არჩევნები მთაწმინდაზე

მთაწმინდის მე-12 საარჩევნო უბანზე ინციდენტი მოხდა

109
ჟურნალისტმა არასამთავრობო ორგანიზაციის წარმომადგენელი გაყალბების საქმიანობაში დაადანაშაულა

თბილისი, 9 ივნისი - Sputnik. მთაწმინდის მე-12 საარჩევნო უბანზე მცირე ინციდენტი მოხდა, იუწყება პირველი არხი.

სააგენტო „ნიუს სფეისის“ წარმომადგენელმა მარიამ მკალავიშვილმა არასამთავრობო ორგანიზაცია „ადვოკატთა და იურისტთა საერთაშორისო ობსერვატორიის” წარმომადგენელი თამარ ნიშნიანიძე დაადანაშაულა იმაში, რომ ის საარჩევნო უბანზე მისული ამომრჩევლების მონაცემებს ინიშნავდა და ტელეფონით აგზავნიდა სახელსა და გვარებს. მისი თქმით, ეს გაყალბების სქემაა.

ცენტრალური საარჩევნო კომისიის პრესსპიკერმა, ანა მიქელაძემ განაცხადა, რომ ამ დროისთვის საკითხი ამოწურულია და არანაირი პრობლემა აღარ არსებობს.

არასამთავრობო ორგანიზაციის წარმომადგენელი ბრალდებას უარყოფს.

„მე დამკვირვებელი ვარ და მაქვს უფლება, დავაკვირდე არჩევნებს. სახელი და გვარები ისედაც გამოკრულია კედელზე. ეს გოგო არის მატყუარა“, - აცხადებს არასამთავრობოს წარმომადგენელი თამარ ნიშნიანიძე.

საქართველოში, მთაწმინდის მაჟორიტარულ ოლქში შუალედური საპარლამენტო არჩევნების მეორე ტური დაიწყო. მეორე ტურის ჩატარება საჭირო იმიტომ გახდა, რომ პირველ ტურში 20-დან ვერცერთმა კანდიდატმა გამარჯვებისთვის საჭირო ხმების რაოდენობა ვერ მოიპოვა - არჩევნებში მონაწილე ამომრჩევლების ხმების მინიმუმ 50% პლუს ერთი ხმა.

და ისევ არჩევნებია: საქართველოში პარლამენტის დეპუტატს აირჩევენ >>

შუალედური არჩევნების მეორე ტურში ერთმანეთს უპირისპირდებიან მმართველი პარტია „ქართული ოცნება - დემოკრატიული საქართველოს“ კანდიდატი ვლადიმერ (ლადო) კახაძე („41“ ნომრად) და ორი ოპოზიციური პარტიის - „ევროპული საქართველოსა“ და „თავისუფალი დემოკრატების“ კანდიდატი, ადვოკატი შალვა შავგულიძე (ნომერი „13“).

109
თემები:
შუალედური და რიგგარეშე არჩევნები საქართველოში (105)
მოსამართლის ჩაქუჩი

შაქარაშვილის მკვლელობაში ბრალდებულების ადვოკატები დაცვის სტრატეგიაზე მუშაობენ

13
შაქარაშვილის დამამძიმებელ მდგომარეობაში ჯგუფურად განზრახ მკვლელობის ბრალი დღეს ხუთ ადამიანს წაუყენეს, ყველა მათგანი პატიმრობაშია

თბილისის, 11 აგვისტო – Sputnik. 19 წლის გიორგი შაქარაშვილის მკვლელობაში ბრალდებულების - ვასილ ჩიქოვანის, არჩილ გაგნიძის, ნიკოლოზ რევაზიშვილის და ორი არასრულწლოვანის ადვოკატები ელოდებიან კონკრეტულ მტკიცებულებებს, რომლებიც მათი დაცვის ქვეშ მყოფთა ბრალს დაადასტურებს.

