აქციის დაშლა თბილისში: დაკავებულია შსს-ს კიდევ ერთი თანამშრომელი

147
პროკურატურამ უკვე განაცხადა, რომ სასამართლოზე ბრალდებულისთვის აღკვეთის ღონისძიების სახით პატიმრობას მოითხოვს

თბილისი, 16 ივლისი — Sputnik. 20-21 ივნისის ღამეს თბილისში საპროტესტო აქციის დაშლისას სამსახურებრივი უფლებამოსილების გადამეტების ბრალდებით საქართველოს შსს-ს განსაკუთრებულ დავალებათა დეპარტამენტის მეორე თანამშრომელი დააკავეს, ნათქვამია საქართველოს  გენერალური პროკურატურის ვებგვერდზე გავრცელებულ განცხადებაში.

შსს-ს თანამშრომელს აქციის დაშლის საქმეზე ბრალი წარუდგინეს >>

20 ივნისის ღამით ანტირუსული აქცია არეულობასა და ანტისამთავრობო გამოსვლებში გადაიზარდა. მომიტინგეებმა პარლამენტში შეჭრა სცადეს, პოლიციამ ცრემლსადენი გაზი და რეზინის ტყვიები გამოიყენა. 240 ადამიანი დაშავდა, მათ შორის 80 პოლიციელი.

გამოძიებამ დაადგინა, რომ შსს-ს თანამშრომელმა, რუსთაველის გამზირზე საზოგადოებრივი წესრიგის აღსადგენად განხორციელებული ღონისძიებების დროს იარაღის გამოყენებით, „გადაამეტა სამსახურებრივ უფლებამოსილებას, კერძოდ, დაარღვია სპეციალური საშუალების გამოყენების კანონით განსაზღვრული წესი და ჯანმრთელობის დაზიანებები მიაყენა აქციის ორ მონაწილეს“.

პროკურატურამ უკვე განაცხადა, რომ სასამართლოზე ბრალდებულისთვის აღკვეთის ღონისძიების სახით პატიმრობას მოითხოვს.

ორშაბათს ძალადობის გამოყენებით სამსახურებრივი უფლებამოსილების გადამეტებისთვის შსს-ს სხვა თანამშრომელი დააკავეს.

უფრო ადრე ძალის გადამეტების საქმის ფარგლებში უფლებამოსილება ათ პოლიციელს შეუჩერდა, ასევე განსაკუთრებულ დავალებათა დეპარტამენტის დირექტორს გიორგი ყაყიჩაშვილს.

მოხელის მიერ სამსახურებრივი უფლებამოსილების ძალადობით გადამეტება საქართველოში ხუთიდან რვა წლამდე პატიმრობით ისჯება.

ამ დროისთვის დაკითხულია ასობით ადამიანი, მიმდინარეობს ვიდეო- და აუდიომტკიცებულებების დამუშავება და ანალიზი, ამოღებულია საქმისთვის მნიშვნელოვანი სამხილები, მათ შორის პოლიციელების მიერ გამოყენებული რეზინის ტყვიები. დანიშნულია სასამართლო-სამედიცინო ექსპერტიზა.

20-21 ივნისის მოვლენების შემდეგ აღიძრა კიდევ ორი სისხლის სამართლის საქმე – ჯგუფური ძალადობის ორგანიზება ან მასში მონაწილეობა და ამბოხების გზით ხელისუფლების დამხობისა და ხელში ჩაგდების მცდელობა.

ამ ეტაპზე ჯგუფური ძალადობის ორგანიზების ბრალდება წაუყენეს მხოლოდ საქართველოს პარლამენტის დეპუტატ ნიკა მელიას. პარლამენტმა მელიას დეპუტატის მანდატი შეუჩერა, მაგრამ სასამართლომ გადაწყვიტა გირაოს სანაცვლოდ მისი გათავისუფლება. დეპუტატს ელექტრონული სამაჯური გაუკეთეს და აუკრძალეს სახლის დატოვება სამართალდამცველი ორგანოების გაფრთხილების გარეშე.

გარდა ამისა, ჯგუფური ძალადობის ბრალდებით რვა პირი დააკავეს.

147
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
თბილისის საქალაქო სასამართლო

თავდასხმა სულაბერიძეზე: სასამართლომ კიდევ ერთი პირი დააპატიმრა

69
(განახლებულია 22:02 08.08.2020)
გამოძიების ინფორმაციით, მურვანიძე დანაშაულის ჩადენის მომენტში ღლონტთან ერთად იჯდა ავტომობილში, თუმცა მომხდარის შესახებ პოლიციისთვის არ უცნობებია

თბილისი, 8 აგვისრო ― Sputnik. თბილისის საქალაქო სასამართლომ დავით მურვანიძეს, რომელიც საქართველოს ფეხბურთის ფედერაციისა და კლუბ თბილისის „დინამოს" ყოფილ ვიცე-პრეზიდენტზე, ლერი სულაბერიძეზე თავდასხმის საქმეზე დანაშაულის შეუტყობინებლობის ბრალდებით იყო დაკავებული, აღკვეთის ღონისძიების სახით პატიმრობა შეუფარდა.

