თბილისის საქალაქო სასამართლო

მამუკა ხაზარაძის ადვოკატმა საქალაქო სასამართლოს გადაწყვეტილება გაასაჩივრა

132
ბანკირების საქმეზე პირველი სასამართლო სხდომა 12 სექტემბერს გაიმართება

თბილისი, 28 ივლისი - Sputnik. „თიბისი ბანკის“ დამფუძნებლების, მამუკა ხაზარაძისა და ბადრი ჯაფარიძის ადვოკატმა ზვიად კორძაძემ საქალაქო სასამართლოს გადაწყვეტილება სააპელაციოში გაასაჩივრა.

პარასკევს სასამართლომ ხაზარაძესა და ჯაფარიძეს გირაოს სახით 700 ათასი ლარი შეუფარდა და აუკრძალა ქვეყნის დატოვება პროკურატურის ნებართვის გარეშე.

მამუკა ხაზარაძეს და ბადრი ჯაფარიძეს გირაო შეეფარდათ >>

ადვოკატის თქმით, სასამართლოს გადაწყვეტილება დაუსაბუთებულია და მთლიანად გასაჩივრდება.

„დაცვის მხარის პოზიციებს განჩინებაში აქვს მხოლოდ ერთი აბზაცი მიძღვნილი და იმაზეც არ არის პასუხი გაცემული. ყველაფერი გავასაჩივრეთ სააპელაციო სასამართლოში. სამწუხაროდ, არგუმენტაცია არ არსებობს განჩინებაში, თუ რატომ უნდა შეფარდებულიყო. ზოგადი ფრაზები წერია განჩინებაში, რომ არსებობს ფაქტობრივი და ფორმალური გარემოებები. რაც შეეხება ქვეყნიდან გასვლას, ამაზე საერთოდ არ აქვს მსჯელობა. და ამიტომ ვთხოვთ სააპელაციო სასამართლოს, რომ გააუქმოს აღნიშნული განჩინება და არ გამოიყენოს აღკვეთი ღონისძიება“, - განაცხადა ზვიად კორძაძემ.

ადვოკატმა აღნიშნა, რომ სასამართლო განჩინება დიდი დაგვიანებით გადაეცათ.

„გავასაჩივრეთ სასამართლოს განჩინება. სამწუხაროდ, ის ძალიან დაგვიანებით ჩაგვბარდა, სულ 48 საათია გასაჩივრებისთვის და ჩაგვბარდა 8 საათით ადრე და ამ დროში რაც შესაძლებელი იყო, ყველაფერი დავაფიქსირეთ“, - განაცხადა მან.

პროკურატურის ნებართვის გარეშე ქვეყნის დატოვების აკრძალვას ადვოკატი აბსურდულს უწოდებს.

„ბიზნესმენებისთვის, რომლებიც უცხოეთში დადიან  არა გასართობად, არამედ სამსახურის საქმეებზე, ანაკლიის პორტზე ინვესტორებთან მოლაპარაკებების პროცესში, ეს აბსურდულია“, - განაცხადა კორძაძემ.

პროკურატურამ ხაზარაძესა და ჯაფარიძეს დაახლოებით 17 მლნ დოლარის უკანონო შემოსავლების ლეგალიზებაში ბრალი ოთხშაბათს წაუყენა. საუბარი TBC Bank–ის 2008 წლის ერთ–ერთ საბანკო ოპერაციას ეხება. 

ხაზარაძე TBC Holding-ის დამფუძნებელია, რომელმაც ამერიკულ კომპანია Conti International LLC-თან ერთად „ანაკლიის განვითარების კონსორციუმი“ დააფუძნა. სწორედ ეს კონსორციუმი აშენებს ანაკლიაში პირველ ღრმაწყლოვან პორტს.

პრემიერი მამუკა ხაზარაძის საქმეზე აშშ-ის საელჩოს განცხადებას გამოეხმაურა >>

მამუკა ხაზარაძემ და ბადრი ჯაფარიძემ „თიბისი ბანკის“ მფლობელი კომპანიის – „თიბისი ბანკის ჯგუფის“ დირექტორთა საბჭოს თავმჯდომარისა და თავმჯდომარის მოადგილის თანამდებობები დატოვეს. ხაზარაძის განცხადებით, ისინი ამ გადაწყვეტილებამდე მივიდნენ, რათა მათ წინაშე წაყენებულმა ბრალდებებმა არ იქონიოს გავლენა ჯგუფის საქმიანობაზე, ხოლო თავად თავისუფლად შეძლონ დავის გაგრძელება. ხაზარაძე ამ სტრუქტურებში თავმჯდომარე იყო, ხოლო ჯაფარიძე - მისი მოადგილე.