სამშაბათს გენერალურმა პროკურატურამ შაქარაშვილის საქმეში გარღვევის შესახებ განაცხადა და ხუთ ფიგურანტს ბრალი წაუყენა. გამოძიების ვერსიით, ბრალდებულებმა შაქარაშვილი მდინარე არაგვის პირას მოიმწყვდიეს, სასტიკად სცემეს და ჯერ კიდევ ცოცხალი მდინარეში გადააგდეს. 19 წლის ბიჭის ცხედარი იქ ოთხდღიანი ძებნის შემდეგ იპოვეს.

„საქმე გამოიყო, მაგრამ არც მაშინ, არც ახლა არ ველოდებით, რომ საქმეში არსებობს ისეთი სამხილები, რომლებიც ბრალდებას გაამყარებს“, - განაცხადა ვასილ ჩიქოვანის ადვოკატმა არჩილ ბერიანიძემ.

მისი თქმით, ის გაეცნობა მასალებს და მათზე დაყრდნობით დაცვის ხაზს ააგებს.

„ჩემთვის პროკურატურის პოზიცია დაუსაბუთებულია“, - განუცხადა ბერიანიძემ ჟურნალისტებს.

მტკიცებულებების არარსებობის გამო გამამართლებელ განაჩენს ელოდება ასევე არჩილ გაგნიძის ადვოკატი ვასილ მამულაშვილიც.

„დარწმუნებული ვარ, რომ ჩემი დაცვის ქვეშ მყოფს სასამართლო გაამართლებს“, - განუცხადა მან ჟურნალისტებს.

ამასთან ადვოკატმა აღნიშნა, რომ დანაშაულს სასამართლოში დამტკიცება სჭირდება, პროკურატურამ კი მხოლოდ შაქარაშვილის ოჯახის და საზოგადოების ვერსია გაიმეორა.

„ადამიანი ბოროტმოქმედი მხოლოდ სასამართლოს განაჩენის შემდეგ ხდება“, - განაცხადა მამულაშვილმა.

მას არასრულწლოვანის ადვოკატი გიორგი გელხაურიც ეთანხმება.

„ბრალის დამძიმების მოლოდინი ჩვენ არ გვქონდა, არანაირი მტკიცებულებები არ არსებობდა იმის, რომ ბრალი დამძიმებულიყო. იმედია, რომ წარმოადგენენ კონკრეტულ მტკიცებულებებს“, - განუცხადა ჟურნალისტებს გელხაურმა.

იმ ხუთი პირის გარდა, რომელთა მიმართ სისხლისსამართლებრივი დევნა გიორგი შაქარაშვილის დამამძიმებელ გარემოებებში განზრახ მკვლელობის ბრალდებით დაიწყო, ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის, ასევე, ჯგუფურად თავისუფლების უკანონო აღკვეთის ფაქტებზე დაკავებულია 12 პირი, რომელთაც აღკვეთის ღონისძიების სახით შეფარდებული აქვთ პატიმრობა. მათ მიმართ წარდგენილი ბრალდება სასჯელის სახით თავისუფლების აღკვეთას ოთხიდან ათ წლამდე ითვალისწინებს, აღნიშნავენ პროკურატურაში.

სასამართლო პროცესი შაქარაშვილის საქმეზე: ექვსივე არასრულწლოვანი პატიმრობაში დარჩა >>

სასამართლო სხდომის თარიღი ჯერჯერობით უცნობია. თუმცა 18 აგვისტოს დაიწყება მოსმენები ჩხუბის ეპიზოდებზე ყველა არასრულწლოვანის მონაწილეობით.

 

13
თემები:
19 წლის გიორგი შაქარაშვილის მკვლელობის საქმე
Глава Минздрава Грузии Екатерина Тикарадзе

ტიკარაძე ცირეკიძის ოჯახს შეხვდა: მზად ვართ საექსპერტო ჯგუფის მობილიზებისთვის

108
(განახლებულია 17:41 11.08.2020)
დაკავებულ ექიმებს, რომელთაც ბრალად ედებათ უკანონო საექიმო საქმიანობა, კოლეგებმა მხარდაჭერა გამოუცხადეს.

