დაკავება

კვლავ Liberty bank-ი: ჩასარიცხი აპარატის გაქურდვის მცდელობისას 30 წლის მამაკაცი დააკავეს

74
(განახლებულია 13:58 16.04.2019)
ბრალის დამტკიცების შემთხვევაში მამაკაცს ოთხიდან შვიდ წლამდე ვადით თავისუფლების აღკვეთა ემუქრება.

თბილისი, 16 აპრილი — Sputnik. სამართალდამცველებმა თბილისში ქურდობის მცდელობის ბრალდებით 30 წლის მამაკაცი დააკავეს, აღნიშნულია საქართველოს შინაგან საქმეთა სამინისტროს მიერ გავრცელებულ განცხადებაში.

უწყების ცნობით, ბრალდებული ფონიჭალაში იმ დროს დააკავეს, როდესაც იგი Liberty bank-ის („ლიბერთი ბანკი") ჩასარიცხი აპარატის გაქურდვას ცდილობდა.

გამოძიება საქართველოს სსკ-ის 19-177-ე მუხლის მესამე ნაწილით მიმდინარეობს, რაც ქურდობის მცდელობას გულისხმობს. ჩადენილი დანაშაული ოთხიდან შვიდ წლამდე ვადით თავისუფლების აღკვეთას ითვალისწინებს.

74
თემები:
კრიმინალი საქართველოში (278)