მურვანიძის ადვოკატის, სოსო ხარატიშვილის ცნობით, მოსამართლემ არ დააკმაყოფილა დაცვის მხარის შუამდგომლობა გირაოს შესახებ.

შეგახსენებთ: ლერი სულაბერიძის ავტომობილს  წყნეთის გზატკეცილის მიმდებარე ტერიტორიაზე ცეცხლი 28 ივლისს გაუხსნეს, თუმცა სროლისას არავინ დაშავებულა. გამოძიების ინფორმაციით, სულაბერიძის ავტომობილს ცეცხლი ირაკლი ღლონტმა გაუხსნა, რომელიც მომხდარიდან მეორე დღეს დააკავეს. 

რაც შეეხება მურვანიძეს, გამოძიების ინფორმაციით, დანაშაულის ჩადენის მომენტში ის ღლონტთან ერთად იჯდა ავტომობილში, თუმცა მომხდარის შესახებ პოლიციისთვის არ უცნობებია.

აღსანიშნავია, რომ კლუბ „დინამოს“ წილებთან დაკავშირებით თითქმის ხუთი წელია, სასამართლო დავა მიმდინარეობს. მასმედია არ გამორიცხავს, რომ ლერი სულაბერიძეზე თავდასხმა სწორედ ამ ფაქტს უკავშირდებოდეს. საინტერესოა ისიც, რომ ეს სულაბერიძეზე თავდასხმის პირველი ფაქტი არ არის, 1999 წლის 6 მაისს მას „დინამოს" სტადიონთან ასევე საკუთარ ავტომობილში მყოფს ესროლეს.

69
თემები:
კრიმინალი საქართველოში
კაცი ტყეში

იპოვეს ცოცხალი და საღსალამათი: 89 წლის მამაკაცს ოთხი დღის განმავლობაში ეძებდნენ

203
(განახლებულია 19:47 08.08.2020)
სამძებრო სამუშაოებში პოლიცია და საგანგებო სიტუაციების მართვის სამსახურის 30-მდე მეხანძრე-მაშველი იყო ჩართული

თბილისი, 8 აგვისტო - Sputnik. ოთხდღიანი ძებნის შემდეგ გურჯაანის მუნიციპალიტეტის სოფელ ჩალაუბნიდან გაუჩინარებული 89 წლის მამაკაცი მაშველებმა ტყეში იპოვეს, იუწყება საზოგადოებრივი მაუწყებლის პირველი არხი.

ახლობლების ინფორმაციით, მოხუცს ტყეში გზა აებნა და სახლში დაბრუნებას ვეღარ ახერხებდა. ის  უკვე სახლში იმყოფება და თავს კარგად გრძნობს.

გურამ საგინაშვილი სახლიდან ოთხი დღის წინ გავიდა და გაუჩინარდა. ოჯახმა დახმარებისთვის სამართალდამცველებს მიმართა.

ძებნის პროცესში პოლიცია და საგანგებო სიტუაციების მართვის სამსახურის 30-მდე მეხანძრე-მაშველი იყო ჩართული.

 

203
სავსე მთვარე

მთვარის კალენდარი: 9 აგვისტო რისი გაკეთება შეიძლება და რისი არა

0
(განახლებულია 10:22 08.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

9 აგვისტო, კვირა. ამ დღეს მზე მართავს. კლებადი მთვარე ვერძის ნიშანშია.

ამ დღეს არ ივარგებს აჩქარება, მოუთმენლობა, იმპულსურობა.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. შესანიშნავი დღეა სიყვარულის აღიარებისთვის. ამ დღეს დაწყებული სასიყვარულო რომანი მგზნებარედ განვითარდება.

რეკომენდებულია გუნდური მუშაობა, ფინანსური საკითხების გადაჭრა, მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა და ძველი კავშირების გამტკიცება, ახალი საქმეების დაწყება, აქტიური მუშაობა, ლიდერის თვისებების გამოვლენა, მშენებლობის დაწყება, ხელმძღვანელი პირების მხრიდან კონტრაქტების დადება, ახალი ფილიალების გახსნა, ახალი წესების ამოქმედება.

არარეკომენდებულია შურისა და არაკეთილმოსურნეობის გამომჟღავნება, ვინმეს ნებაზე აყოლა ან გარემოებებზე მინდობა, პასიურობა.

კარგი დღეა მოგზაურობის, მგზავრობისთვის.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

0