შახტი

ამოკერილი პირები - ჭიათურელი მაღაროელები გაფიცვას განაგრძობენ

107
ჭიათურის მაღაროების ოპერატორმა კომპანია „ჯორჯიან მანგანეზმა“ შესაძლოა უარი თქვას თანამშრომლებისთვის ხელფასის 25%-ით მომატებაზე

თბილისი, 23 მაისი - Sputnik. ქალაქ ჭიათურის მანგანუმის მადნის მომპოვებელი შახტის მუშები უარს აცხადებენ გაფიცვის შეწყვეტაზე. მეტიც, ზოგიერთმა მათგანმა პროტესტის ნიშნად პირი ამოიკერა, იუწყება ტელეარხი Imedi.

ხელფასების 50%-იანი ზრდა არარეალურია? მაღაროელებს მუშაობისკენ მოუწოდებენ >>

გაფიცვა 15 მაისს 150-ზე მეტმა მაღაროელმა გამოაცხადა. მუშების ერთმა ნაწილმა ქალაქის ცენტრში კარვები გაშალა და შიმშილობა დაიწყო. ზოგიერთმა მათგანმა კი პირი ამოიკერა. ცოტა ხნით ადრე გაფიცულებმა ქალაქის ქუჩებში მსვლელობა მოაწყვეს და მოსახლეობას მხარდაჭერისკენ მოუწოდეს.

გაფიცულები ხელფასების 50%-ით მომატებას, შრომის პირობების გაუმჯობესებას, უკეთეს სამედიცინო დაზღვევასა და ეკოლოგიური პრობლემების გადაჭრას ითხოვენ. მოთხოვნებს შორისაა ასევე მათ მიერ გაცდენილი დღეების ანაზღაურება და გათავისუფლებული თანამშრომლების სამსახურში აღდგენა. 

„შიმშილობას არ შევწყვეტთ, ვიდრე ჩვენს მოთხოვნებს არ დააკმაყოფილებენ. ისინი უკანონოდ იქცევიან. ჩვენ ისე არ ვიქცევით, როგორც ისინი იქცევიან“, - განუცხადა მაღაროელმა გიორგი ბიწაძემ ტელეარხ Rustavi2-ს.

ერთ-ერთმა გაფიცულმა კიდევ ერთი მოთხოვნა გააჟღერა - „ჯორჯიან მანგანეზი“ სახელმწიფოს გადაეცეს.

„უკვე მეექვსე დღეა, ვშიმშილობთ. ბრძოლას ბოლომდე მივიყვანთ, ვიდრე ჩვენს პირობებს არ დააკმაყოფილებენ. არავითარი სხვა პირობა - ეს კომპანია სახელმწიფოს გადაეცეს და სახელმწიფომ იზრუნოს ჩვენზე, ჩვენ ყველას გვაქვს ამის იმედი... ამათ არაფრის გაკეთება არ შეუძლიათ და ჩვენი სიცოცხლის ფასზე გვევაჭრებიან“, - განაცხადა მაღაროელმა თემურ შენგელაძემ. 

„ჯორჯიან მანგანეზის“ წარმომადგენლების თქმით კი, გაფიცული მაღაროელები კანონის ფარგლებს სცდებიან.

„თავდაპირველად ითხოვდნენ ხელფასების 50%-ით მომატებას, რაც აბსოლუტურად მოკლებულია რეალობას და არაადეკვატურია. ამ მოთხოვნის არარეალურობასა და არაადეკვატურობაზე ისიც მიუთითებს, რომ გაფიცულებმა არ ჩამოაყალიბეს ჯგუფი, რომელთან ერთადაც ამ საკითხზე ვიმსჯელებდით“, - განაცხადა „ჯორჯიან მანგანეზის“ ფინანსურმა დირექტორმა მერაბ ლომინაძემ პრესკონფერენციაზე.

„როგორც ჩიკაგოში 133 წლის წინ“ - პროფკავშირებმა კანცელარიასთან საპროტესტო აქცია გამართეს >>

მისი სიტყვებით, კომპანიის ხელმძღვანელობა რეორგანიზაციის ფარგლებში მზად იყო, მაღაროელებისთვის ხელფასების 25%-ით მომატება შეეთავაზებინა, მაგრამ მათ ამ შეთავაზებაზე უარი განაცხადეს.

„თანამშრომლების შემცირებაზე რეორგანიზაციის დროს საუბარი არ არის, საუბარია სტრუქტურულ ცვლილებებზე, რომლებიც კომპანიაში უნდა გატარდეს და რომლებიც შესაძლებლობას მოგვცემს, დავზოგოთ გარკვეული ადმინისტრაციული ხარჯი. დანაზოგი ხელფასებზე გადანაწილდება“, - ხაზი გაუსვა ლომინაძემ.

ამასთან, მან აღნიშნა, რომ ახლა „ჯორჯიან მანგანეზმა“ შეიძლება უარი თქვას ამ წინადადებაზეც.

„ჩვენს შეთავაზებაზე მივიღეთ უარი. აქედან გამომდინარე, ჩემთვის ჯერ უცნობია, ისევ ძალაშია თუ არა ეს წინადადება“, - განაცხადა ლომინაძემ.

