სასწრაფო დახმარება

ბორჯომში 72 წლის ქალს სატვირთო ავტომანქანა დაეჯახა

72
(განახლებულია 19:04 09.07.2019)
შემთხვევის ადგილზე ექსპერტ-კრიმინალისტები და სამართალდამცველები მუშაობენ.

თბილისი, 9 ივლისი — Sputnik. ბორჯომის ცენტრში 72 წლის ქალს სატვირთო ავტომობილი დაეჯახა, იუწყება ბორჯომის ტელეკომპანია.

ავტოსაგზაო შემთხვევა ბორჯომის ცენტრში რამდენიმე საათის წინ მოხდა.

დაშავებული სასწრაფო სამედიცინო დახმარების ბრიგადამ სამედიცინო ცენტრში გადაიყვანა, მას ოპერაცია უტარდება.

„პაციენტი საღ გონებაზე და ადეკვატურია. სასიცოცხლო პარამეტრები მეტ-ნაკლებად ნორმის ფარგლებშია. დაზიანება აქვს მარცხენა ქვედა კიდურზე. მას პირველადი სამედიცინო დახმარება მიმღებში გაეწია, ამჟამად შეყვანილია საოპერაციო ბლოკში", – განაცხადა ექიმმა მიხეილ გოგიაშვილმა.

გავრცელებული ინფორმაციით, ქალი ავტოსაგზაო შემთხვევის მიმდებარე ტერიტორიაზე ყვავილებსა და თაფლს ყიდდა.

შემთხვევის ადგილზე ექსპერტ-კრიმინალისტები და სამართალდამცველები მუშაობენ.

 

72
თემები:
შემთხვევები საქართველოში (1891)
საპატრულო პოლიცია

„პროგრესული საქართველოს” ერთ–ერთ წევრის მტკიცებით, მას უცნობმა პირმა ესროლა

11
(განახლებულია 14:04 29.10.2020)
პოლიციამ შემთხვევის ადგილი დაათვალიერა, თუმცა, ტყვია ვერ იპოვა – პოლიტიკოსი ინციდენტს მისი პარტიის საქმიანობას უკავშირებს

 

თბილისი, 29 ოქტომბერი - Sputnik. ოპოზიციური  პარტია „პროგრესული საქართველოს” გენერალური მდივანი გიორგი კვაბზირიძე მის მიმართ შესაძლო მუქარის ფაქტთან დაკავშირებით ვაკე-საბურთალოს პოლიციაში გამოიკითხაზე იმყოფებოდა, იუწყება ტელეკომპანია Rustavi 2.

როგორც კვაბზირიძემ ჟურნალისტებთან განაცხადა, მას უცხო პირი დაემუქრა და დაშინების მიზნით ცეცხლსასროლი იარაღიდან ჰაერში გაისროლა.

მისი თქმით, შემთხვევა გუშინ გვიან საღამოს საქართველოს ტექნიკურ უნივერსიტეტთან მოხდა, როდესაც იგი პარტიის ოფისიდან გამოვიდა და საკუთარი ავტომობილისკენ მიემართებოდა. კვაბზირიძის თქმით, უცნობმა პირმა მას პოლიტიკიდან წასვლა მოსთხოვა.

 „აღნიშნულ ფაქტს იმ პოლიტიკურ საქმიანობას ვუკავშირებ, რასაც ჩვენი პარტია ეწევა. მე არ ვაპირებ პოლიტიკიდან წასვლას. ჩვენი პარტია ძალაა, რომელსაც ვერავინ დააშინებს“, – განაცხადა პოლიტიკოსმა.

ადვოკატი კახაბერ მუმლაძე მომხდარს მისი კლიენტის  პოლიტიკურ საქმიანობაში ხელის შეშლის მცდელობად აფასებს.

