საპატრულო პოლიცია

თელავის უნივერსიტეტის ეზოში 25 წლის მამაკაცი დაჭრეს

156
(განახლებულია 15:40 10.04.2019)
შემთხვევის ადგილზე მუშაობენ ექსპერტ-კრიმინალისტები და მიმდინარეობს საგამოძიებო მოქმედებები.

თბილისი, 10 აპრილი — Sputnik. იაკობ გოგებაშვილის სახელობის თელავის სახელმწიფო უნივერსიტეტის ეზოში აგრარულ მეცნიერებათა ფაკულტეტის მაგისტრანტი დაჭრეს, იუწყება ტელეკომპანია Rustavi 2.

შემთხვევა დღეს, დაახლოებით 14:00 საათზე მოხდა.

გავრცელებული ინფორმაციით, 25 წლის ავთო კიკნაძეს ცეცხლსასროლი იარაღიდან მაშინ ესროლეს, როცა მან უნივერსიტეტის შენობასთან ავტომობილი გააჩერა. ბოროტმოქმედი შემთხვევის ადგილიდან მიიმალა.

დაჭრილი ახალგაზრდა მამაკაცი საავადმყოფოში გადაიყვანეს. ადგილზე მუშაობენ ექსპერტ-კრიმინალისტები და მიმდინარეობს საგამოძიებო მოქმედებები.

გამოძიება დაწყებულია სსკ-ის 117-ე მუხლით, რაც ჯანმრთელობის განზრახ მძიმე დაზიანებას გულისხმობს, რაც ითვალისწინებს სამიდან ექვს წლამდე ვადით თავისუფლების აღკვეთას.

 

156
თემები:
შემთხვევები საქართველოში (353)