აქცია რუსთაველის გამზირზე

20 ივნისის მოვლენები: რა განაჩენი გამოუტანეს ლევან ჯიქურს

196
(განახლებულია 19:46 19.07.2019)
სასამართლო სხდომის მიმდინარეობისას ბრალდებული შეუძლოდ გახდა, რის გამოც სხდომაზე შესვენება გამოცხადდა.

თბილისი, 19 ივლისი — Sputnik. ღუდუშაურის კლინიკაში მოთავსებულ ბრალდებულ ლევან ჯიქურს, რომელიც 20-21 ივნისის მოვლენებთან დაკავშირებით ჯგუფური ძალადობის მუხლით დააკავეს, აღკვეთის ღონისძიების სახით პატიმრობა შეეფარდა, იუწყება ტელეკომპანია Rustavi2.

არეულობა თბილისში: დაკავებულია აქციის კიდევ სამი მონაწილე>>>

საპროტესტო აქცია, რომელიც 20 ივნისს თბილისში რუსი დეპუტატის ჩამოსვლის საპასუხოდ დაიწყო, ანტისამთავრობო გამოსვლებსა და არეულობებში გადაიზარდა. პოლიციამ ცრემლსადენი გაზი და რეზინის ტყვიები გამოიყენა. აქციის დაშლისას 240 ადამიანი დაშავდა.

შსს-მ ლევან ჯიქური აქციის სხვა ორ მონაწილესთან ერთად 17 ივლისს დააკავა. ბრალდებული დროებითი მოთავსების იზოლატორში შეუძლოდ გახდა, რის შემდეგაც იგი ღუდუშაურის კლინიკაში გადაიყვანეს.

კლინიკაში დღეს გამართულ სასამართლო პროცესზე ჯიქურისთვის პატიმრობის გამოყენების შუამდგომლობა ბრალდების მხარემ დააყენა, რასაც დაცვის მხარე არ დაეთანხმა. ადვოკატი მისი დაცვის ქვეშ მყოფის მიმართ 2 ათასი ლარის გირაოს გამოყენებას ითხოვდა.

მანამდე შსს-მ გაავრცელა ინფორმაცია, რომ 20-21 ივნისს პარლამენტის მიმდებარე ტერიტორიაზე განვითარებული მოვლენებისას აღნიშნული პირები მონაწილეობდნენ ჯგუფურ ძალადობაში, სხვადასხვა საგნის გამოყენებით ახორციელებდნენ პოლიციელებზე თავდასხმას, უწევდნენ მათ წინააღმდეგობას და ორგანიზებულად, შტურმით ცდილობდნენ პარლამენტის შენობაში შეჭრას. კონკრეტულად ლევან ჯიქურს ჯგუფურ ძალადობაში მონაწილეობის გარდა ბრალად ედება სამართალდამცველების ფარით ცემა.

„წარვადგინე ყველა მტკიცებულება ბრალდებულის ჯანმრთელობის მდგომარეობის შესახებ, თუმცა სასამართლომ არ გაითვალისწინა არც მისი ჯანმრთელობის მდგომარეობა, არც მისი ოჯახური მდგომარეობა", – განაცხადა ჯიქურის ადვოკატმა ალექსანდრე ზურაბიშვილმა.

შსს-ს ცნობით, აქციაზე ჯგუფური ძალადობის ორგანიზების, ხელმძღვანელობისა და მასში მონაწილეობის ბრალდებით, დღეის მდგომარეობით, პასუხისგებაშია მიცემული 12 პირი, აქედან 11 ჯგუფური ძალადობის ბრალდებით არის დაკავებული. საქართველოს პარლამენტის დეპუტატს, ყოფილი მმართველი პარტია „ერთიანი ნაციონალური მოძრაობის" წევრ ნიკანორ მელიას კი ბრალი ედება ჯგუფური ძალადობის ხელმძღვანელობასა და მასში მონაწილეობაში. მელიას პარლამენტმა 26 ივნისს სადეპუტატო იმუნიტეტი შეუჩერა. სასამართლომ მელიას აღკვეთის ღონისძიების სახით 30 ათასი ლარის ოდენობის გირაო შეუფარდა და მთელი რიგი შეზღუდვები დაუწესა.

20-21 ივნისს პარლამენტის წინ განვითარებულ მოვლენებთან დაკავშირებით მიმდინარეობს გამოძიება ორი მუხლით – „ჯგუფური ძალადობის ორგანიზება, ხელმძღვანელობა ან მასში მონაწილეობა" და „ამბოხება საქართველოს კონსტიტუციური წყობილების ძალადობით შესაცვლელად, სახელმწიფო ხელისუფლების დასამხობად ან ხელში ჩასაგდებად".

196
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
პოლიციის ლენტი

კასპში ახალშობილი გარდაცვლილი იპოვეს

80
გამოძიება 112-ე მუხლით დაიწყო, რაც დედის მიერ ახალშობილის განზრახ მკვლელობას გულისხმობს. აღნიშნული დანაშაული ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით სამიდან ხუთ წლამდე.

თბილისი, 4 ივლისი – Sputnik. კასპის მუნიციპალიტეტის სოფელ ახალქალაქში პარასკევს ახალშობილი გარდაცვლილი იპოვეს, იუწყება ტელეკომპანია Imedi.

