სომხეთის პოლიცია და სასწრაფო დახმარება

ქართველმა არალეგალებმა სომხეთში ორი ადამიანი მოკლეს: საქმე პროკურატურაშია

203
(განახლებულია 17:25 15.05.2019)
სომხური მასმედია იუწყება, რომ დაკავებულთაგან ორს მკვლელობაში ედება ბრალი, ხოლო ერთს – მკვლელობის თანამონაწილეობაში.

თბილისი, 15 მაისი — Sputnik. საქართველოს ორმა მოქალაქემ, რომლებიც სომხეთში არალეგალურად იმყოფებოდნენ, 26 წლის მამაკაცი და 71 წლის ქალი მოკლეს, იუწყება ტელეკომპანია „იმედი“ სომხურ მასმედიაზე დაყრდნობით.

ადგილობრივი საინფორმაციო საშუალებების ცნობით, ქართველმა წყვილმა ახალგაზრდა, 26 წლის ტაქსის მძღოლი გეღარქუნიქის პროვინციაში მოკლა. მისი ცხედარი სევანის ტბასთან გასული წლის 31 მაისს იპოვეს. გარდაცვლილს დაზიანებები თავის არეში ჰქონდა მიყენებული. 

სომხეთის საგამოძიებო სამსახურის ინფორმაციით, ტაქსის მძღოლმა ქართველი წყვილი და მათი ერთი მეგობარი, ასევე საქართველოს მოქალაქე, სევანის ტბასთან მიიყვანა, სადაც ის წყვილმა ქვის ჩარტყმით მოკლა და გაძარცვა, ხოლო მეგობარი შემთხვევის მოწმე იყო.

გამოძიების ინფორმაციით, მანამდე, გასული წლის 13 იანვარს იგივე წყვილმა ერევანში 71 წლის ქალიც მოკლა და მისი კუთვნილი ძვირფასეულობა გაიტაცა.

სომხური მასმედია იუწყება, რომ დაკავებულთაგან ორს მკვლელობაში ედება ბრალი, ხოლო ერთს – მკვლელობის თანამონაწილეობაში.

სამივე ბრალდებულის საქმე სომხეთის პროკურატურაშია გადაგზავნილი.

 

203
სასამართლო

დაკავებული ექიმების საქმე: სასამართლოს გადაწყვეტილება ცნობილია

72
ქართველი ექიმები თბილისის ცენტრალური საავადმყოფოს დირექტორისა და ექიმების მხარდამჭერ აქციებს ატარებენ

თბილისი, 5 აგვისტო — Sputnik.  თბილისის საქალაქო სასამართლოს გადაწყვეტილებით, თბილისის ცენტრალური საავადმყოფოს დირექტორი გირაოს სანაცვლოდ გათავისუფლდა, ორი ექიმი კი განაჩენს საპატიმროში დაელოდება, იუწყება საზოგადოებრივი მაუწყებლის პირველი არხი.

საავადმყოფოს დირექტორი გიორგი ლობჟანიძე და ექიმი ვახტანგ ყიფიანი სამშაბათს დააკავეს. იმავე დღეს გენერალურმა პროკურატურამ ბრალი დაუსწრებლად წარუდგინა ანესთეზიოლოგ მაგდა ხოჭოლავას, რომელიც იტალიაში მუშაობს.

სასამართლოს გადაწყვეტილებით,  კლინიკის  დირექტორი გიორგი ლობჟანიძე საპატიმროს 100 ათასი ლარის ოდენობით გირაოს გადახდის შემდეგ დატოვებს, რაც შეეხება ხოჭოლავას, მას სასამართლომ დაუსწრებლად  პატიმრობა შეუფარდა. 

ექიმების საქმე ეხება ოპერაციას, რომელიც 2018 წელს ახალგაზრდა გოგონას ჩუტარდა. გოგონამ კლინიკას კონსულტაციისთვის მიმართა, ყიფიანი კი გოგონას დაპირდა, რომ გამოკვლევის შედეგებს იტალიაში გადააგზავნიდნენ.  ასევე მან პაციენტი დაარწმუნა, რომ ქირურგიულ ოპერაციას იტალიელი ექიმები ჩაუტარებდნენ. გოგონა დათანხმდა, ოპერაცია კი თავად ყიფიანმა, მაგდა ხოჭოლავას დახმარებით  ჩაატარა. მოგვიანებით მათ განმეორებით ჩაატარეს ოპერაცია, რომლის შემდეგაც გოგონა კომაში ჩავარდა.

