ციხის დერეფანი

სანზონაში გარდაცვლილი 4 წლის გოგონას მამინაცვალი დააკავეს

256
(განახლებულია 22:36 10.06.2019)
არკადი ძავაშვილი გარდაცვლილი 4 გოგონას ხუთი წლის ძმის ცემის ფაქტზე დააკავეს

თბილისი, 10 ივნისი — Sputnik. ნაძალადევის რაიონში გარდაცვლილი ოთხი წლის გოგონას დედის, ლელა ქსოვრელის მეუღლე არკადი ძავაშვილი დააკავეს, იუწყება პირველი არხი საქართველოს გენერალურ პროკურატურაზე დაყრდნობით.

ოთხი წლის გარდაცვლილი გოგონას დედას პატიმრობა შეეფარდა >>

როგორც სამართალდამცავ ორგანოში განმარტავენ, ძავაშვილი რამდენიმე კვირის წინ ოჯახში არასრულწლოვნის მიმართ ძალადობის ბრალდებით დააკავეს. არკადი ძავაშვილი გარდაცვლილი მცირეწლოვნის მამინაცვალია.

ოთხი წლის გოგონა სანზონაში მიმდინარე წლის 22 იანვარს გარდაიცვალა. მას ფიზიკური დაზიანებების კვალი აღენიშნებოდა. გავრცელებული ინფორმაციით, მას დედა და მამინაცვალი ხშირად სცემდნენ. ძალადობის ერთ-ერთი შემთხვევის დროს კი, 6 იანვარს ადგილზე გამოძახებულმა პოლიციამ ბავშვის დედას შემაკავებელი ორდერი გამოუწერა, რომლის მიხედვით, მას არასრულწლოვანთან კონტაქტი ეკრძალებოდა.

დაახლოებით ორი კვირის შემდეგ ბავშვი გარდაცვლილი იპოვეს. პოლიციამ სისხლის სამართლის საქმე აღძრა მუხლით „გაუფრთხილებლობით ზიანის მიყენება, რამაც სიკვდილი გამოიწვია“.

ბავშვის გარდაცვალების ფაქტზე ამ დრომდე დაკავებულია ლელა ქსოვრელი, რომელიც შვილის გარდაცვალების დღეს, 22 თებერვალს დააპატიმრეს. მიზეზი კი შემაკავებელი ორდერის დარღვევა გახდა.

როგორც ექსპერტიზამ დაადგინა, ქსოვრელმა 21-22 თებერვლის პერიოდში საკუთარ ქალიშვილს თავის არეში ბლაგვი საგნით რამდენიმე დაზიანება მიაყენა, რამაც მცირეწლოვანი გოგონას ტვინის მკვეთრი შეშუპება და სისხლჩაქცევა გამოიწვია, რის შემდეგაც ის გარდაიცვალა.

ქსოვრელს ბრალი წარედგინა მუხლით „ოჯახური დანაშაული, შემაკავებელი ან დამცავი ორდერით გათვალისწინებული მოთხოვნებისა და ვალდებულებების შეუსრულებლობა, არასრულწლოვნის განცალკევების შესახებ სოციალური მუშაკის გადაწყვეტილებისადმი დაუმორჩილებლობა" და ის სასამართლო განაჩენის გამოტანამდე საპატიმროში მოათავსეს.

შემდგომში ლელა ქსოვრელს ბრალი დაუმძიმდა სისხლის სამართლის კოდექსის 117-ე მუხლის მეექვსე ნაწილით, რაც სხეულის განზრახ მძიმე დაზიანებას გულისხმობს, რამაც არასრულწლოვანის სიცოცხლის მოსპობა გამოიწვია და ითვალისწინებს 8-დან 11 წლამდე ვადით თავისუფლების აღკვეთას.

ეჭვიანობის ნიადაგზე, მამაკაცმა ცოლს 13, ხოლო მეზობელს 16 ჭრილობა მიაყენა >>

ლელა ქსოვრელის დაკავების შემდეგ, გამოძიება ასევე დაიწყო გარდაცვლილი გოგონას ხუთი წლის ძმის ლ.ქ-ს სხეულზე არსებული დაზიანებების თაობაზე. ქსოვრელის მეუღლე უარყოფდა ძალადობას, როგორც გარდაცვლილის, ასევე მეორე ბავშვის მიმართ, თავად ქსოვრელი კი, არც ერთ ეტაპზე ბრალს არ აღიარებდა. ბავშვის გარდაცვალებას ისინი უბედურ შემთხვევას უწოდებდნენ. ქსოვრელის მეუღლე ამბობდა, რომ ბავშვს ჯანმრთელობის პრობლემები ჰქონდა, მისი ტირილის ხმა კი მეზობლებს ბანაობის დროს ესმოდათ. სწორედ ცალკე წარმოებული გამოძიების ფარგლებში მოხდა ქსოვრელის მეუღლის არკადი ძავაშვილის დაკავება. მას აღკვეთის ღონისძიების სახით უკვე შეფარდებული აქვს პატიმრობა.