არსებული ინფორმაციით, ახალგაზრდა ქალმა სახლში 2 ივლისს იმშობიარა, ახალშობილი კი საპირფარეშოში დატოვა. მას მშობიარობის შედეგად სამედიცინო დახმარება დასჭირდა, ექიმებმა კი სამართალდამცველებს შეატყობინეს.

ბავშვის ცხედარი ექსპერტიზაზეა გადასვენებული, შესაბამისი სამედიცინო შემოწმება ჩაუტარდა ქალსაც. მას ერთი შვილი ჰყავს.

შინაგან საქმეთა სამინისტრომ გამოძიება 112-ე მუხლით დაიწყო, რაც დედის მიერ ახალშობილის განზრახ მკვლელობას გულისხმობს.

აღნიშნული დანაშაული ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით სამიდან ხუთ წლამდე.

80
თემები:
შემთხვევები საქართველოში
სასწრაფო სამედიცინო დახმარება

დიდ დიღომში სამი წლის ბავშვი მშენებარე კორპუსიდან გადმოვარდა

175
არასრულწლოვანი სასწრაფო-სამედიცინო დახმარების ეკიპაჟმა ციციშვილის სახელობის კლინიკაში  გადაიყვანა.

თბილისი, 3 ივლისი - Sputnik. თბილისში, პეტრე იბერის ქუჩაზე მშენებარე კორპუსის მეექვსე სართულიდან სამი წლის ბავშვი გადმოვარდა, იუწყება ტელეკომპანია „იმედი“.

გავრცელებული ინფორმაციით, ბავშვის მდგომარეობა მძიმეა. ის ციციშვილის სახელობის კლინიკაშია გადაყვანილი.

მომხდარზე  გამოძიება საქართველოს სსკ-ის124-ე მუხლით, რაც გაუფრთხილებლობით ჯანმრთელობის მძიმე დაზიანებას გულისხმობს.

175
თემები:
შემთხვევები საქართველოში
ეკა კახიანი

ეკა კახიანი შვილებთან და შვილიშვილთან სახალისოდ ცეკვავს - ვიდეო

0
(განახლებულია 12:53 04.07.2020)
ეკა კახიანი, ქეთო თოფურიძე, ნინი ბადურაშვილი და პატარა ელენე სახალისოდ ცეკვავენ. ვიდეო სოციალურ ქსელში პოპულარობით სარგებლობს

ვარსკვლავური ოჯახი ქალაქგარეთ გაეშურა. ნინი ბადურაშვილი პანდემიის დროსაც არ ისვენებს. თოქ-შოუ „პრაიმშოუ“ ახლა განსაკუთრებულ რეჟიმში მუშაობს. მათი მიზანი საქართველოს სხვადასხვა კუთხის ღირსშესანიშნაობების პოპულარიზაციაა.

გადაღებების შუალედში ნინი არტისტ დედას და ქალიშვილს ქობულეთის ერთ-ერთ სასტუმროში ეწვია. ბებია და შვილიშვილი ერთად ისვენებენ. მათ თან ეკას უმცროსი შვილი - ქეთო თოფურიძეც ახლავთ. უსაყვარლესი ვიდეო სასტუმროშია გადაღებული, სადაც ეკა შვილებთან და შვილიშვილთან ერთად სახალისოდ ცეკვავს.

View this post on Instagram

A post shared by Nini badurashvili (@ninibadurashvili) on

ქართველ სელებრითებს შორის ნინი ბადურაშვილის ოჯახი ერთ-ერთი ყველაზე ცნობილი და წარმატებულია. საზოგადოება ბადურაშვილებისა და კახიანების ოჯახის თითოეულ წევრს კარგად იცნობს. ნინის შოუ-ბიზნესში თავის დამკვიდრება არ გასჭირვებია, და ამის მიზეზი მისი პოპულარული მშობლები და ბებია-ბაბუები არ არიან. ცოტამ თუ იცის, რომ შესანიშნავი მუსიკოსი პროფესიით მსახიობია. სწორედ ამიტომ მისთვის არც ისე რთულია რეიტინგული შოუ „პრაიმ შოუს“ წამყვანობა. ეკრანული და ბევრისათვის მისაბაძი მომღერალი შეუდარებლად არა მხოლოდ ეკრანებზე, არამედ ყოველდღიურობაშიც გამოიყურება.

View this post on Instagram

🤍

A post shared by Nini badurashvili (@ninibadurashvili) on

ნინი ბადურაშვილი, თაყვანისმცემლებისა და ოჯახის წევრების დიდი მოლოდინის შემდეგ, 2012 წელს დაოჯახდა. მისი რჩეული ბიზნესმენი ირაკლი კუტალაძე გახდა. ამ ქორწინებიდან ნინის ქალიშვილი ელენე ჰყავს. ელენე უკვე 6 წლისაა. ბადურაშვილების ოჯახმა გოგონა სკოლაში მიიყვანა. საკმარისია პოპულარულმა მომღერალმა შვილის ახალი ფოტოები გამოაქვეყნოს და ელენეს განხილვა არ წყდება. სკოლის მოსწავლე და პოპულარული დედის შვილი, როგორც ჩანს, სწავლისთვის მოწადინებულია. ამის შესახებ „იმედის დილის“ ერთ-ერთ გადაცემაში მომღერალმა თავად ისაუბრა და აღნიშნა, რომ ელენეს სწავლა არ უჭირს.

0
თემები:
სელებრითების ცხოვრება