ორთაჭალაში მშენებლობა შეჩერდა - დაღუპულია ორი მუშა

© photo: Sputnikმშენებლობა
მშენებლობა - Sputnik საქართველო
გამოწერა
სამშენებლო ობიექტზე შემოწმების დროს აღმოჩენილოა დარღვევები

თბილისი, 17 მარტი - Sputnik. ორთაჭალაში მდებარე სამშენებლო ობიექტზე, საიდანაც სამი ადამიანი ჩამოვარდა, მშენებლობის პროცესი შეაჩერეს, იუწყება ჯანდაცვის სამინისტროს შრომის პირობების ინსპექტირების დეპარტამენტი.

უბედური შემთხვევა 16 მარტს მოხდა კომპანია „ემ.ჯი ალიანსის“ სამშენებლო ობიექტზე. დაღუპულია ორი დასაქმებული. ერთი ადგილზე დაიღუპა, მეორე კი „ამტელ ჰოსპიტალში“ გადაიყვანეს, თუმცა მისი გადარჩენა ვერ მოხერხდა. მესამე დაშავებული მართვით სუნთქვაზე იმყოფება.

შემთხვევის ადგილი - Sputnik საქართველო
ნუცუბიძის მეოთხე პლატოზე მშენებარე კორპუსიდან მამაკაცი გადმოვარდა

საცხოვრებელი კორპუსის მშენებლობისას დასაქმებულები შენობის გარე სარემონტო სამუშაოებს ახორციელებდნენ დაკიდული ხარაჩოს მეშვეობით, რა დროსაც მოწყდა ბაგირი და მასზე მდგომი სამი მუშა სიმაღლიდან ჩამოვარდა.

მომხდარზე დაწყებულია სისხლის სამართლის გამოძიება.

ჯანდაცვის სამინისტროს შრომის პირობების ინსპექტირების დეპარტამენტმა უბედური შემთხვევის მოკვლევის მიზნით დაიწყო ობიექტის შემოწმება. ინსპექტირების პროცესში გამოვლენდა კრიტიკული შეუსაბამობები, რის გამო დეპარტამენტმა სამშენებლო პროცესი შეაჩერა.

დეპარტამენტი მოუწოდებს დამსაქმებლებს, უზრუნველყონ დასაქმებულთა სიცოცხლისა და ჯანმრთელობის დაცვის მიზნით „შრომის უსაფრთხოების შესახებ“ საქართველოს ორგანული კანონითა და საქართველოს მთავრობის ტექნიკური რეგლამენტებით განსაზღვრული ვალდებულებების ჯეროვანი შესრულება.

დეპარტამენტი აგრძელებს მოკვლევის პროცედურებს.

არ გადაკვეთო! - Sputnik საქართველო
შარტავას ქუჩაზე მშენებარე კორპუსის ლიფტის შახტში მუშა ჩავარდა და დაიღუპა

საქართველოში ბოლო დროს შრომის უსაფრთხოების პრობლემა გამწვავებულია. საქართველოს პროფკავშირების გაერთიანების მონაცემებით, 2018 წელს სამუშაო ადგილებზე საწარმოო ტრავმების შედეგად დაიღუპა 39 და მძიმედ დაშავდა 37 ადამიანი.

გასული წლის 1 აგვისტოდან ამოქმედდა კანონი „შრომის უსაფრთხოების შესახებ", რომელიც ითვალისწინებს შრომის უსაფრთხოების სტანდარტებისა და კონტროლის სისტემის შექმნას, რათა თითოეული ადამიანი სამუშაო ადგილზე თავს უსაფრთხოდ გრძნობდეს. კანონი ასევე ითვალისწინებს ჯარიმებს უსაფრთხოების ნორმების დარღვევისთვის.

ყველა ახალი ამბავი
0