დავით ბაგრატიონ-მუხრანელი საკუთარ ჯვრისწერაზე

საქართველოში დაბრუნებული დავით ბაგრატიონ-მუხრანელი შსს-ში დაიბარეს

144
ძალადობაში დადანაშაულებული თავადი შსს-ში მომდევნო კვირას გამოცხადდება.

თბილისი, 3 მაისი — Sputnik. დავით ბაგრატიონ-მუხრანელი ყოფილ მეუღლეზე ანა ბაგრატიონ-გრუზინსკიზე შესაძლო ძალადობის ფაქტზე შინაგან საქმეთა სამინისტრომ გამოკითხვაზე დაიბარა, იუწყება საზოგადოებრივი მაუწყებლის პირველი არხი.

როგორც ცნობილია, საქართველოს სამეფო გვარის ბაგრატიონ-გრუზინსკების წარმომადგენლებმა – ნუგზარ ბაგრატიონმა და მისმა ქალიშვილმა ანამ დავით ბაგრატიონ-მუხრანელს, ანას ყოფილ მეუღლეს, საქართველოს სამეფო სახლის სიმბოლიკის უკანონოდ გამოყენებაში დასდეს ბრალი და სასამართლოში უჩივლეს.

დავით ბაგრატიონ-მუხრანელმა და ანა ბაგრატიონ-გრუზინსკიმ 2009 წელს იქორწინეს. ქორწილი საზოგადოებრიობის ყურადღების ცენტრში მოექცა. ქართველმა მონარქისტებმა ქორწილი ისტორიულ მოვლენად შეაფასეს. ორი წლის შემდეგ წყვილს ვაჟი გიორგი შეეძინა. თუმცა დავითისა და ანას ოჯახურმა თანაცხოვრებამ დიდხანს არ გასტანა და 2013 წელს ისინი ერთმანეთს დაშორდნენ.

ანა ბაგრატიონმა პოლიციას ჩვენება მისცა და ყოფილი მეუღლე, თავად დავით ბაგრატიონ-მუხრანელს მათი საერთო შვილის თვალწინ ცოლის მიმართ ჩადენილ ძალადობაში დასდო ბრალი.

„დავით ბაგრატიონ-მუხრანელის ადვოკატმა დაუდასტურა სამართალდამცველებს, რომ საქართველოში იმყოფება ბაგრატიონი და დღეს მოხდა მისი ოფიციალურად დაბარება გამოკითხვაზე”, – განაცხადეს შინაგან საქმეთა სამინისტროში.

დავით ბაგრატიონ-მუხრანელის ადვოკატის, ლევან მახარაშვილის თქმით, მისი დაცვის ქვეშ მყოფი საგამოძიებო უწყებაში სავარაუდოდ, მომდევნო კვირას გამოცხადდება.

„ჯერ ნანახიც არ მყავს ბატონი დავითი. შევთანხმდებით ჩვენს სტრატეგიაზე და მივალთ გამოკითხვაზე”, – განაცხადა  ადვოკატი.

უნდა აღინიშნოს, რომ დავით ბაგრატიონ-მუხრანელი აპრილის დასაწყისში საქართველოდან ესპანეთში გაემგზავრა, რაც იმით ახსნა, რომ საზღვარგარეთ მცხოვრები დედამისის ჯანმრთელობის მდგომარეობა მკვეთრად გაუარესდა. თუმცა ეს გარემოება ანას ადვოკატმა ეჭვის ქვეშ დააყენა.

ამასობაში, სასამართლო დავის პარალელურად, მარტის ბოლოს, ანას ადვოკატებმა გამოაქვეყნეს ექსპერტიზის დასკვნა, რომლის თანახმადაც დავითმა გაყრის შემდეგ, 2014 წლის 9 მაისს, ყოფილ მეუღლეს სცემა.

საქართველოს შს სამინისტრომ გამოძიება „ძალადობის“ მუხლით დაიწყო. ბაგრატიონ-გრუზინსკის არაერთხელ მიუცია ჩვენება პოლიციაში და ყოფილი მეუღლე საერთო შვილის თვალწინ მასზე ფიზიკურ ანგარიშსწორებაში დაუდანაშაულებია.

 

144
თემები:
სკანდალი ბაგრატიონთა სამეფო ოჯახში (12)
არ გადაკვეთო დანაშაულის ადგილი

30 წლამდე მამაკაცმა მძინარე მამა და ბაბუა მოკლა

139
(განახლებულია 14:37 08.07.2020)
მკვლელობაში ეჭვმიტანილი პატიმრობიდან რამდენიმე დღის წინ გათავისუფლდა – მან მკვლელობისთვის 15 წელი მოიხადა.

თბილისი, 8 ივლისი — Sputnik. მცხეთაში ახალგაზრდა მამაკაცმა მამა და ბაბუა მოკლა, იუწყება საზოგადოებრივი მაუწყებლის „პირველ არხი“.