256
თემები:
კრიმინალი საქართველოში (989)
მეხანძრე

ხანძარი სვანეთში: ცეცხლთან ბრძოლა გრძელდება დარჩენილია რამდენიმე მხრჩოლავი კერა

8
(განახლებულია 13:04 09.07.2020)
მობილიზებული იყო დამატებითი ცოცხალი ძალა თბილისიდან, ასევე, ქვემო ქართლის, აჭარისა და იმერეთის რეგიონებიდან

თბილისი, 9 ივლისი — Sputnik. სვანეთში, სოფელ ხაიშთან ხანძრის ოთხი აქტიური კერიდან სამი უკვე ლიკვიდირებულია, იუწყება შინაგან საქმეთა სამინისტროს საგანგებო სიტუაციების მართვის სამსახური.

ადგილზე შექმნილია სამუშაო შტაბი, რომელსაც საგანგებო სიტუაციების მართვის სამსახურის უფროსი თემურ მღებრიშვილი და უფროსის მოადგილე ლევან ღირსიაშვილი ხელმძღვანელობენ. ადგილზე, ასევე, იმყოფება სახანძრო-სამაშველო ძალების დეპარტამენტის უფროსი დავით სუხიშვილი.

უწყებაში აღნიშნავენ, რომ ტყის ხანძრის ქრობის სამუშაოები მეოთხე დღეა უწყვეტ რეჟიმში მიმდინარეობს.

„სოფელ ხაიშთან... ოთხდღიანი უწყვეტი სამუშაოების შედეგად მოხერხდა სამი კერის ლიკვიდაცია, ხოლო მეოთხე კერაზე სრული ლოკალიზებაა. დარჩენილია რამდენიმე მხრჩოლავი კერა“, - ნათქვამია განცხადებაში.

ადგილზე ცეცხლის კერებს აქრობენ მეხანძრე-მაშველების ჯგუფები და სასაზღვრო პოლიციის ვერტმფრენი. ტერიტორიის მონიტორინგი ხდებოდა დრონის საშუალებით.

მანამდე ხანძრის სალიკვიდაციო სამუშაოებში ოთხი ვერტმფრენი იყო ჩართული. მობილიზებული იყო დამატებითი ცოცხალი ძალა თბილისიდან, ასევე ქვემო ქართლის, აჭარისა და იმერეთის რეგიონებიდან.

სოფელ ხაიშთან სულ 200 მეხანძრე-მაშველი და 10 ერთეული სახანძრო-სამაშველო ტექნიკა მუშაობდა. რთულ რელიეფზე სამუშაო პროცესში ჩართული იყო განსაკუთრებულ სიტუაციებზე სწრაფი რეაგირების სამაშველო ჯგუფი.

ამ დროისთვის ადგილზე სიტუაცია სრულად კონტროლდება და გრძელდება სალიკვიდაციო სამუშაოები.

8
თემები:
შემთხვევები საქართველოში
ხელბორკილები

მამისა და ბაბუის მკვლელობაში ეჭვმიტანილი დაკავებულია

33
(განახლებულია 12:32 09.07.2020)
ორმაგ მკვლელობაში ეჭვმიტანილ დაკავებულს, რომელიც ერთხელ უკვე ნასამართლევია, 16–დან 20 წლამდე ან უვადო პატიმრობა ელოდება

თბილისი, 9 ივლისი — Sputnik. მცხეთა–მთიანეთის რეგიონის პოლიციის დეპარტამენტის თანამშრომლებმა დამამძიმებელ გარემობაში ჩადენილი ორმაგი მკვლელობის ბრაკლდებით ერთი პირი დააკავეს, ნათქვამია შსს–ს განცხადებაში.

დაკავებულს 16–დან 20 წლამდე ან თავისუფლების უვადო აღკვეთა ემუქრება.

30 წლამდე მამაკაცმა მძინარე მამა და ბაბუა მოკლა>>

გამოძიებამ დაადგინა, რომ ამა წლის 7 ივლისს ადრე არაერთგზის ნასამართლევმა 28 წლის ახალგაზრდამ მუხრანში, საკუთარ სახლში ცივი იარაღით მოკლა მამა და ბაბუა, რის შემდეგაც დანაშაულის ადგილიდან მიიმალა.

ეჭვმიტანილი მომდევნო დღეს, საღამოს დააკავეს.

33
თემები:
კრიმინალი საქართველოში (989)