Rustavi2-ის შენობა

„რუსთავი2“-ის შენობიდან გამომძიებლებმა საფინანსო დოკუმენტაცია და სეიფი ამოიღეს

98
(განახლებულია 14:20 03.08.2019)
რას აკეთებდნენ „რუსთავი2“-ის შენობაში გამომძიებლები, ამის შესახებ პროკურორმა ისაუბრა

თბილისი, 3 აგვისტო — Sputnik. პროკურატურის გამომძიებლებმა დაასრულეს მუშაობა კომპანია „ინტერ მედიას“ ოფისში, რომელიც მისი დამქირავებელი ტელეკომპანია „რუსთავი2“-ის შენობაში მდებარეობს, ამოიღეს საფინანსო დოკუმენტაცია და სეიფი, იუწყება ტელეარხი.

საქმე ეხება საქართველოს პროკურატურაში მიმდინარე გამოძიებას სამაუწყებლო კომპანია „რუსთავი 2"-ის კანონიერი ინტერესის საწინააღმდეგოდ უფლებამოსილების ბოროტად გამოყენებას, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისებას და ქონების მოჩვენებითი ან/და თვალთმაქცური გარიგებით გადამალვას.

„დაიბარებენ ჩვენს ფინანსურ სამსახურებსაც" – ნიკა გვარამიას გამოკითხვა დასრულდა >>

პროკურატურა „რუსთავი2“-ის კონტრაქტორებით - „ინტერ მედია“ და „ინტერ მედია პლუს“ მას შემდეგ დაინტერესდა, რაც სამაუწყებლო კომპანია „რუსთავის 2"-ის 9%-იანი წილის ყოფილი მფლობელის ნინო ნიჟარაძის ადვოკატმა პროკურატურაში 16 ივლისს განცხადება შეიტანა. ორივე კომპანიას ხელმძღვანელობს ერთი ადამიანი - ზურაბ იაშვილი, მაგრამ მფლობელები სხვადასხვაა.

2014 წელს დარეგისტრირებული კომპანია „ინტერ მედია პლუს“ ეკუთვნის კომპანიას „მედია გრუპ მენეჯმენტი“ და ზურაბ ანჯაფარიძეს. ხოლო კომპანია „ინტერ მედია“ 2016 წელს დარეგისტრირდა. ის ეკუთვნის ირაკლი ბურძგლას ზურაბ გუმბარიძესა და მიშა მშვილდაძეს.

„ამოღებული იქნა შპს „ინტერმედია პლიუსის“ საქმიანობასთან დაკავშირებული დოკუმენტაცია. დოკუმენტების შინაარსზე ვერ გესაუბრებით. უბრალოდ, ის შემიძლია გითხრათ, რომ ეს დოკუმენტაცია ეხება კომპანიის ყოველდღიურ საქმიანობას. ასევე ამოვიღეთ ჩაკეტილი სეიფი, რომელიც უფლებამოსილი წარმომადგენლის თანდასწრებით უნდა გაიხსნას“, - განაცხადა პროკურორმა ლაშა აბულაძემ.

ბოლო დღეებში გამოკითხულია ორივე კომპანიის გენერალური დირექტორი ზურაბ იაშვილი, ასევე „რუსთავი2“-ის ყოფილი გენერალური დირექტორი ნიკა გვარამია. გვარამიამ აღძრულ საქმეს აბსურდული უწოდა, ხელისუფლება „რუსთავი2“-ის მიტაცების და კრიტიკულად განწყობილ ადამიანებთან ანგარიშსწორების მცდელობაში დაადანაშაულა. ასევე მან ტელეკომპანიის ამჟამინდელ გენერალურ დირექტორს შეურაცხყოფა მიაყენა.

ვინ არის ნიკა გვარამია >>

გვარამიას მიმართ ნიჟარაძის ძირითადი პრეტენზიები უკავშირდება „რუსთავი2“-ის ურთიერთობებს პრომოუტერულ კომპანიებთან. ნიჟარაძის ადვოკატი ამტკიცებს, რომ როდესაც კომპანიას გაეზარდა საოპერაციო ხარჯები და საჭირო იყო რეკლამით მიღებული მეტი შემოსავლების ინტეგრირება, გვარამიამ კომპანია „ინტერ მედიასთან“ ფიქსირებულ შემოსავალზე კონტრაქტი გააფორმა. ამით ტელეკომპანიას ზარალი მიადგა, ხოლო „ინტერ მედიას“ შემოსავლები გაეზარდა.

