საპყრობილე

ერთი მოკლული და ერთ დაშავებული: დამნაშავეს 17 წლით პატიმრობა შეეფარდა

83
(განახლებულია 13:54 08.08.2019)
გამოძიებით დადგინდა, რომ ბრალდებულმა ორი ადამიანი ურთიერთშელაპარაკების ნიადაგზე დანით დაჭრა

თბილისი, 8 აგვისტო — Sputnik. თბილისის საქალაქო სასამართლომ განზრახ მკვლელობისა და განზრახ მკვლელობის მცდელობისთვის ბრალდებულ ერთ პირს 17 წლით თავისუფლების აღკვეთა შეუფარდა, ნათქვამია საქართველოს პროკურატურის ოფიციალურ ვებ-გვერდზე გავრცელებულ განცხადებაში.

გამოძიებით დადგინდა, რომ 2018 წლის 16 ნოემბერს, თბილისში ონაშვილის ქუჩაზე ბრალდებულმა ურთიერთშელაპარაკების ნიადაგზე, ორ ადამიანს სხეულის სხვადასხვა არეში დანით რამდენიმე ჭრილობა მიაყენა. მიყენებული ჭრილობების შედეგად ერთ-ერთი ადგილზე გარდაიცვალა, ხოლო მეორემ გაქცევით უშველა თავს.

სამართალდამცველებმა დამნაშავე იმავე დღეს დააკავეს.

თბილისის საქალაქო სასამართლომ დაკავებული დამნაშავედ ცნო განზრახ მკვლელობის და განზრახ მკვლელობის მცდელობის მუხლებით.

83
თემები:
კრიმინალი საქართველოში (1049)
პატრული

სენაკში მიტროპოლიტი საბას ოჯახი დააყაჩაღეს

113
(განახლებულია 12:27 09.08.2020)
გავრცელებული ინფორმაციით, წაღებულია მობილური ტელეფონები, გაურკვეველი რაოდენობის თანხა და სხვა ნივთები

 

თბილისი, 9 აგვისტო — Sputnik. სენაკში ხონისა და სამტრედიის მიტროპოლიტი საბას ოჯახი დააყაჩაღეს, იუწყება ტელეკომპანია Rustavi 2.

შემთხვევა გუშინ, ღამით მოხდა.

გავრცელებული ინფორმაციით, დაყაჩაღების დროს სახლში ოჯახის წევრები არ იმყოფებოდნენ.  წაღებულია მობილური ტელეფონები, გაურკვეველი რაოდენობის თანხა და სხვა ნივთები.

მომხდარ ფაქტზე გამოძიება დაწყებულია სსკ-ის 179-ე მუხლის მეორე და მესამე ნაწილით, რაც, ბინაში უკანონო შეღწევით ჯგუფურად ჩადენილ ყაჩაღობას გულისხმობს.

113
თემები:
კრიმინალი საქართველოში (1049)
არ გადაკვეთო დანაშაულის ადგილი

ტყიბულში მამაკაცი მოკლეს

126
გავრცელებული ინფორმაციით, მკვლელობა ორ ადამიანს შორის ურთიერთშელაპარაკების ნიადაგზე მოხდა. დაღუპული მამაკაცი თერჯოლის მკვიდრია.

თბილისი, 9 აგვისტო — Sputnik. ტყიბულში ახალგაზრდა მამაკაცი მოკლეს, იუწყება ტელეკომპანია Rustavi 2.

შემთხვევა ქალაქის ცენტრში გუშინ ღამით მოხდა.

დაღუპული მამაკაცი თერჯოლაში ცხოვრობდა.

გავრცელებული ინფორმაციით,  მკვლელობას წინ ურთიერთშელაპარაკება უძღოდა.  

მომხდარ ფაქტზე გამოძიება დაწყებულის სსკ-ის 108-ე მუხლით დაიწყო, რაც განზრახ მკვლელობას გულისხმობს.

126
თემები:
კრიმინალი საქართველოში (1049)
თბილისი

როგორი ამინდი იქნება თბილისში 11 აგვისტოს

0
(განახლებულია 17:31 09.08.2020)
დედაქალაქში სამშაბათს ძირითადად მოღრუბლული ამინდი იქნება, მაგრამ სიცხე შენარჩუნდება – დღისით ჰაერი 34 გრადუსამდე მოიმატებს

თბილისი, 9 აგვისტო - Sputnik. სინოპტიკოსების პროგნოზით თბილისში სამშაბათს, 11 აგვისტოს უპირატესად მოღრუბლული ამინდია მოსალოდნელი.

ჰაერის ტემპერატურა ღამით იქნება +21, ხოლო დღისით +34 გრადუსი.

ქარი 10–15 მეტრი წამში სიჩქარით დაუბერავს.

მზე 06:05 საათზე ამოვა და 20:06 საათზე ჩავა.

0
თემები:
ამინდის ზუსტი პროგნოზი თბილისში