პოლიციის ავტომობილი

რუისთან მომხდარი ტრაგედიის დეტალები: საბარგულში ორი ადამიანი იმყოფებოდა

576
(განახლებულია 19:02 07.07.2019)
აღმოჩნდა, რომ Mersedes A Class-ის გადავსებულ სალონში ორი მგზავრი საბარგულში იჯდა

თბილისი, 7 ივლისი - Sputnik. რუისთან ავარიისას დაღუპულ სომხეთის მოქალაქეებს შორის ორი არასრულწლოვანია - 7 და 15 წლის, იუწყება „Sputnik-სომხეთი“.

აღნიშნულია, რომ მესამე დაღუპული 42 წლის მამაკაცია. საავადმყოფოში გადაყვანილია ასევე სამი მოზარდი, ორი -13 წლის და ერთი - 15 წლის.

წინასწარი მონაცემებით, ხუთიდან სამი დაშავებული ქარელის კლინიკაშია გადაყვანილი, მძიმე მდგომარეობაში მყოფი ორი ადამიანი - თბილისის საავადმყოფოში.

მოგვიანებით თბილისში კიდევ ორი მოქალაქე გადაიყვანეს.

დამატებით დეტალებზე საუბრობს სომხეთის ჯანდაცვის მინისტრი არსენ ტოროსიანი. მისი თქმით, Mersedes A Class-ის ავტომობილით დაშვებული 5-ის ნაცვლად 8 ადამიანი მგზავრობდა. მეტიც, წინასწარი მონაცემებით, ორი მათგანი საბარგულში იჯდა.

ისინი გვიან ღამით გადაადგილდებოდნენ, მძღოლს საჭესთან ჩაეძინა და ავტომობილი ბეტონის მოაჯირს შეეჯახა.

ადრე ტოროსიანმა განაცხადა, რომ საქართველოში მისი მოადგილე გაემგზავრა.

576
თემები:
შემთხვევები საქართველოში (925)