სპეცრაზმი

არეულობა თბილისში: დაკავებულია აქციის კიდევ სამი მონაწილე

93
(განახლებულია 16:24 17.07.2019)
შსს-ს ცნობით, აქციაზე ჯგუფური ძალადობის ორგანიზების, ხელმძღვანელობისა და მასში მონაწილეობის ბრალდებით, დღეის მდგომარეობით, პასუხისგებაში 12 პირია მიცემული

თბილისი, 17 ივლისი — Sputnik.  შინაგან საქმეთა სამინისტრომ 20-21 ივნისის ღამეს საპროტესტო აქციაზე არეულობაში მონაწილეობის ბრალდებით კიდევ სამი პირი დააკავა, ნათქვამია უწყების მიერ გავრცელებულ განცხადებაში.

საპროტესტო აქცია, რომელიც 20 ივნისს თბილისში რუსი დეპუტატის ჩამოსვლის საპასუხოდ დაიწყო, ანტისამთავრობო გამოსვლებსა და არეულობებში გადაიზარდა. პოლიციამ ცრემლსადენი გაზი და რეზინის ტყვიები გამოიყენა. აქციის დაშლისას 240 ადამიანი, მათ შორის 80 პოლიციელი დაშავდა.

„გამოძიებით დადგინდა, რომ 20-21 ივნისს პარლამენტის მიმდებარე ტერიტორიაზე განვითარებული მოვლენებისას, აღნიშნული პირები მონაწილეობდნენ ჯგუფურ ძალადობაში, სხვადასხვა საგნის გამოყენებით ახორციელებდნენ პოლიციელებზე თავდასხმას, უწევდნენ მათ წინააღმდეგობას და ორგანიზებულად, შტურმით ცდილობდნენ პარლამენტის შენობაში შეჭრას", - ნათქვამია განცხადებაში.

უწყება დაკავებულთა ვინაობას არ ასაჯაროებს. გამოძიების მონაცემებით, გარდა იმისა, ყველა მათგანი ჯგუფურ ძალადობაში მონაწილეობდა, 1974 წელს დაბადებული ც.ც. თავს დაესხა სამართალდამცველებს და ხელკეტს ურტყამდა, 1994 წელს დაბადებულმა ს.ბ.-მ კი სამართალდამცველებს წაართვა ფარი, ხოლო 1989 წელს დაბადებულმა ლ. ჯ.-მ სამართალდამცველები ფარით სცემა.

შსს-ს ცნობით, აქციაზე ჯგუფური ძალადობის ორგანიზების, ხელმძღვანელობისა და მასში მონაწილეობის ბრალდებით, დღეის მდგომარეობით, პასუხისგებაშია მიცემული 12 პირი, აქედან 11 - ჯგუფური ძალადობის ბრალდებით არიან დაკავებული. საქართველოს პარლამენტის დეპუტატს, ყოფილი მმართველი პარტია „ერთიანი ნაციონალური მოძრაობის“ წევრ ნიკანორ მელიას კი ბრალი ედება ჯგუფური ძალადობის ხელმძღვანელობასა და მასში მონაწილეობაში. მელაის პარლამენტმა 26 ივნისს სადეპუტატო იმუნიტეტი შეუჩერა. სასამართლომ მელიას აღკვეთის ღონისძიების სახით 30 ათასი ლარის ოდენობის გირაო შეუფარდა და მთელი რიგი შეზღუდვები დაუწესა.

20-21 ივნისს პარლამენტის წინ განვითარებულ მოვლენებთან დაკავშირებით მიმდინარეობს გამოძიება ორი მუხლით - „ჯგუფური ძალადობის ორგანიზება, ხელმძღვანელობა ან მასში მონაწილეობა“ და „ამბოხება საქართველოს კონსტიტუციური წყობილების ძალადობით შესაცვლელად, სახელმწიფო ხელისუფლების დასამხობად ან ხელში ჩასაგდებად“.

 

93
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
თბილისის საქალაქო სასამართლო

თავდასხმა სულაბერიძეზე: სასამართლომ კიდევ ერთი პირი დააპატიმრა

71
(განახლებულია 22:02 08.08.2020)
გამოძიების ინფორმაციით, მურვანიძე დანაშაულის ჩადენის მომენტში ღლონტთან ერთად იჯდა ავტომობილში, თუმცა მომხდარის შესახებ პოლიციისთვის არ უცნობებია

თბილისი, 8 აგვისრო ― Sputnik. თბილისის საქალაქო სასამართლომ დავით მურვანიძეს, რომელიც საქართველოს ფეხბურთის ფედერაციისა და კლუბ თბილისის „დინამოს" ყოფილ ვიცე-პრეზიდენტზე, ლერი სულაბერიძეზე თავდასხმის საქმეზე დანაშაულის შეუტყობინებლობის ბრალდებით იყო დაკავებული, აღკვეთის ღონისძიების სახით პატიმრობა შეუფარდა.