„ჯორჯიან მანგანეზის“ მონაცემებით, პროფკავშირებთან კოლექტიური შეთანხმების საფუძველზე დასაქმებულებს 2018 წელს ანაზღაურება 10%-ით მოუმატეს. სანაცვლოდ მეშახტეებმა პირობა დადეს, რომ სამი წლის განმავლობაში არ გაიფიცებოდნენ იმ საკითხებზე, რომლებსაც აღნიშნული შეთანხმება არეგულირებს. მაგრამ კომპანიაში დასაქმებულებმა, ხელმძღვანელობის თქმით, ეს პირობა დაარღვიეს.

ამჟამად ჭიათურაში გაფიცვის გამო ცხრიდან ხუთი შახტი არ მუშაობს, აღნიშნა ქიმიური და სამთო-მეტალურგიული მრეწველობის პროფკავშირების თავმჯდომარე პაატა სამხარაძემ.

 „ჯორჯიან მანგანეზი“ ჭიათურაში მანგანუმის მადნის მომპოვებელი მაღაროს ოპერატორია. ის „ჯორჯიან ემერიქენ ელოის“ (Georgian American Alloys) ჰოლდინგის შემადგენლობაში შედის. „ჯორჯიან მანგანეზის“ გარდა, ჰოლდიგნი აერთიანებს ვარციხის ჰიდროელექტროსადგურსა და კლინიკა „ფერომედს“. კომპანიის სათავო ოფისი მაიამიში მდებარეობს.

ჭიათურაში მანგანუმის მადანს 1879 წლიდან მოიპოვებენ.

მანგანუმის მადნისა და მანგანუმის ოქსიდებისა და დიოქსიდების ექსპორტს მნიშვნელოვანი ადგილი უჭირავს საქართველოს ექსპორტში. მანგანუმის მადნისა და კონცენტრატის ექსპორტმა 2019 წლის იანვარ-მარტში 1,8 მილიონი დოლარი შეადგინა, რაც სამჯერ აღემატება 2018 წლის იმავე პერიოდის ანალოგიურ მაჩვენებელს.

107
თემები:
ჭიათურაში მეშახტეები გაიფიცნენ (9)
შეიარაღებული თავდასხმა

კასპში მკვლელობა მოხდა: მანქანის ხელოსანმა დამკვეთი მოკლა

97
მანქანის ხელოსანთან სახლში ორი მამაკაცი მივიდა, მათ შორის შელაპარაკება ჩხუბში, შემდეგ კი მკვლელობაში გადაიზარდა

თბილისი, 19 სექტემბერი - Sputnik. კასპში მკვლელობა მოხდა - მამაკაცმა მასთან სახლში მისული ერთი სტუმარი მოკლა, მეორე - დაჭრა.

მამაკაცებს შოტის შელაპარაკება გადაიზარდა ჩხუბში, რა დროსაც მასპინძელმა სტუმრების მისამართით ცეცხლი გახსნა.

გავრცელებული ინფორმაციით, ეჭვმიტანილი იყო მანქანის ხელოსანი, მოკლული კი მისი კლიენტი. დაჭრილია მისი თანხმლები პირი.

დაჭრილი მამაკაცი საავადმყოფოში გადაიყვანეს. მისი მდგომარეობა სტაბილურია და მის სიცოცხლეს საფრთხე არ ემუქრება.

ადგილზე ექსპერტ-კრიმინალისტები მუშაობენ.

შინაგან საქმეთა სამინისტრომ მომხდარზე გამოძიება სსკ-ის 108-ე (განზრახ მკვლელობა), 118-ე მუხლის პირველი ნაწილითა (ჯანმრთელობის დაზიანება) და 236-ე მუხლის მესამე ნაწილით (ცეცხლსასროლი იარაღის უკანონო შეძენა-შენახვა) დაიწყო.

97
თემები:
კრიმინალი საქართველოში
მეწყერი ქედაში

აჭარაში სტიქიის შედეგად დაზიანებულ გზებზე მოძრაობა აღდგა

41
(განახლებულია 20:33 19.09.2020)
სტიქიის ზონაში იმყოფებოდა აჭარის მთავრობის თავმჯდომარე თორნიკე რიჟვაძე, რომელმაც განაცხადა, რომ დაზარალებულ მოსახლეობას შესაბამის დახმარებას გაუწევენ

თბილისი, 19 სექტემბერი - Sputnik. შუახევისა და ქედის მუნიციპალიტეტებში სტიქიის შედეგად დაზიანებულ გზებზე მოძრაობა ყველა მიმართულებით აღდგენილია, ხელვაჩაურში სამუშაოები სამ მიმართულებაზე გრძელდება, იუწყება საზოგადოებრივი მაუწყებლის „პირველი არხი“.