თბილისი, 11 აგვისტო - Sputnik. მზად ვართ, საექსპერტო ჯგუფის მობილიზაცია მოვახდინოთ და ექსპერტიზის შედეგად ზუსტად დადგინდება, რის გამო მიადგა პაციენტს ზიანი, განაცხადა საქართველოს ჯანდაცვის მინისტრმა ეკატერინე ტიკარაძემ კომატოზურ მდგომარეობაში მყოფი 25 წლის ნათია ცირეკიძის საქმეზე საუბრისას.

ნათია ცირეკიძე ორი ოპერაციის გადატანის შემდეგ, უკვე მეორე წელია, კომატოზურ მდგომარეობაში იმყოფება. აღნიშნულ საქმეზე საქართველოს პროკურატურამ ბრალი სამ ექიმს წარუდგინა.

ეკატერინე ტიკარაძე ნათია ცირეკიძის ოჯახის წევრებსა და მათ ადვოკატს ჯანდაცვის სამინისტროში შეხვდა, სადაც პაციენტის მდგომარეობასა და მკურნალობის პროცესში სხვა კლინიკების ჩართულობაზე ისაუბრეს.

ტიკარიძის განცხადებით, ჯანდაცვის სამინისტრო პაციენტის ამჟამინდელ მდგომარეობას განიხილავს და შემდეგ გადაწყდება, სად გაგრძელდება მისი მკურნალობა.

„ჯანდაცვის სამინისტრო კლინიკიდან პაციენტის ამჟამინდელ მდგომარეობას გამოვითხოვთ და განვიხილავთ ყველა შესაძლებლობას, სად შეიძლება მისი მკურნალობა გაგრძელდეს”, – განაცხადა მინისტრმა.

როგორც ტიკარაძემ აღნიშნა, გამოძიების გამჭირვალედ ჩასატარებლად,  ძალიან მნიშვნელოვანია ექსპერტიზის ჩატარება.

„პაციენტის ოჯახის წევრების მხრიდან აღინიშნა, რომ დღემდე არ არის ექსპერტიზა ჩატარებული მათთვის მიყენებულ იმ ზიანზე, რომლის გამოც პაციენტი ამ მდგომარეობაში იმყოფება. იმის მიღმა, თუ რა დოკუმენტაციაც შეისწავლა რეგულირების სააგენტომ, ძალიან მნიშვნელოვანია, რომ ჩატარდეს ექპერტიზა, რათა გამოძიება უფრო გამჭვირვალედ და საგნობრივად ჩატარდეს“, – განაცხადა მინისტრმა.

თბილისის პროკურატურის საგამოძიებო სამმართველოს თანამშრომლებმა სამსახურებრივი გულგრილობის, სამსახურებრივი მდგომარეობის გამოყენებით თაღლითობისა და უკანონო საექიმო საქმიანობის ფაქტზე თბილისის ცენტრალური საავადმყოფოს დირექტორი გიორგი ლობჟანიძე და ამავე კლინიკის ექიმი ვახტანგ ყიფიანი 4 აგვისტოს დააკავეს, ხოლო უკანონო საექიმო საქმიანობის ფაქტზე მაგდა ხოჭოლავას მიმართ დაუსწრებლად იქნა გამოტანილი დადგენილება ბრალდებულად პასუხისგებაში მიცემის შესახებ.

აქცია „ექიმები თეთრი ხალათებით“ მთელ საქართველოში გაიმართა>>

5 აგვისტოს თბილისის ცენტრალური საავადმყოფოს დირექტორს გიორგი ლობჟანიძეს აღკვეთის ღონისძიებად გირაო – 100 ათასი ლარი შეეფარდა, ხოლო ამავე კლინიკის ექიმს ვახტანგ ყიფიანს – პატიმრობა. აგრეთვე პატიმრობა დაუსწრებლად შეეფარდა უკანონო საექიმო საქმიანობის ფაქტზე მაგდა ხოჭოლავას.

საქართველოს მედიცინის მუშაკები მხარდაჭერას უცხადებენ დაკავებულებს და სხვადასხვა ღონისძიებას მართავენ.

108
თემები:
შემთხვევები საქართველოში