პოლიცია

ყალბი დოკუმენტები: დაკავებულია საექსპერტო დაწესებულების უფროსი

103
(განახლებულია 12:39 09.08.2019)
დანაშაული სამ წლამდე ვადით თავისუფლების აღკვეთას ითვალისწინებს

თბილისი, 9 აგვისტო — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა ყალბი დოკუმენტების დამზადება-გასაღების ფაქტზე იმერეთში კერძო საექსპერტო დაწესებულების ხელმძღვანელი და ლაბორატორიის უფროსი ამხილეს, ნათქვამია უწყების მიერ გავრცელებულ განცხადებაში.

გამოძიებით დადგინდა, რომ ბრალდებულებმა, არაკანონიერი მატერიალური სარგებლის მიღების მიზნით, ფულადი თანხის სანაცვლოდ, შესაბამისი ლაბორატორიული კვლევის გარეშე დაამზადეს და გასცეს ბეტონის ლაბორატორიული გამოცდის ყალბი ოქმი ბეტონის სიმტკიცესთან დაკავშირებით.

მომხდარ ფაქტზე გამოძიება დაწყებულია სსკ-ის 362-ე მუხლის პირველი ნაწილით, რაც სამ წლამდე ვადით თავისუფლების აღკვეთას ითვალისწინებს.

103
თემები:
კრიმინალი საქართველოში (609)