მურვანიძის ადვოკატის, სოსო ხარატიშვილის ცნობით, მოსამართლემ არ დააკმაყოფილა დაცვის მხარის შუამდგომლობა გირაოს შესახებ.

შეგახსენებთ: ლერი სულაბერიძის ავტომობილს  წყნეთის გზატკეცილის მიმდებარე ტერიტორიაზე ცეცხლი 28 ივლისს გაუხსნეს, თუმცა სროლისას არავინ დაშავებულა. გამოძიების ინფორმაციით, სულაბერიძის ავტომობილს ცეცხლი ირაკლი ღლონტმა გაუხსნა, რომელიც მომხდარიდან მეორე დღეს დააკავეს. 

რაც შეეხება მურვანიძეს, გამოძიების ინფორმაციით, დანაშაულის ჩადენის მომენტში ის ღლონტთან ერთად იჯდა ავტომობილში, თუმცა მომხდარის შესახებ პოლიციისთვის არ უცნობებია.

აღსანიშნავია, რომ კლუბ „დინამოს“ წილებთან დაკავშირებით თითქმის ხუთი წელია, სასამართლო დავა მიმდინარეობს. მასმედია არ გამორიცხავს, რომ ლერი სულაბერიძეზე თავდასხმა სწორედ ამ ფაქტს უკავშირდებოდეს. საინტერესოა ისიც, რომ ეს სულაბერიძეზე თავდასხმის პირველი ფაქტი არ არის, 1999 წლის 6 მაისს მას „დინამოს" სტადიონთან ასევე საკუთარ ავტომობილში მყოფს ესროლეს.

71
თემები:
კრიმინალი საქართველოში
კაცი ტყეში

იპოვეს ცოცხალი და საღსალამათი: 89 წლის მამაკაცს ოთხი დღის განმავლობაში ეძებდნენ

205
(განახლებულია 19:47 08.08.2020)
სამძებრო სამუშაოებში პოლიცია და საგანგებო სიტუაციების მართვის სამსახურის 30-მდე მეხანძრე-მაშველი იყო ჩართული

თბილისი, 8 აგვისტო - Sputnik. ოთხდღიანი ძებნის შემდეგ გურჯაანის მუნიციპალიტეტის სოფელ ჩალაუბნიდან გაუჩინარებული 89 წლის მამაკაცი მაშველებმა ტყეში იპოვეს, იუწყება საზოგადოებრივი მაუწყებლის პირველი არხი.

ახლობლების ინფორმაციით, მოხუცს ტყეში გზა აებნა და სახლში დაბრუნებას ვეღარ ახერხებდა. ის  უკვე სახლში იმყოფება და თავს კარგად გრძნობს.

გურამ საგინაშვილი სახლიდან ოთხი დღის წინ გავიდა და გაუჩინარდა. ოჯახმა დახმარებისთვის სამართალდამცველებს მიმართა.

ძებნის პროცესში პოლიცია და საგანგებო სიტუაციების მართვის სამსახურის 30-მდე მეხანძრე-მაშველი იყო ჩართული.

 

205
სავსე მთვარე

მთვარის კალენდარი: 9 აგვისტო რისი გაკეთება შეიძლება და რისი არა

0
(განახლებულია 10:22 08.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

9 აგვისტო, კვირა. ამ დღეს მზე მართავს. კლებადი მთვარე ვერძის ნიშანშია.

ამ დღეს არ ივარგებს აჩქარება, მოუთმენლობა, იმპულსურობა.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. შესანიშნავი დღეა სიყვარულის აღიარებისთვის. ამ დღეს დაწყებული სასიყვარულო რომანი მგზნებარედ განვითარდება.

რეკომენდებულია გუნდური მუშაობა, ფინანსური საკითხების გადაჭრა, მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა და ძველი კავშირების გამტკიცება, ახალი საქმეების დაწყება, აქტიური მუშაობა, ლიდერის თვისებების გამოვლენა, მშენებლობის დაწყება, ხელმძღვანელი პირების მხრიდან კონტრაქტების დადება, ახალი ფილიალების გახსნა, ახალი წესების ამოქმედება.

არარეკომენდებულია შურისა და არაკეთილმოსურნეობის გამომჟღავნება, ვინმეს ნებაზე აყოლა ან გარემოებებზე მინდობა, პასიურობა.

კარგი დღეა მოგზაურობის, მგზავრობისთვის.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

0