თბილისი, 22 მარტი — Sputnik. კოსტავას ქუჩაზე სასტუმრო „გუცა" იწვის, იუწყება საგანგებო სიტუაციების მართვის სამსახური.
ხანძარი რამდენიმე წუთის წინ შენობის სახურავზე გაჩნდა. ადგილზე 11 სახანძრო-სამაშველო ბრიგადაა მობილიზებული.
წინასწარი ინფორმაციით, ხანძრის შედეგად 250 კვადრატული მეტრი ფართობი დაიწვა.
შემთხვევის შედეგად დაშავებულები არ არიან. ამ დროისთვის უცნობია ხანძრის გამომწვევი მიზეზი.
როგორც უწყებაში აცხადებენ ხანძარი უკვე ლოკალიზებულია.
