თბილისი, 16 ივნისი — Sputnik. შინაგან საქმეთა სამინისტროს თანამშრომლებმა ნარკოდანაშაულის ბრალდებით 60 წლის მამაკაცი თბილისში დააკავეს, ნათქვამია უწყების მიერ გავრცელებულ განცხადებაში.
სამართალდამცველებმა ბრალდებული გადამოწმების მიზნით, თბილისში, აკაკი წერეთლის გამზირზე შეაჩერეს. მისი პირადი ჩხრეკისას, ნივთმტკიცებად ამოღებულია ნარკოტიკული საშუალება „მეტადონი“.
გამოძიება დაწყებულია სსკ-ის 260-ე მუხლის პირველი ნაწილით, რაც ნარკოტიკების უკანონო შეძენა-შენახვას გულისხმობს და ითვალისწინებს 6 წლამდე ვადით პატიმრობას.
