Скорая медицинская помощь 112

მტკვარმა 27 წლის მამაკაცის ცხედარი გამორიყა

166
ახალგაზრდა მამაკაცს მაშველები ერთი კვირის განმავლობაში ეძებდნენ.

თბილისი, 16 აპრილი — Sputnik. მტკვარმა 27 წლის მამაკაცის ცხედარი გამორიყა, იუწყება ტელეკომპანია Rustavi2.

შემთხვევა გუშინ, გვიან ღამით მოხდა.

მამაკაცს მაშველები ერთ კვირაზე მეტია ეძებდნენ. გავრცელებული ინფორმაციით, მან, სავარაუდოდ, თავი მოიკლა.

თვითმხილველმა დაინახა, როგორ გადახტა მამაკაცი მტკვარში და აღნიშნული ინფორმაცია საგანგებო სიტუაციების მართვის სამსახურს შეატყობინა.

ცხედარი გვიან ღამით ექსპერტიზაზე გადაასვენეს.

მომხდარ ფაქტზე გამოძიება საქართველოს სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს, რაც ისჯება თავისუფლების სამ წლამდე ვადით შეზღუდვით, ან ორიდან ოთხ წლამდე პატიმრობით.

166
თემები:
შემთხვევები საქართველოში (113)