ქედაში რამდენიმე მეწყერი ჩამოწვა: დატბორილია სახლები, დაზიანებულია გზა >>

რაც შეეხება ხელვაჩაურის მუნიციპალიტეტს, აქ 16 ლოკაციიდან 13-ზე გაწმენდითი სამუშაო პროცესი დასრულებულია. გზა დაზიანებული რჩება მხოლოდ სამი სოფლის მიმართულებით: სკურდიდის, შუშანეთისა და მარადიდის მიმართულებით, სადაც სამუშაოები მიმდინარეობს. მანამდე კი მოსახლეობას საშუალება აქვს შემოვლითი გზით ისარგებლოს.

სტიქიის კერები აჭარის მთავრობის თავმჯდომარემ თორნიკე რიჟვაძემ მოინახულა. აჭარის მთავრობის ინფორმაციით, დაზარალებულ ოჯახებს შესაბამის დახმარებას გაუწევენ.

„ადგილობრივ თვითმართველობებთან ერთად ვმუშაობთ, რომ რაც შეიძლება სწრაფად მოხდეს რეაგირება და ყველა ოჯახს ჰქონდეს მაქსიმალური მხარდაჭერა. მოხდება დაზარელებული ოჯახების ქირით გაყვანა. ადგილზე მობილიზებულია საგზაო ტექნიკა და აქტიურად მიმდინარეობს გზების გაწმენდა“, – განაცხადა თორნიკე რიჟვაძემ.

შუახევის, ქედის, ხულოს და ხელვაჩაურის მუნიციპალიტეტებში ძლიერი წვიმის შედეგად დღეს რამდენიმე ადგილზე საცხოვრებელ სახლებთან ახლოს მეწყერი ჩამოწვა. მეწყერმა და ღვარცოფმა დააზარალა სოფლები დოლოგანი, ზუნდაგი, ბზუბზუ, ცხემნა, დაბა ქედა და ოქტომბერი. დაიტბორა საცხოვრებელი სახლები, დაზიანდა გზები და სავარგულები.

 

41
თემები:
უამინდობა საქართველოში
ნახევარმთვარე

მთვარის კალენდარი: 20 სექტემბერი რისი გაკეთება შეიძლება და რისი არა

0
(განახლებულია 11:33 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

20 სექტემბერი, კვირა. ამ დღეს მზე მართავს. მზარდი მთვარე მორიელის ნიშანშია.

მორიელის დღე ძალზე ემოციურია, ადვილად ვლინდება გაღიზიანება, აგრესია, მოუთმენლობა, დეპრესიისადმი მიდრეკილება. ამ დროს, სჯობს, შეზღუდოთ კონტაქტები როგორც ხელმძღვანელობასთან, ისე საქმიან პარტნიორებთან.

მთვარე მორიელში ხელს უწყობს აზრების კონცენტრაციას და ამასთან ზრდის კრიტიკულობას. ეს საუკეთესო პერიოდია ყველაზე სარისკო და სერიოზული გადაწყვეტილებების მისაღებად.

ამ დღეს არ ღირს ახალი საქმეების დაწყება, ახალი ვალდებულებების აღება საკუთარ თავზე, უძრავ ქონებასთან დაკავშირებული საქმეების გაკეთება.

რაც შეეხება ურთიერთობებს, ესაა ვნებებისა და არშიყის დრო. მთვარე მორიელში ხელს უწყობს მგზნებარე რომანების დაწყებას, ასევე, ის ურთიერთობებს მყარს საძირკველს უყრის.

როგორ მოქმედებს მთვარის ფაზები ადამიანის ენერგეტიკაზე>>

მთვარე მორიელში თავის დაღს ასვამს ყველაფერს, მათ შორის ამ დროს დაწყებულ ურთიერთობებს. ეჭვიანობა, დაუსაბუთებელი წყენა თუ ბობოქარი აღტაცება – ეს და ბევრ სხვა რამ ახასიათებს ამ პერიოდს, თან ჭარბად.

რეკომენდებულია დაწყებული საქმეების გაგრძელება, ფინანსური საქმეების ანალიზი და სუსტი ადგილების გამოსწორება, ახალი ინფორმაციის მოპოვება და ანალიზი, ბიზნესის რაციონალიზაცია, წარმოების გაზრდა, სავაჭრო ოპერაციები, განსაკუთრებით დღის პირველ ნახევარში.

არარეკომენდებულია პროვოკაციებზე აყოლა, ჩხუბსა და კონფლიქტებში ჩართვა, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მორიელის დღეს კარგია თმის შეღებვა, მაგრამ არა მკვეთრად განსხვავებულ ფერში. შეჭრისთვის ნეიტრალური დღეა. თმის შეჭრა უფრო უპრიანი იქნება სუსტი თმისთვის, რადგან ის გაძლიერდება და მტკიცე გახდება.

მანიკურისთვის ნეიტრალური დღეა.

მებაღეობა: შეიძლება სამკურნალო მცენარეების შეგროვება და გამოშრობა, პიკირება, გაზონების შეჭრა, ოთახისა და ივნის მცენარეების მორწყვა, ყვავილებისთვის სასუქის მიცემა, ნაყოფიანი ხეებისა და ბუჩქების შეწამვლა, მოსავლის აღება.

არასასურველია ბოსტნეულისთვის სასუქის მიცემა, ხეების მოჭრა.

0