„პოლიტიკური პარტიის გენერალური მდივნის მიმართ განხორციელდა მისი დაშინების მცდელობა, რაც მიუღებელია, მით უმეტეს, არსებულ მოცემულობაში. ეს იყო პოლიტიკურ საქმიანობაში ხელის შეშლა“, – განაცხადა ადვოკატმა.

პოლიციამ შემთხვევის ადგილი დაათვალიერა, თუმცა, ტყვია ვერ იპოვა.  

 

11
თემები:
შემთხვევები საქართველოში (1891)
პატრული

სოფელ ნუკრიანში აფეთქება მოხდა

37
(განახლებულია 13:35 29.10.2020)
ადგილობრივი მცხოვრებლების განცხადებით, აფეთქება ბანკომატიდან თანხის წაღების მიზნით მოხდა, თუმცა, აღნიშნული ინფორმაცია ოფიციალურად ჯერ არ დადასტურებულა.

თბილისი, 29 ოქტომბერი - Sputnik. სიღნაღის მუნიციპალიტეტის სოფელ ნუკრიანის ადმინისტრაციული შენობის შესასვლელთან, სადაც ბანკომატია განთავსებული, აფეთქება მოხდა, იუწყება ტელეკომპანია Rustavi 2.

შემთხვევა გუშინ, გვიან ღამით მოხდა.

აფეთქების შედეგად დაზიანდა შენობის კედლები, ჩამსხვრეულია შუშები.

ადგილობრივი მცხოვრებლების განცხადებით, აფეთქება ბანკომატიდან თანხის წაღების მიზნით მოხდა, თუმცა, აღნიშნული ინფორმაცია ოფიციალურად ჯერ არ დადასტურებულა.

მომხდარ ფაქტზე გამოძიება საქართველოს სსკ-ის  187-ე მუხლით მიმდინარეობს,  რაც სხვისი ნივთის  განზრახ დაზიანებას ან განადგურებას გულისხმობს.

37
თემები:
შემთხვევები საქართველოში (1891)
წინასაარჩევნო კამპანია

მუქარა და ძალადობა: სამმა არასამთავრობო ორგანიზაციამ წინასაარჩევნო გარემო შეაფასა

0
(განახლებულია 14:04 29.10.2020)
არასამთავრობოების შეფასებით, წინასაარჩევნო გარემო განსაკუთრებით დაზარალდა კორონავირუსის პანდემიის მასობრივად გავრცელებისა და ამით განპირობებული გამოწვევებისგან

თბილისი, 29 ოქტომბერი - Sputnik. არასამთავრობო ორგანიზაციებმა – „საერთაშორისო გამჭვირვალობა-საქართველო“, „სამართლიანი არჩევნებისა და დემოკრატიის საერთაშორისო საზოგადოება -ISFED“ და „საქართველოს ჟურნალისტური ეთიკის ქარტია“ 2020 წლის საპარლამენტო არჩევნების წინასაარჩევნო გარემოს ერთობლივი შეფასება გამოაქვეყნეს.

არასამთავრობო ორგანიზაციების შეფასებით, წინასაარჩევნო კამპანიის დროს სერიოზულ გამოწვევას წარმოადგენდა ფიზიკური დაპირისპირებისა და ძალადობის ფაქტები, რაც ძირითადად ოპოზიციური პარტიების წარმომადგენლების მიმართ ხორციელდებოდა და პარტიულ ოფისებზე თავდასხმებში გამოიხატებოდა. კერძოდ,  ორგანიზაციის დამკვირვებლებმა ძალადობრივი შემთხვევების 20-მე მეტი ფაქტი გამოვლინდა.

მათი შეფასებით, საარჩევნო კამპანიის გააქტიურებასთან ერთად, გამოვლინდა ადმინისტრაციული რესურსის გამოყენების, ასევე, ზეწოლის, მუქარისა და ხელის შეშლის შემთხვევებიც.

