დაკავება

30 მილიონი ლარის ყალბი საგადასახადო დოკუმენტების გამოყენების საქმეზე 3 პირი ამხილეს

95
(განახლებულია 17:37 11.06.2019)
დღგ-ის ყალბი აქტივებით 30 მილიონის შეგროვება მოახერხეს.

თბილისი, 11 ივნისი — Sputnik. ფინანსთა სამინისტროს საგამოძიებო სამსახურმა 30 მილიონი ლარის ყალბი საგადასახადო დოკუმენტაციის გამოყენების საქმეზე სამი პირი ამხილა. ინფორმაცია საგამოძიებო სამსახურის ვებ-გვერდზეა გამოქვეყნებული. 

გამოძიებით დადგენილია, რომ ბრალდებულებმა დიდი ოდენობით არაკანონიერი მატერიალური სარგებლის მიღების მიზნით საქართველოს სხვადასხვა რეგიონში დაარეგისტრირეს კომპანიები, რის შემდეგაც დაამზადეს და გამოიყენეს ყალბი საგადასახადო დოკუმენტები.

უწყების ინფორმაცით, თითქოსდა ხდებოდა სხვადასხვა დასახელების საქონლის მიწოდება, რა გზითაც ხელოვნურად შეიქმნეს ყალბი აქტივი დამატებული ღირებულების გადასახადში. ეს აქტივი შემდგომში გამოიყენეს მიმდინარე საბიუჯეტო ვალდებულებებისა და საქართველოში იმპორტირებული საქონლის განბაჟებისათვის განკუთვნილი გადასახადების გადახდისათვის.

საგამოძიებო სამსახურმა 4 ათასზე მეტი კოლოფი უაქციზო სიგარეტი ამოიღო >>>

ბრალდებულების მიერ ფიქტიურად შექმნილი აქტივის ოდენობა 30 მილიონ ლარს აღემატება.

გამოძიება მიმდინარეობს საქართველოს სისხლის სამართლის კოდექსის 210-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 4-დან 7 წლამდე ვადით.

95
პოლიციის ლენტა

ლიფტის შახტში ჩავარდნილი გოგონას დაღუპვის საქმეზე მოზარდი დააკავეს

63
(განახლებულია 10:56 09.07.2020)
ამჟამად დგინდება წყალტუბოში მომხდარი უბედური შემთხვევის დეტალები, საქმეს, შესაძლოა, სხვა კვალიფიკაცია მიეცეს, ახლა კი გამოძიება მიმდინარეობს მუხლით „თვითმკვლელობამდე მიყვანა“

თბილისი, 9 ივლისი — Sputnik. წყალტუბოში 17 წლის გოგონას ლიფტის შახტში დაღუპვის საქმეზე არასრულწლოვანი დააკავეს, იუწყება პირველი არხი.

უბედური შემთხვევა 1 ივლისს ყოფილ სავაჭრო ცენტრ „მერცხალში“ მოხდა. გოგონა ლიფტის შახტში ჩავარდა და დაიღუპა. ამ დროს დაკავებული მოზარდი მეგობრებთან ერთად შენობაში იმყოფებოდა. მას ცრუ ჩვენების მიცემა ბრალდება.

უწყებაში აცხადებენ, რომ საქმისთვის სხვა კვალიფიკაცია არ მიუნიჭებიათ და გამოძიება კვლავ „თვითმკვლელობამდე მიყვანის“ მუხლით მიმდინარეობს, რაც ისჯება თავისუფლების შეზღუდვით სამ წლამდე ან თავისუფლების აღკვეთით ორიდან ოთხ წლამდე.

63
თემები:
შემთხვევები საქართველოში
დაკავება

მოძალადე დეპუტატი: მიხეილ გრემელაშვილი ცოლსა და შვილებზე ძალადობისთვის დააკავეს

80
(განახლებულია 11:06 09.07.2020)
გამოძიების ინფორმაციით, დეპუტატი სიცოცხლის მოსპობით მეუღლესა და შვილებს „ტეტეს" სისტემის პისტოლეტით დაემუქრა და მათზე ფიზიკურად იძალადა.

თბილისი, 9 ივლისი — Sputnik. სამართალდამცველებმა თელავის საკრებულოს დეპუტატი მიხეილ გრემელაშვილი ცოლისა და შვილების მიმართ ძალადობისა და ცეცხლსასროლი იარაღის მართლსაწინააღმდეგო შეძენა-შენახვის ბრალდებით დააკავეს, იუწყება ტელეკომპანია Rustavi 2.

გამოძიების ინფორმაციით, დეპუტატი სიცოცხლის მოსპობით მეუღლესა და შვილებს „ტეტეს" სისტემის პისტოლეტით დაემუქრა და მათზე ფიზიკურად იძალადა.

სამართალდამცველებმა დეპუტატის სახლის ჩხრეკისას ნივთმტკიცების სახით „კალაშნიკოვის" სისტემის უკანონოდ შენახული იარაღი ამოიღეს.