ტელეკომპანია „რუსთავი 2" ახალ რეალობაში 18 ივლისიდან აღმოჩნდა, მას შემდეგ, რაც ევროპის ადამიანის უფლებათა სასამართლომ დაუშვებლად მიიჩნია ტელეკომპანია „რუსთავი 2"-ის იურისტებისა და მისი მფლობელების პრეტენზიები საქართველოს სასამართლოსადმი. ტელეკომპანიამ სტრასბურგს მას შემდეგ მიმართა, რაც საქართველოს უზენაესმა სასამართლომ 2017 წლის მარტში ძალაში დატოვა ორი ქვედა ინსტანციის სასამართლოს გადაწყვეტილება „რუსთავი 2"-ის ყოფილი მფლობელისთვის, ბიზნესმენ ქიბარ ხალვაშისა და მისი კომპანია „პანორამასთვის" გადაცემის შესახებ.

ამის შემდეგ „რუსთავი 2"-ის წილები ბიზნესმენ ქიბარ ხალვაშსა (60%) და მის კომპანია „პანორამაზე" (40%) გადაფორმდა. 18 ივლისსვე ქიბარ ხალვაშმა „რუსთავი 2"-ის გენერალურ დირექტორად პაატა სალია დანიშნა, რომელმაც ამ პოზიციაზე ნიკა გვარამია შეცვალა.

გვარამია ახალი ტელევიზიის შექმნას გეგმავს >>

სალია „რუსთავი2“-ის საფინანსო დოკუმენტაციას უკვე გაეცნო და ის აცხადებს, რომ სიტუაცია სავალალოა, რადგან თანხა ყველაზე დაბალანაზღაურებადი თანამშრომლის ხელფასის გასასტუმრებლად არ არის საკმარისი.

როგორც პროკურორმა ზვიად გუბელაძემ განაცხადა, ფულის მითვისების საქმეს სალიაც განცხადება ერთვის.

 

 

98
თემები:
დავა „რუსთავი 2"-ის ირგვლივ (194)
ტაქსი

კოვიდინფიცირებულ ტაქსის მძღოლს თბილისში მგზავრები გადაჰყავდა

86
შინაგან საქმეთა სამინისტრო ქვეყანაში კორონავირუსის გავრცელების პრევენციის მიზნით, COVID-19-ის გავრცელების წინააღმდეგ მიმართული წესებისა და რეკომენდაციების აღსრულების მონიტორინგს განაგრძობს.

თბილისი, 4 დეკემბერი – Sputnik. სამართალდამცველებმა ვაკეში, აბაშიძის ქუჩაზე, ტაქსის კოვიდინფიცირებული მძღოლი და მისი თანმხლები პირი დააჯარიმეს, იუწყება შინაგან საქმეთა სამინისტრო.

გავრცელებული ინფორმაციით, ორივე  მოქალაქე პოლიციამ იმ დროს დააჯარიმა, როდესაც ისინი ავტომანქანით გადაადგილდებოდნენ. 54 და 60 წლის მამაკაცები კოვიდაღრიცხვაზე 2020 წლის 27 ნოემბრიდან იმყოფებიან.

„ორივე მამაკაცი, იზოლაციის ნაცვლად, ქალაქის ქუჩებში ბ.ჭ.-ს სარგებლობაში არსებული ავტომანქანით – ტაქსით გადაადგილდებოდა, რაც ადმინისტრაციულ სამართალდარღვევას წარმოადგენს. ამასთანავე, ინფიცირებულ ბ.ჭ.-ს აღნიშნული ტაქსით მგზავრები სისტემატურად გადაჰყავდა“, -აღნიშნულია განცხადებაში.

ღნიშნული პირები ადმინისტრაციულ სამართალდარღვევათა კოდექსის 42-ე პრიმა-10 მუხლით  დაჯარიმდნენ, რაც იზოლაციის ან კარანტინის წესების დარღვევას გულისხმობს და ფიზიკური პირის 2000 ლარით დაჯარიმებას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა, დაიცვან კანონი და დაემორჩილონ დაწესებულ რეგულაციებს.

