თბილისი, 23 ივლისი — Sputnik. ავტოავარიის შედეგად საქართველოს უძლიერეს კაცთა ნაკრების ერთ-ერთი ტიტულოვანი ლიდერი გიორგი დოინჯაშვილი გარდაიცვალა, ინფორმაცია სოციალურ ქსელში ვრცელდება.
საქართველოს უძლიერესი კაცისა და ძალისმიერი ფიტნესის ეროვნული ფედერაცია გარდაცვლილის ოჯახის წევრებს და ახლობლებს უსამძიმრებს.
„ძალიან სამწუხარო ინფორმაცია. ავტოავარიის შედეგად საქართველოს უძლიერეს მამაკაცთა ნაკრების ერთ-ერთი ტიტულოვანი ლიდერი გიორგი დოინჯაშვილი გარდაიცვალა. ვუსამძიმრებთ გიორგის ოჯახს, ახლობლებს და მეგობრებს ამ დიდ ტრაგედიას“, – წერია განცხადებაში.
გიორგი დოინჯაშვილი 2015 წელს არნოლდ შვარცენეგერის სახელობის ევროპის საერთაშორისო ფესტივალ სთრონგმენის გამარჯვებული გახდა. ის ევროპის უძლიერესი მამაკაცის ტიტულის მფლობელი იყო.