მეტიც, მამუკა ხაზარაძე და ბადრი ჯაფარიძე „ანაკლიის განვითარების კონსორციუმის" მმართველ საბჭოში თანამდებობის დატოვებას აპირებენ. როგორც ხაზარაძემ განაცხადა, ისინი გადაიწევიან უკანა პლანზე, „რათა ერთხელ და სამუდამოდ დამთავრდეს სპეკულაცია, რომ ჩვენ რაღაცას ვეფარებით“.

ადრე ადვოკატმა განაცხადა, რომ საქმეზე პირველი სასამართლო სხდომა სექტემბერში გაიმართება.

„სამართლიანობის აღსადგენად ბრძოლას 12 სექტემბერს დავიწყებთ. ამასთან, პროკურატურამ განაცხადა, რომ ამ საქმეში დაზარალებული მხარე არ არის და არც იქნება“, - აღნიშნა კორძაძემ.

132
თემები:
სკანდალი TBC BANK–ის წინააღმდეგ (58)
პროკურატურა

ახალი სკანდალი ბაჩალიაშვილის იდუმალი გარდაცვალების საქმეში

12
(განახლებულია 17:01 22.09.2020)
დაღუპულის ოჯახის ადვოკატი შიშობს, რომ მისი მობილური ტელეფონის ჩამორთმევის კვალდაკვალ სამართალდამცავებმა შეიძლება მას თავისუფლებაც ჩამოართვან

თბილისი, 22 სექტემბერი – Sputnik. თამარ ბაჩალიაშვილის გარდაცვალების საქმეში ახალი სკანდალი მომწიფდა – ოჯახის ადვოკარი მიხეილ რამიშვილი არ გამორიცხავს, რომ ის შეიძლება დააპატიმრონ.

საქართველოს პროკურატურამ უფლებადამცველი მობილური ტელეფონი მას შემდეგ ამოიღო, რაც ადვოკატმა გოგონას გარდაცვალების ადგილიდან თანამგზავრის მიერ გადაღებული ფოტოები გაავრცელა. მოგვიანებით, ექსპერტიზის შედეგად ცნობილი გახდა, რომ ეს კადრები ფოტომონტაჟის შედეგია.

„დღეს ტელეფონი ჩამომართვეს, ხვალ, ალბათ, თავისუფლებასაც მიაყოლებენ ზედ. მე არ ვიცი, რატომ ჩამომართვეს ტელეფონი, რაღაც უნდა გადაამოწმონ. მალე თავისუფლებასაც ჩამომართმევენ, ძალიან არ უნდათ, მე ამ საქმეში ვიყო, რადგან ხედავენ, უფრო და უფრო მეტ ინფორმაციას ვაწვდი ამ საქმეში. არანაირი თვითმკვლელობა არ არსებობს. ეს გოგო არის მოკლული. მოკლა იმ სისტემამ, რომელიც უნდა იცავდეს ჩვენს სიცოცხლეს, ჩვენს უსაფრთხოებას“, – განუცხადა რამიშვილმა ჟურნალისტებს.

მან დასძინა, რომ მის ტელეფონში „არაოფიციალურად“ შეიძლება იპოვონ ის, რაც არ არსებობს.

პროკურატურის პოზიცია

ტელეფონის ამოღების ფაქტზე კომენტარი გააკეთა პროკურორმა დავით გუმბერიძემ.. მან კონფისკაცია იმ ფოტოებს დაუკავშირა, რომლებიც თამარ ბაჩალიაშვილის გარდაცვალების ადგილს ასახავს, რომლებიც თანამგზავრით არის გადაღებული და გამოძიებას მიხეილ რამიშვილმა წარუდგინა.

როგორც ცნობილია, ფოტოები რამიშვილს საქართველოს უსაფრთხოების პრობლემების ანტიკრიზისული ცენტრის ხელმძღვანელმა დავით ფურცხვანიძემ გადასცა.

პროკურორის განცხადებით, რამიშვილის ტელეფონში არის მნიშვნელოვანი ინფორმაცია, რომელიც უკავშირდება თანამგზავრიდან გადაღებულ ფოტოებსა და ადვოკატის დავით ფურცხვანიძესთან მიმოწერას.