86
თემები:
შემთხვევები საქართველოში
მოსამართლის ჩაქუჩი

პოლიციელებზე თავდასხმაში ბრალდებულს აღკვეთის ზომად პატიმრობა შეეფარდა

31
(განახლებულია 20:25 04.12.2020)
ბრალდებულის ადვოკატი აცხადებს, რომ ვაშაყმაძემ გავრცელებულ ვიდეომიმართვასთან დაკავშირებით ბოდიში მოიხადა, ხოლო პოლიციელზე თავდასხმის შესახებ ბრალდებას არ ეთანხმება.

თბილისი, 4 დეკემბერი – Sputnik. ოპოზიციური პარტია „გამარჯვებული საქართველოს“ წევრს ასლან ვაშაყმაძეს, რომელიც პოლიციელებზე თავდასხმაშია ბრლდებული, ფოთის საქალაქო სასამართლომ დღეს აღმკვეთი ღონისძიების სახით წინასწარი პატიმრობა შეუფარდა. სხდომა ონლაინ–რეჟიმში გაიმართა, იუწყება „Sputnik–საქართველოს“ კორეპონდენტი.

თავდაცვის ყოფილი მინისტრის ირაკლი ოქრუაშვილის თანაპარტიელმა, 36 წლის ვაშაყმაძემ რამდენიმე დღის წინ საკუთარ Facebook-გვერდზე გაავრცელა ვიდეო, რომელშიც აგრესიული და უცენზურო სიტყვებით მოქალაქეებს პოლიციელების მიმართ ფიზიკური ანგარიშსწორებისკენ მოუწოდებდა. კერძოდ, ვაშაყმაძე საზოგადოებას მოუწოდებდა ერთი პოლიციელის დაჭერას და სამაგალითოდ დასჯას. მოგვიანებით ოპოზიციური პარტიის წევრმა ვიდეო წაშალა და ახალი ვიდეომიმართვა გაავრცელა, რომელშიც საზოგადოებას ბოდიშს უხდის.

ბრალდების ვერსიით, ამ საქმის გამოძიების ფარგლებში პოლიციის თანამშრომლები ვაშაყმაძეს ქალაქ ფოთში შეხვდნენ, რათა ის მოწმის სახით საგამოძიებო ორგანოში გამოეძახებინათ. ამ დროს ვაშაყმაძე პოლიციელებს თავს დაესხა და ფიზიკური შეურაცხყოფა მიაყენა.

ვაშაყმაძე პოლიციამ 2 დეკემბერს დააკავა.

ბრალდებულის ადვოკატი გიორგი გოგინავა აცხადებს, რომ მისი დაცვის ქვეშ მყოფმა გავრცელებულ ვიდეომიმართვასთან დაკავშირებით ბოდიში მოიხადა, ხოლო ბრალდების მხარის მიერ წაყენებულ პოლიციელზე თავდასხმის შესახებ ბრალდებას არ ეთანხმება და მიიჩნევს, რომ ამ ბრალდების უსაფუძვლობის დადასტურებას მტკიცებულებების შეგროვებით შეძლებს.

დაცვის მხარე სასამართლოსგან აღკვეთის ღონისძიების სახედ გირაოს გამოყენებაზე შუამდგომლობდა და მზად იყო, გირაოს სახით უძრავი ქონება წარედგინა.

სასამართლომ დაცვის მხარის შუამდგომლობა არ დააკმაყოფილა და მას საქმის გამოძიების პერიოდში პატიმრობა შეუფარდა.

„დავჩეხოთ და თავი დავუჩეჩქოთ..." – ოპოზიციონერი სკანდალის ობიექტი გახდა>>

შსს-ს ინფორმაციით, გამოძიება სისხლის სამართლის კოდექსის 239-ე პრიმა მუხლით და 353-ე პრიმა მუხლის 1-ლი ნაწილით გრძელდება, რაც ძალადობრივი ქმედებისკენ საჯაროდ მოწოდებას და პოლიციელზე თავდასხმას გულისხმობს. დაკავებულს 4-დან 7 წლამდე თავისუფლების აღკვეთა ემუქრება.