გამოძიების ცნობით, ყიფიანს მსგავსი ოპერაციის ჩატარებისთვის კანონით გათვალისწინებული შესაბამისი კვალიფიკაცია არ ჰქონდა, ხოჭოლავას კი საერთოდ არ ჰქონდა ოპერაციებზე დაშვების უფლება, რადგანაც კონსულტანტად მუშაობდა. გარდა ამისა, ოპერაციის დროს მათ შეცდომები დაუშვეს, რამაც პაციენტის მდგომარეობა გაართულა.

რაც შეეხება კლინიკის დირექტორ გიორგი ლობჟანიძეს, გამოძიება  ბრალს სდებს იმაში, რომ მან არ გააკონტროლა ოპერაცია და არ შეამოწმა მედპერსონალის შესაბამისი ლიცენზიის არსებობის საკითხი.

ბრალდებებს კატეგორიულად არ ეთანხმებიან ექიმები, რომლებიც ბრალდებული კოლეგების მხარდამჭერ წერილებს აქვეყნებენ.

72
თემები:
შემთხვევები საქართველოში
მცხეთის სასამართლო

შაქარაშვილის გარდაცვალება: სასამართლოში  საქმის არსებითი განხილვა 18 აგვისტოს დაიწყება

57
სასამართლოს განაჩენის გამოტანამდე, ექვსივე არასრულწლოვანი ბრალდებული საპატიმროში რჩება – ბრალდებულთა ასაკის გამო სასამართლო სხდომები დახურული იქნება.

 

თბილისი, 5 აგვისტო  — Sputnik.  მცხეთის რაიონულ სასამართლოში  19 წლის გიორგი შაქარაშვილის გარდაცვალების საქმეზე დაკავებული არასრულწლოვნების საქმის არსებითი განხილვა 18 აგვისტოს გაიმართება, იუწყება საზოგადოებრივი მაუწყებლის პირველი არხი. 

მცხეთის რაიონული სასამართლო ექვსი არასრულწლოვნის მონაწილეობით ჩხუბის ორ ეპიზოდს განიხილავს. მათგან სამს ჯგუფური ძალადობის ორგანიზება და მასში მონაწილეობა, ერთს ჯგუფურ ძალადობაში მონაწილეობა, ორს კი ჯგუფური ძალადობის ორგანიზება და მონაწილეობა, ასევე თავისუფლების უკანონო აღკვეთა ედება ბრალად.

ექვსივე არასრულწლოვნის ვინაობა ცნობილია, მაგრამ გამოძიებას, კანონმდებლობის შეზღუდვებიდან გამომდინარე, მათი დასახელება არ შეუძლია. ამ დროისთვის ყველა მათგანი პატიმრობაშია.

დღევანდელ წინასასამართლო სხდომაზე მტკიცებულებების დასაშვებობის საკითხი განიხილეს.

დახურული პროცესების შემდეგ, ადვოკატებმა განაცხადეს, რომ მოსამართლემ ბრალდების მხარის შუამდგომლობების ნაწილი დაუშვებლად ცნო, მათ შორის იმ ნაწილში, რომელიც ეხებოდა ადვოკატების მტკიცებულებების დაუშვებლად ცნობას.

ასევე, მოსამართლემ დაუშვებლად ცნო ადვოკატების ის შუამდგომლობა, რომელიც პროკურატურის მტკიცებულებების დაუშვებლად ცნობას ეხება.

ახლა, საქართველოს კანონმდებლობის თანახმად, საქმის არსებითი განხილვის დროს მცხეთის რაიონული სასამართლო დაწვრილებით გაეცნობა ყველა მტკიცებულებას, მოუსმენს მოწმეებს და ამის შემდეგ გამოიტანს განაჩენს.

ბრალდებულთა ასაკის გამო სასამართლო სხდომები პრესისა და საზოგადოებისთვის დახურული იქნება.