„შესაბამისად, რა ინფორმაციაც ფიქსირდება მიხეილ რამიშვილის ტელეფონში, წარმოადგენს საქმისათვის მნიშვნელოვან გარემოებას. საეჭვო რომ არ იყოს ავთენტურობა, მიხეილ რამიშვილს შევთავაზეთ, რომ უშუალოდ სპეციალისტის, ექსპერტის მონაწილეობით მომხდარიყო ამ კონკრეტული ინფორმაციის გადმოტანა და საქმეზე დამაგრება. ტელეფონის დალუქვა მიხეილ რამიშვილის თანხმობით მოხდა“, – განაცხადა პროკურორმა.

მიხეილ რამიშვილის შესაძლო დაკავებასთან დაკავშირებით დასმულ კითხვაზე გუმბერიძემ განაცხადა, რომ მალე ყველაფერი გაირკვევა.

„როკურატურის მიერ უმოკლეს ვადებში მიღებული იქნება გადაწყვეტილება საქმეზე, რაც უკავშირდება კონკრეტულად სატელიტის ფოტოებს, რაც წარდგენილი იქნა გამოძიებაში. ჩვენ დადასტურებული გვაქვს ფაქტი ექსპერტიზაზე, რომ ეს ფოტოები არის მონტაჟის შედეგად მიღებული და შეიცავს ცრუ ინფორმაციას“, – განაცხადა დავით გუმბერიძემ.

ბაჩალიაშვილის საქმე

თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს და ძირითადი ვერსიის – თვითმკვლელობის არ სჯერა. მათ მიაჩნიათ, რომ ეს მკვლელობა იყო, რომელიც თამარის სამსახურს უკავშირდება, რადგან მას ხელში გარკვეული კომპრომატი ჩაუვარდა.

ბაჩალიაშვილის საქმეზე გამოძიება მიმდინარეობს ორი მუხლით: „თავისუფლების უკანონო აღკვეთა" და „თვითმკვლელობამდე მიყვანა".

ბაჩალიაშვილის ოჯახის ადვოკატმა მიხეილ რამიშვილმა სექტემბრის დასაწყისში წარმოადგინა თანამგზავრიდან გადაღებული სოფელ მაწევანთან მიმდებარედ იმ ადგილის რამდენიმე ფოტო, სადაც დაღუპული თამარ ბაჩალიაშვილის მანქანა იპოვეს.

ბაჩალიაშვილის გარდაცვალების მიზეზი – პროკურატურამ ექსპერტიზის შედეგები გაასაჯაროვა>>

როგორც რამიშვილი ამტკიცებს, ფოტოები გადაღებულია 19-22 ივლისს და მათზე ჩანს, რომ მანქანა იმ ადგილას არ დგას.

პროკურატურაში განაცხადეს, რომ გამოძიებისთვის მიწოდებული ფოტოები ფალსიფიცირებულია.

12
თემები:
შემთხვევები საქართველოში
დაკავება

მეზობლის ბიჭის გაუპატიურების ბრალდებით 68 წლის მამაკაცი დააკავეს

86
(განახლებულია 17:08 22.09.2020)
მამაკაცის მუქარის შიშით არასრულწლოვანი გაუპატიურების ფაქტებს წლების განმავლობაში საიდუმლოდ ინახავდა.

თბილისი, 22 სექტემბერი — Sputnik. შინაგან საქმეთა სამინისტროს თანამშრომლებმა 68 წლის მამაკაცი არასრულწლოვნის გაუპატიურების ბრალდებით თბილისში დააკავეს, ნათქვამია უწყების მიერ გავრცელებულ განცხადებაში. 

გავრცელებული ინფორმაციით, ბრალდებული მეზობლად მცხოვრებ არასრულწლოვან ბიჭთან სქესობრივ კავშირს რამდენიმე წლის განმავლობაში ძალის გამოყენებით ამყარებდა. გარდა ამისა, ფოტოსურათებს უღებდა და მომხდარის გახმაურების შემთხვევაში ოჯახის წევრების მოკვლით ემუქრებოდა.

მამაკაცის მუქარის შიშით არასრულწლოვანი გაუპატიურების ფაქტს წლების განმავლობაში საიდუმლოდ ინახავდა.

მომხდარ ფაქტზე გამოძიება დაწყებულია სსკ-ის 137-ე მუხლის მეოთხე ნაწილით, რაც წინასწარი შეცნობით არასრულწლოვნის გაუპატიურებას გულისხმობს და ითვალისწინებს 15-დან 20 წლამდე ვადით ან უვადო თავისუფლების აღკვეთას.

86
თემები:
კრიმინალი საქართველოში