ნიკა ლატარია

31
თემები:
შემთხვევები საქართველოში
ზურაბ ჯაფარიძე

ჯაფარიძე: „განადგურებით“ დამემუქრნენ

0
„გირჩის” ლიდერის, ზურაბ ჯაფარიძის განცხადებით,  პარტიის წევრები, რომლებთან ერთადაც თანამშრომლობის გაგრძელებას აღარ აპირებს, მას დაემუქრნენ და ურჩიეს, თავად წასულიყო პარტიიდან

თბილისი, 5 დეკემბერი - Sputnik. ოპოზიციური პარტია „გირჩის“ დამფუძნებელი ზურაბ ჯაფარიძე თანაპარტიელებთან ერთობის შენარჩუნებას გამორიცხავს და აცხადებს, რომ მას და პარტიის დამფუძნებლებს მხოლოდ სახელისა და Facebook-გვერდის დატოვება სურთ, სხვა რესურსები კი იაგო ხვიჩიას, ვახტანგ მეგრელიშვილს და ალექსანდრე რაქვიაშვილს დარჩებათ.

ყველაზე არაორდინარული პარტია „გირჩის“ ერთ-ერთმა დამაარსებელმა ზურაბ ჯაფარიძემ პარტიის დახურულ ჯგუფში გამოაქვეყნა სტატუსი, რომელშიც პარტიაში განხეთქილებაზე განაცხადა. მან აღნიშნა, რომ უთანხმოება აქვს პარტიის წევრებთან ალექსანდრე რაქვიაშვილთან, ვახტანგ მეგრელიშვილთან და იაგო ხვიჩიასთან, მათი გზები გაიყო და არ აპირებს მათთან ერთად „გირჩის“ კეთებას.

„ჩვენ გვრჩება მხოლოდ სახელი და პეიჯი, ხოლო მათ რჩებათ ყველაფერი დანარჩენი – ბიბლიური თავისუფლება თავის შემოსავლებით, პორტალი თავის ჯედებით, ვებგვერდი, ფბ ჯგუფები, ავეჯი, ინვენტარი და ა.შ. პასუხად მივიღე: ჯერ რჩევა რომ „დავოკებულიყავი“, შემდეგ მუქარა რომ „გავნადგურდებოდი“, შემდეგ ეჭვი, რომ შესაძლოა „სუსის კაცი“ ვიყო, ბოლოს კი, ისევ რჩევა რომ ჩემი ნებით წავსულიყავი „გირჩიდან“, რადგან სახელში უკვე მიწერია „გირჩი“ და ეგ უნდა ვიმყოფინო ამ პასუხიდან გამომდინარე“, - წერს ჯაფარიძე.

ჯაფარიძე ხვიჩიას, მეგრელიშვილსა და რაქვიაშვილს საჯაროდ სთავაზობს „ცივილიზებულ გაყრას", ასევე, „გირჩს“ მიმართავს, რომ ფეისბუქ-ჯგუფში გაკეთებული გამოკითხვით ან მათ პორტალზე კენჭისყრით გადაწყდეს, ვის დარჩება სახელი და Facebook-გვერდი.

გუშინ „გირჩის“ წევრი იაგო ხვიჩია ზურაბ ჯაფარიძის გამოქვეყნებულ სტატუსს გამოეხმაურა, მას „მოწმენდილ ცაზე მეხის გავარდნა“ უწოდა და ჯაფარიძესთან უთანხმოება გამორიცხა. გავრცელებული ინფორმაციით, ჯაფარიძის სტატუსი სიურპრიზი აღმოჩნდა რაქვიაშვილსა და მეგრელიშვილისთვისაც.

„მეხის გავარდნა მოწმენდილ ცაზე“ – რა ხდება „გირჩში“ >>

„გირჩი“ პოლიტიკურ არენაზე 2015 წელს გამოჩნდა. პარტია ყოფილი მმართველი პარტია „ერთიანი ნაციონალური მოძრაობის“ სამმა ყოფილმა წევრმა დააფუძნა.

პარტია ლიბერალური მიმართულებისაა, სახელი გაითქვა არაორდინარული ქცევით და კანონში ხარვეზების აღმოჩენის უნარით. საკონსტიტუციო სასამართლოში შეტანილი სარჩელის წყალობით „გირჩმა“ მიაღწია საქართველოში მარიხუანას მოხმარების დეკრიმინალიზაციას.

0
თემები:
საქართველოს პოლიტიკური ცხოვრება