არასრულწლოვნების საქმე

გამოძიების ცნობით, ხუთი არასრულწლოვანი მონაწილეობდა შაქარაშვილზე და მის მეგობრებზე მცხეთაში, აგარაკზე შურისძიების ორგანიზებაში.  

ამასთან, ექვსივე მონაწილეობდა ფეხბურთელთან და მის მეგობრებთნ ორ ჩხუბში თბილისი–მცხეთის გზაზე. მეორე ჩხუბის შემდეგ შაქარაშვილი უგზო-უკვლოდ გაუჩინარდა.

გიორგი შაქარაშვილის ცხედარი 22 ივნისს, ძებნიდან მეოთხე დღეს მდინარე არაგვში იპოვეს. ექსპერტიზამ დაადგინა, რომ ის მდინარეში დაიხრჩო, თუმცა მის სხეულზე სიცოცხლეში მიყენებული მრავლობითი დაზიანებები აღინიშნებოდა. ამ დროისათვის პოლიციას 17 ადამიანი ჰყავს დაკავებული, რომლებსაც ბრალად ედებათ ფეხბურთელის გაუჩინარების საღამოს მომხდარ სამ ჩხუბში მონაწილეობა.

პროკურატურა შაქარაშვილის დაღუპვის საქმეს იძიებს „დამამძიმებელ გარემოებებში განზრახ მკვლელობის“ მუხლით და სწავლობს ამ საქმეში ჩხუბში მონაწილე 11 სრულწლოვანის მონაწილეობას. ამასთან, გამომძიებლები არ გამორიცხავენ, რომ ამ მუხლით ბრალი წარედგინოთ არასრულწლოვან დაკავებულებსაც.

57
თემები:
19 წლის გიორგი შაქარაშვილის მკვლელობის საქმე
სავსე მთვარე

მთვარის კალენდარი: 6 აგვისტო რისი გაკეთება შეიძლება და რისი არა

0
(განახლებულია 17:40 05.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

6 აგვისტო, ხუთშაბათი. ამ დღეს იუპიტერი მართავს. კლებადი მთვარე თევზების ნიშანშია.

თევზების დღეები ადამიანებს დასვენებისა და შემოქმედებისთვის განაწყობს. ძლიერდება სენტიმენტალობა, ემოციურობა, ინტუიცია, მგრძნობელობა. შესანიშნავი დროა შემოქმედებითი ადამიანებისთვის, ქველმოქმედებისთვის, იურიდიული პრობლემების მოგვარებისთვის. შეიძლება სესხის აღება.

კარგი დღეა რომანტიკული ურთიერთობების დაწყებისთვის. ამ დროს გამძაფრებულია ინტუიცია, რაც ადამიანის ამოცნობას ხელს უწყობს.

რეკომენდებულია მშვიდად მუშაობა, ფინანსური საკითხების გადაწყვეტა, მნიშვნელოვანი საქმეების გადადება, ირგვლივ მყოფების მოსმენა, განსაკუთრებით დღის პირველ ნახევარში კონფლიქტების თავიდან არიდება, ადამიანებთან ურთიერთობებში მოქნილობა, ნიუანსებისადმი ყურადღება, ინდივიდუალური მუშაობა და არა გუნდური.

არარეკომენდებულია რთული პროექტების დაწყება, მოლაპარაკებების გამართვა, ზეგავლენის ქვეშ მოქცევა და ადამიანების წინადადებებზე დათანხმება, ზედმეტი აქტიურობა, დინების წინააღმდეგ წასვლა.

არასასურველია ამ დღეს მგზავრობა.

თმის შეჭრა, შეღებვა: არახელსაყრელი დღეა როგორც შეჭრის, ისე შეღებვისთვის. შეიძლება თმა დაზიანდეს, გაჩნდეს ქერტლი, გაიყოს თმის ბოლოები.

მთვარის კალენდარი მებაღეებისთვის: 2020 წლის აგვისტო>>

მებაღეობა: ხელსყრელი დღეა ბაღში მუშაობისთვის, კერძოდ, შეიძლება ნიახურის, ბოლქვიანების დათესვა, ხეებისა და კენკროვანების შეწამვლა, მორწყვა, სასუქის მიცემა, ოთახის მცენარეების დათესვა–დარგვა. არასასურველი დღეა მავნებლებთან ბრძოლისთვის, გასხვლისთვის.

0