მეზობლების თქმით, მამაკაცმა მკვლელობა ორი დღის წინ, გვიან ღამით ჩაიდინა.

„ჩემი ინფორმაციით, მკვლელობა, სავარაუდოდ, გამთენიისას, 04:00 საათზე მოხდა. მამაკაცმა მძინარე მამა და ბაბუა მოკლა. მანამდე კონფლიქტი ჰქონდათ. ეს ბიჭი ციხიდან ოთხი დღის წინ გამოვიდა. 15 წელი მკვლელობისთვის იჯდა. ახლ დაახლოებით 30 წლისაა", – განაცხადა მეზობელმა მარიამ ტატიშვილმა.

შემთხვევის ადგილზე პოლიცია და ექსპერტ-კრიმინალისტები იყვნენ მობილიზებული. გარდაცვლილები პროზექტურაში ექსპერტიზაზე გადაასვენეს.

მომხდარ ფაქტთან დაკავშირებით გამოძიება „დამამძიმებელ გარემოებაში ორი ან მეტი პირის განზრახ მკვლელობის" მუხლით დაიწყო, რაც 16-დან 20 წლამდე ვადით ან უვადო პატიმრობას გულისხმობს.

პოლიცია მკვლელობაში ეჭვმიტანილს ეძებს, რომელიც ამჟამად გაქცეულია.

139
თემები:
კრიმინალი საქართველოში
სასტუმრო Radisson Collection წინანდალში

კახეთში ხუთვარსკვლავიან სასტუმროში ხანძარი გაჩნდა

96
(განახლებულია 13:24 08.07.2020)
სასწრაფოდ განახორციელეს სასტუმროს სტუმრებისა და პერსონალის ევაკუაცია. მეხანძრეები ამ ეტაპზე ცეცხლის სალიკვიდაციო სამუშაოებს ასრულებენ.

თბილისი, 8 ივლისი – Sputnik. ხანძარი წინანდლის ხუთვარსკვლავიან სასტუმრო Radisson Collection-ში ლოკალიზებულია, დაშავებულები არ არიან, ნათქვამია საქართველოს შსს-ს საგანგებო სიტუაციების სამსახურის განცხადებაში.

ხანძარი სასტუმროში შუაღამისას გაჩნდა. წინასწარი ინფორმაციით, ცეცხლი შენობის მეოთხე სართულზე, საუნის ტერიტორიაზე გაჩნდა. დროულად განხორციელდა სასტუმროს ყველა დამსვენებლისა და პერსონალის ევაკუაცია.

ხანძრის ჩაქრობაში მონაწილეობდა ტექნიკის ექვსი ერთეული და სამსახურის 25 თანამშრომელი.

ცეცხლის ლოკალიზება მეხანძრეებმა მალე შეძლეს. ამჟამად მიმდინარეობს ხანძრის სრული ლიკვიდაციის სამუშაოები.

96
თემები:
შემთხვევები საქართველოში
სავსე მთვარე

როგორ მოქმედებს ყველაზე მისტიკური ფაზა - სავსემთვარეობა ზოდიაქოს ნიშნებზე

0
(განახლებულია 15:31 07.07.2020)
მთვარის ფაზები ადამიანებზე მათი დაბადების თარიღის მიხედვით ახდენს გავლენას. რაში გამოიხატება ეს გავლენა და როგორ უნდა მოიქცეს ზოდიაქოს თითოეული ნიშანი თვის ყველაზე მისტიკურ პერიოდში, რათა ცხოვრებაში წარმატება მოიზიდოს

მთვარე სხვა პლანეტებთან შედარებით ყველაზე ძლიერ გავლენას ახდენს ადამიანებზე.

არსებობს მთვარის ოთხი ძირითადი ფაზა - ახალმთვარეობა, სავსემთვარეობა, ზრდის ფაზა და კლების ფაზა. თითოეულ ფაზას თავისი ენერგეტიკა აქვს. ოთხივე ფაზა ძალზე მნიშვნელოვანია, თითოეული თავისებურად კარგია და თავისებურად - საშიში, ამიტომ ამ ფაზების შესახებ ყველაფერი უნდა ვიცოდეთ.

ერთგვარ კულმინაციებს წარმოადგენს ახალმთვარეობა და სავსემთვარეობა. ამჯერად წარმოგიდგენთ სავსემთვარეობის გავლენას ზოდიაქოს ნიშნებზე.

ვერძი

ვერძებისთვის ძალზე მნიშვნელოვანია, რომ მისი დამსახურებები აღიარონ. სავსემთვარეობა იდეალური დროა დიდი პროექტების დასასრულებლად, გარშემომყოფები ამას დააფასებენ.

