რაც ექვსიდან რვა წლამდე პატიმრობას ითვალისწინებს.

77
თემები:
კრიმინალი საქართველოში (609)