სასწრაფო დახმარების მანქანა

სწრაფი კვების ჯიხურში მამაკაცი იპოვეს, რომელიც სავარაუდოდ ცულით მოკლეს

183
(განახლებულია 19:34 12.06.2019)
საზარელი შემთხვევა მოხდა ბორჯომ-ბაკურიანის გზაზე გამთენიისას.

თბილისი, 12 ივნისი — Sputnik. ბორჯომი-ბაკურიანის გზაზე, სწრაფი კვების ჯიხურში 60 წლამდე მამაკაცი გარდაცვლილი იპოვეს. ინფორმაციას ტელეკომპანია Rustavi 2 ავრცელებს.

60 წლამდე მამაკაცი, სავარაუდოდ, ცულით არის მოკლული. როგორც ვარაუდობენ, მკვლელობის მიზეზი, შესაძლოა, შელაპარაკება გამხდარიყო. შემთხვევა გამთენიისას მოხდა. ოჯახს გარდაცვლილის შესახებ ინფორმაცია ამ დილით შეატყობინეს.

შსს-ში ტელეკომპანიას განუცხადეს, რომ პოლიციამ მკვლელობა დანაშაულის ჩადენიდან რამდენიმე საათში გახსნა. უწყების ცნობით, მიმდინარეობს ინტენსიური საგამოძიებო-ოპერატიული ღონისძიებები.

შსს-ის ინფორმაციით, მკვლელობის ფაქტზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.

183
თემები:
შემთხვევები საქართველოში (610)