კურო

სავსემთვარეობა კუროებისთვის კარგი დროა იმისთვის, რომ თვე შეაჯამოთ. დაფიქრდით, რომელ საქმეებში გაამართლა თქვენმა ძალისხმევამ და შემდეგ გაინებივრეთ და დააჯილდოეთ თავი რამე სასიამოვნოთი.

ტყუპი

სცადეთ და რამე ახალი აითვისეთ, იქნება ეს სამუშაო უნარები თუ ჰობი. სავსე მთვარე დაგეხმარებათ იმ საქმის მოძებნაში, რომელიც გულწრფელად მოგიტანთ სიამოვნებას, კმაყოფილებას და, შესაძლოა, მოგებასაც.

კირჩხიბი

სავსემთვარეობის ენერგია კირჩხიბებს გაძლევთ საშუალებას, რომ თავი უფრო მეტად ალტრუისტად და გულუხვად იგრძნოთ. ეს იდეალური დროა მეგობრების, ახლობლებისა და უცნობების დასახმარებლადაც კი. უკან გაასმაგებული სიკეთე დაგიბრუნდებათ.

ლომი

სავსემთვარეობისას ლომების ენერგია პიკს აღწევს. მაგრამ სიფრთხილეა საჭირო: ხდებით ძალზე ემოციური და შეიძლება სპონტანური (ხანდახან გიჟურიც კი) გადაწყვეტილებები მიიღოთ. ეცადეთ, ყველაფერს ფხიზლად შეხედოთ, სხვაგვარად შემდეგი რამდენიმე დღე, შესაძლოა, იმედგაცრუებული იყოთ.

ქალწული

სავსემთვარეობის პერიოდში ქალწულების სურვილი, რომ ცხოვრება მოაწესრიგოთ, პიკს აღწევს. ეს მშვენიერი დროა, რომ განალაგოთ პრიორიტეტები, განსაზღვროთ უახლოესი პერიოდის ცხოვრებისეული ამოცანები.

სასწორი

ზოდიაქოს ბევრი ნიშნისთვის სავსე მთვარე - ეს ფანტაზიისა და შემოქმედებითი უნარების გახსნის დროა. ამ მხრივ გამონაკლისს არც სასწორები წარმოადგენენ. და თქვენთვის შემოქმედებითი ენერგიის გამოყენების საუკეთესო ხერხი არა ლექსების წერა და ხატვაა (თუმცა, არც ესაა გამორიცხული), არამედ არსებული პრობლემების გადაჭრის ახალი და არასტანდარტული გადაწყვეტილებების მოძებნაა.

მორიელი

მორიელები არ ხართ სენტიმენტალური ადამიანები, რომანტიკისადმი მიდრეკილი და ყველას მოსიყვარულე, მაგრამ სავსემთვარეობის დროს ეს გრძნობები წინა პლანზე გამოდის. თუ ელოდებით იდეალურ დროს, რომ საყვარელ ადამიანს რამე მნიშვნელოვანი უთხრათ, სწორედ რომ შესაფერისი დრო სავსე მთვარის პერიოდია.

მშვილდოსანი

მშვილდოსნების ცხოვრებით ტკბობის უნარი სავსე მთვარის პირობებში სრულიად ახალ დონეზე ადის. იწყებთ მძლავრი პოზიტიური ენერგიის გამოსხივებას, რომელიც მრავალ ადამიანს იზიდავს თქვენ გარშემო. ისღა დაგრჩენიათ, რომ ეს ყოველივე გამოიყენოთ.

თხის რქა

როგორც ცნობილია, თხის რქები იმდენად ხართ საკუთარ მიზანზე „ჩაციკლული", რომ მთლიანად ჩაეფლათ რუტინაში. სავსემთვარეობის დროს გაქვთ მოვლენების მსვლელობის შეცვლის შანსი. კარგი იქნება, თუ დროებით გვერდზე გადგებით და მიღწეულ შედეგებს გადახედავთ, შემდეგ მიულოცავთ საკუთარ თავს გამარჯვებებს და დამსახურებული უქმეებით ისიამოვნებთ.

მერწყული

სავსემთვარეობის დღეებში მერწყულებს საკუთარი მიღწევების აღიარების დიდი სურვილი გეძალებათ. ეს მშვენიერი დროა იმისთვის, რომ გარშემომყოფებს აჩვენოთ ყველაფერი, რასაც მიაღწიეთ და იამაყოთ საკუთარი თავით.

თევზები

სავსემთვარეობის პერიოდში თევზებში სხვა ადამიანებთან ემოციური კავშირის გრძნობა მატულობს. ხდებით უფრო კეთილი გარშემომყოფების მიმართ. მთავარია, გრძნობებთან დაკავშირებით არ "გადაამლაშოთ", რადგან, როგორც წესი, ნებისმიერი წვრილმანი ადვილად გწყინთ.

0