გამოძიება ოჯახის წევრების მიმართ განხორციელებული მუქარის, ოჯახში ძალადობისა და  ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ფაქტებზე დაიწყო. ბრალის დამტკიცების შემთხვევაში მამაკაცს ოთხიდან ექვს წლამდე ვადით პატიმრობა ემუქრება.

ოჯახური ძალადობა ერთ-ერთ ყველაზე გავრცელებული დანაშაულია საქართველოში - ხშირ შემთხვევაში მსხვერპლი ქალია.
შსს-ს ცნობით,  2019 წელს ოჯახური ძალადობის ბრალდებით სისხლის სამართლებრივი პასუხისმგებლობა დაეკისრა 4,6 ათას ადამიანს, რომელთა უმეტესობა დაკავებულია. სულ 2019 წელს გამოძიება დაიწყო ოჯახური ძალადობის 6 ათას ფაქტზე, მაშინ, როცა 2018 წელს ეს მაჩვენებელი 5,6 ათასი იყო.

ოჯახური ძალადობის მსხვერპლთათვის 24-საათიან რეჟიმში მუშაობს „ცხელი ხაზი“ 116006, სადაც შესაძლებელია უფასოდ ანონიმური ფსიქოლოგიური და იურიდიული კონსულტაციის მიღება რვა ენაზე. მუდმივ რეჟიმში მუშაობს ასევე „ცხელი ხაზი“ – 112.

80
თემები:
კრიმინალი საქართველოში
ამირან გამყრელიძე

წინასაარჩევნო კამპანიის ჩატარებისას გაითვალისწინეთ, რომ... ეპიდემიოლოგის განმარტება

0
(განახლებულია 12:13 09.07.2020)
დაგეგმილი საპარლამენტო არჩევნებისთვის აქტიურად ემზადებიან არამარტო პოლიტიკური პარტიები, არამედ ეპიდემიოლოგებიც

თბილისი, 9 ივლისი — Sputnik. წინასაარჩევნო კამპანია ღია სივრცეში დისტანციის დაცვით უნდა წარიმართოს - სპეციალისტები პოლიტიკურ პარტიებს წინასაარჩევნო პერიოდში სიფრთხილისკენ მოუწოდებენ.

საქართველოში საპარლამენტო არჩევნები 2020 წლის 31 ოქტომბერსაა დაგეგმილი. ამ ეტაპზე ცესკოში პარტიების რეგისტრაცია მიმდინარეობს.

საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის ამირან გამყრელის სიტყვებით, წინასაარჩევნო კამპანიის ჩატარებასთან დაკავშირებით რეკომენაციების თაობაზე მუშაობა უკვე დაწყებულია.

მანამდე ცენტრის დირექტორი ყველას ზოგადი რეკომენდაციების დაცვისკენ მოუწოდებს.

დაგეგმილი საპარლამენტო არჩევნებისთვის აქტიურად ემზადებიან არამარტო პოლიტიკური პარტიები, არამედ ეპიდემიოლოგებიციქნება საერთო რეკომენდაციები, ის, რაზეც ჩვენ ხშირად ვსაუბრობთ, - დისტანციის დაცვა წინასაარჩევნო კამპანიის დროს. ყველაზე მთავარი - წინასაარჩევნო კამპანიის ღია სივრცეებში ჩატარება და დისტანციის დაცვაა", - განაცხადა გამყრელიძემ Rustavi 2-ის ეთერში.

საქართველოში არჩევნები პანდემიის პირობებში ჩაივლის - კორონავირუსის პირველი შემთხვევა 26 თებერვალს დაფიქსირდა. 21 მარტს კი, როდესაც ინფიცირებულთა რაოდენობამ ქვეყანაში 50-ს მიაღწია, გამოცხადდა საგანგებო მდგომარეობა, რომელიც 22 მაისამდე მოქმედებდა.

მთავრობა კორონავირუსის პანდემიის გამო დაწესებულ შეზღუდვებს ეტაპობრივად აუქმებს, ამასთან, ხელისუფლება და ეპიდემიოლოგები მოქალაქეებს ჯანდაცვის სამინისტროს რეკომენდაციების გათვალისწინებისა და სიფრთხილის გამოჩენისკენ მოუწოდებენ.

ქვეყნის ტერიტორიაზე მოქმედებს შემდეგი შეზღუდვები:

დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და სავაჭრო ობიექტებში სავალდებულოა პირბადის ტარება და სოციალური დისტანციის დაცვა;

– საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

– დახურულ სივრცეებში აკრძალულია კულტურული და სპორტული ღონისძიებების გამართვა;

– აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);

საქართველოში შეზღუდვების ვადები გახანგრძლივდება? გადაწყვეტილება პარლამენტზეა>>>

– სკოლებსა და უმაღლეს სასწავლებლებში სასწავლო პროცესი დისტანციურად ხორციელდება;

– კაზინოების და ტოტალიზატორების მუშაობა დაშვებულია მხოლოდ ონლაინ;

– ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;

– ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საქართველოში ინფიცირებულთა რაოდენობამ 968-ს მიაღწია, გამოჯანმრთელდა 844 ადამიანი, 15 კი გარდაიცვალა.

0
თემები:
საქართველოს საპარლამენტო არჩევნები 2020