საპატრულო პოლიცია

ხულოში მკვლელობა მოხდა

232
სავარაუდო დამნაშავე დადგენილია

თბილისი, 25 ივნისი — Sputnik. ხულოში, სოფელ ხიხაძირში მკვლელობა მოხდა, იუწყება პირველი არხი.

ტელეკომპანიის ინფორმაციით, მოკლული 45 წლის მამაკაცია.

შსს-ს ცნობით, მომხდარის დეტალები უცნობია, თუმცა სავარაუდო დამნაშავე დადგენილია და მიმდინარეობს სამძებრო-საგამოძიებო მოქმედებები მის დასაკავებლად.

გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს.

232
თემები:
კრიმინალი საქართველოში (1177)
პატრული

სოფელ ნუკრიანში აფეთქება მოხდა

32
(განახლებულია 13:35 29.10.2020)
ადგილობრივი მცხოვრებლების განცხადებით, აფეთქება ბანკომატიდან თანხის წაღების მიზნით მოხდა, თუმცა, აღნიშნული ინფორმაცია ოფიციალურად ჯერ არ დადასტურებულა.

თბილისი, 29 ოქტომბერი - Sputnik. სიღნაღის მუნიციპალიტეტის სოფელ ნუკრიანის ადმინისტრაციული შენობის შესასვლელთან, სადაც ბანკომატია განთავსებული, აფეთქება მოხდა, იუწყება ტელეკომპანია Rustavi 2.

შემთხვევა გუშინ, გვიან ღამით მოხდა.

აფეთქების შედეგად დაზიანდა შენობის კედლები, ჩამსხვრეულია შუშები.

ადგილობრივი მცხოვრებლების განცხადებით, აფეთქება ბანკომატიდან თანხის წაღების მიზნით მოხდა, თუმცა, აღნიშნული ინფორმაცია ოფიციალურად ჯერ არ დადასტურებულა.

მომხდარ ფაქტზე გამოძიება საქართველოს სსკ-ის  187-ე მუხლით მიმდინარეობს,  რაც სხვისი ნივთის  განზრახ დაზიანებას ან განადგურებას გულისხმობს.

32
თემები:
შემთხვევები საქართველოში
ავტობუსები თბილისში

თბილისში ერთ-ერთ ავტობუსში მგზავრი გარდაიცვალა

245
ასაკოვანი ქალი ავტობუსში მგზავრობისას შეუძლოდ გახდა, ადგილზე გამოძახებულმა სასწრაფო სამედიცინო დახმარებამ მისი გადარჩენა ვერ მოახერხა

თბილისი, 28 ოქტომბერი - Sputnik. თბილისში, #28 ავტობუსში მგზავრობისას ქალი გარდაიცვალა, აცნობეს Sputnik -საქართველოს თბილისის სატრანსპორტო კომპანიაში.

შემთხვევა დღეს საღამოს დაახლოებით 20:30 საათზე გრანელის ქუჩაზე მოხდა.

„ასაკოვანი ქალი 28 ნომერ ავტობუსში მგზავრობისას შეუძლოდ გახდა, გამოიძახეს სასწრაფო სამედიცინო დახმარება, მაგრამ  სამწუხაროდ მისი გადარჩენა ვერ მოხერხდა“, - აღნიშნეს კომპანიაში.

მგზავრის გარდაცვალების მიზეზი ჯერჯერობით უცნობია.

245
თემები:
შემთხვევები საქართველოში
ქართული ოცნება

„ქართული ოცნების“ მაჟორიტარი დეპუტატობის კანდიდატს კორონავირუსი დაუდასტურდა

13
(განახლებულია 12:54 29.10.2020)
ირაკლი ქადაგიშვილი „ქართული ოცნების“ თელავის, ახმეტის, ყვარლისა და ლაგოდეხის მაჟორიტარი დეპუტატობის კანდიდატია.

 

თბილისი, 29 ოქტომბერი - Sputnik. მმართველი პარტია „ქართული ოცნება–დემოკრატიული საქართველოს“ მაჟორიტარი დეპუტატობის კანდიდატ ირაკლი ქადაგიშვილს კორონავირუსი დაუდასტურდა. აღნიშნული ინფორმაცია ქადაგიშვილმა საკუთარ Facebook–გვერდზე გაავრცელა. 

ქადაგიძის განმარტებით, კორონავირუსზე ტესტი მას შემდეგ ჩაიტარა, რაც პირს, რომელთანაც მას კონტაქტი ჰქონდა, კორონავირუსი დაუდგინდა. მას ვირუსისთვის დამახასიათებელი არცერთი სიმპტომი არ აღენიშნება. კახეთის რეგიონის ყოფილი გუბერნატორი ამ დროისთვის იზოლაციაში იმყოფება და  სახლის პირობებში გადის მკურნალობას.

 „დამიდასტურდა COVID-19 , რის გამოც იძულებული ვარ საჯარო სივრციდან გადავინაცვლო თვითიზოლაციაში. თავს ვგრძნობ მხნედ, შემართებით და იმედიანად“,  - წერს ქადაგიშვილი.

ირაკლი ქადაგიშვილი „ქართული ოცნების“ მაჟორიტარი დეპუტატობის კანდიდატია თელავი–ახმეტა–ყვარელი–ლაგოდეხის საარჩევნო ოლქში.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1709-ით გაიზარდა და საერთო რიცხვმა 35567-ს მიაღწია. გამოჯანმრთელდა 16904 ადამიანი, გარდაიცვალა – 273.

საქართველოში კორონავირუსის პირველი შემთხვევა 26 თებერვალს დაფიქსირდა.



 

 

 

13
თემები:
COVID-19 საქართველოში