ორგანიზაციების განმარტებით, 2020 წლის საპარლამენტო არჩევნების წინასაარჩევნო გარემოს ერთ-ერთი მთავარი გამოწვევა ამომრჩევლებზე, ოპოზიციონერ პოლიტიკოსებზე, დამკვირვებლებზე, აქტივისტებზე და მედია–საშუალებების წარმომადგენლებზე განხორციელებული ზეწოლისა და მუქარის გახშირებული შემთხვევები იყო. კერძოდ,  ზეწოლის, მუქარისა და სამსახურიდან გათავისუფლების 80-ზე მეტი ფაქტის შესახებ გახდა ცნობილი.

როგორც განცხადებაშია აღნიშნულია, წინასაარჩევნო გარემო ისევე, როგორც მზადება არჩევნების დღისთვის, განსაკუთრებით დაზარალდა ახალი კორონავირუსის პანდემიის მასობრივად გავრცელებისა და ამით განპირობებული გამოწვევებისგან.

სოციალური ქსელი და არჩევნები საქართველოში: რეკლამა, ფეიკები, კომპრომატი>>

„არჩევნების მოახლოებასთან ერთად ვირუსით ინფიცირებულთა რიცხვი დრამატულად გაიზარდა, რის გამოც ჯანდაცვის სისტემის მიერ მანამდე არსებული ინფიცირებული და იზოლირებული პირების აღრიცხვის სისტემა ბუნდოვანი გახდა, ცესკოს მცდელობა კი, არჩევნებამდე ორი კვირით ადრე დადგენილებით დაერეგულირებინა საკითხი, არასაკმარისი აღმოჩნდა“, - აღნიშნულია განცხადებაში.

ასევე, პრობლემები გამოვლინდა ამომრჩეველთა სათანადო ინფორმირებისა და საზოგადოებასთან სწორი კომუნიკაციის კუთხითაც. შეფასებაში აღნიშნულია, რომ ამ ფონზე ათასობით ამომრჩევლის ხმის უფლების რეალიზების საკითხი კითხვის ნიშნის ქვეშ დადგა.

ამასთანავე, არასამთავრობო ორგანიზაციების განმარტებით, საარჩევნო კამპანიაში მმართველი პარტიის სასარგებლოდ ისეთი პირების აქტივობა და ჩართულობა დაფიქსირდა, რომლებსაც ამის უფლება არ ჰქონდათ. უფრო კონკრეტულად, სააგიტაციო შეხვედრებზე სამუშაო საათების განმავლობაში, შეინიშნებოდა ადგილობრივი მოხელეების, ა(ა)იპების თანამშრომლების, საოლქო საარჩევნო კომისიის წევრის დასწრება.

ასევე, არასამთავროების მტკიცებით, წინასაარჩევნო კამპანიის ერთ-ერთ მთავარ გამოწვევას ამომრჩეველთა სავარაუდო მოსყიდვა წარმოადგენდა. კერძოდ, სხვადასხვა პოლიტიკური პარტიების და კანდიდატების მხრიდან ამომრჩევლებისათვის მატერიალური ფასეულობების გადაცემის ან მომსახურების გაწევის 60-ზე მეტი შემთხვევა დაფიქსირდა.

არასამთავრობო ორგანიზაციების განცხადებით, შინაგან საქმეთა სამინისტრომ ძალადობის ყველა ფაქტზე დაიწყო გამოძიება და ცალკეულ შემთხვევებში სწრაფადვე დააკავა რამდენიმე პირი.

საქართველოში საპარლამენტო არჩევნები 31 ოქტომბერს ტარდება, რომელშიც 48 პარტია და ორი ბლოკი მონაწილეობს. ქვეყნის მოსახლეობა 150 დეპუტატს აირჩევს – 120-ს პროპორციული სისტემით, 30-ს კი მაჟორიტარული წესით.

არჩევნები კორონავირუსის პანდემიის პირობებში, შესაბამისი წესების დაცვით გაიმართება.

0
თემები:
საქართველოს საპარლამენტო არჩევნები 2020