საპატრულო პოლიცია

მაღაზიაში შეჭრა და მძევლის აყვანა: რა მოხდა მაღაზია iPlus-ში

201
(განახლებულია 20:03 26.06.2019)
დაკავებულს 7-დან 10 წლამდე პატიმრობა ემუქრება.

თბილისი, 26 ივნისი – Sputnik. პოლიციამ დააკავა 32 წლის მამაკაცი, რომელსაც მძევლის აყვანა და სხვისი ქონების დაზიანება ედება ბრალად, ნათქვამია შსს-ს განცხადებაში.

გამოძიების მონაცემებით, ოთხშაბათს დღისით მამაკაცი შეიჭრა პეკინის ქუჩაზე მდებარე ტექნიკის მაღაზია iPlus-ში. დანის მუქარით კონსულტანტი მძევლად აიყვანა, მოითხოვა ფული და მობილური ტელეფონები.

ბრალდებულმა მაღაზიის ინვენტარი და საქონელი დააზიანა. საპატრულო პოლიციის დეპარტამენტის თანამშრომლებმა მამაკაცი ადგილზე დააკავეს.

სისხლის სამართლის საქმე აღძრულია მძევლად ხელში ჩაგდების და სხვისი ნივთის განზრახ დაზიანების ფაქტზე. დაკავებულს 7-დან 10 წლამდე პატიმრობა ემუქრება.

201
თემები:
კრიმინალი საქართველოში (510)