მეხანძრე

ფერმერებს მინდვრებზე ნარჩენების დაწვისას სიფრთხილისკენ მოუწოდებენ

97
(განახლებულია 10:09 15.04.2019)
მოსახლეობას მოუწოდებენ, არ შეუქმნან საფრთხე სოფლებს, მინდვრებსა და ტყის მასივებს მინდორში გასული წლის მოსავლის ნარჩენების დაწვის დროს.

თბილისი, 15 აპრილი — Sputnik. საქართველოს შსს-ს საგანგებო სიტუაციების მართვის სამსახური მოსახლეობას მოუწოდებს, ფრთხილად იყვნენ ნარჩენების დაწვისას საკუთარ სასოფლო-სამეურნეო დანიშნულების მიწების დასუფთავების დროს.

„ბოლო პერიოდში გახშირდა შემთხვევები, როდესაც მოქალაქეები საკუთარ სასოფლო-სამეურნეო დანიშნულების მიწებზე ტერიტორიის დასუფთავების მიზნით წინა წლის მოსავლის ნარჩენებს წვავენ. ასევე ხშირად მოქალაქეები ვეღარ აკონტროლებენ ვითარებას და ხანძარი მასშტაბურ ტერიტორიებზე ვრცელდება", – ნათქვამია სამსახურის განცხადებაში.

დოკუმენტში აღნიშნულია, რომ დაფიქსირდა შემთხვევები, როდესაც ძლიერი ცეცხლის დროს სახანძრო-სამაშველო ბრიგადების გამოძახება დაგვიანებით ხდება.

ხანძარი სოფელ მშვიდობაურში - დამწვარია 30 ჰექტრამდე ფართობი>>

საგანგებო სიტუაციების მართვის სამსახური მოქალაქეებს მოუწოდებს, მეტი სიფრთხილე და პასუხისმგებლობა გამოიჩინონ, რათა ასეთ შემთხვევებში არ შეუქმნან საფრთხეს ახლოს მდებარე დასახლებულ პუნქტებს, მინდვრებსა და ტყის მასივებს.

97
თემები:
შემთხვევები საქართველოში (644)