ხელბორკილების დადება

სისხლიანი დაპირისპირება დიღომში - დაკავებულია ახალგაზრდა მამაკაცი

123
(განახლებულია 12:42 10.06.2019)
დაკავებული ბრალდებულია თბილისში ორ ადამიანზე თავდასხმაში

თბილისი, 10 ივნისი — Sputnik. პოლიციის თანამშრომლებმა ხარაგაულის რაიონის სოფელ ღვერკში დააკავეს ჯანმრთელობისთვის განზრახ მძიმე ზიანის მიყენებაში ბრალდებული პირი, ნათქვამია საქართველოს შინაგან საქმეთა სამინისტროს განცხადებაში.

გამოძიებამ დაადგინა, რომ დიღმის მასივში 1997 წელს დაბადებულმა უ.გ.-მ, ურთიერთობების გამორკვევისას ცივი იარაღით დაჭრა 1998 წელს დაბადებული ე.გ. და 2001 წელს დაბადებული მ.მ, შემდეგ კი დანაშაულის ადგილიდან მიიმალა. დაჭრილები საავადმყოფოში გადაიყვანეს, სადაც შესაბამისი სამედიცინო დახმარება აღმოუჩინეს.

ბრალდებული შსს-ს დიდუბე-ჩუღურეთის რაიონული პოლიციის თანამშრომლებმა ცხელ კვალზე დააკავეს.

გამოძიება მიმდინარეობს სსკ-ის ჯანმრთელობისთვის განზრახ მძიმე დაზიანების მიყენების მუხლით, რაც ცხრიდან 13 წლამდე პატიმრობას ითვალისწინებს.

123
თემები:
კრიმინალი საქართველოში (449)