თბილისი, 8 აპრილი — Sputnik. შინაგან საქმეთა სამინისტროს თანამშრომლებმა ჯგუფურად ჩადენილი გამოძალვის ბრალდებით ხუთი პირი დააკავეს, ნათქვამია უწყების მიერ გავრცელებულ განცხადებაში.
დაკავებულთა ასაკი 25-დან 35 წლამდეა.
„გამოძიებით დადგინდა, რომ დაკავებულები ბათუმში მდებარე ორ კლუბში მოკვლით და ჯანმრთელობის დაზიანების მუქარით უცხო ქვეყნის მოქალაქეებს სისტემატურად სთხოვდნენ არარსებული მენიუს საფასურს და შეუსაბამოდ დიდ თანხას ახდევინებდნენ", – აღნიშნულია განცხადებაში.
გავრცელებული ინფორმაცით, ბრალდებულებმა რვა ტურისტს 2 100 ევრო, 5 123 ლარი და 10 800 თურქული ლირა გამოსძალეს.
გამოძიება დაწყებულია სსკ-ის 181-ე მუხლის მეორე ნაწილით, რაც ჯგუფურად ჩადენილ გამოძალვას გულისხმობს და ითვალისწინებს ოთხიდან შვიდ წლამდე ვადით პატიმრობას.
