3 500 დოლარად დასაქმება შინაგან საქმეთა სამინისტროში – დაკავებულია ერთი პირი

© photo: Sputnik / Mikhail Voskresensky / გადასვლა მედიაბანკშიდაკავება
დაკავება - Sputnik საქართველო
გამოწერა
ბრალდებულმა მოქალაქეს წინასწარ მოსთხოვა და გამოართვა თანხის ნაწილი, რა დროსაც ის პოლიციამ დააკავა.

თბილისი, 11 მარტი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა მართლსაწინააღმდეგო მისაკუთრების მიზნით სხვისი ქონების მოტყუებით დაუფლების მცდელობის ფაქტზე ერთი პირი დააკავეს, ნათქვამია უწყების მიერ გავრცელებულ განცხადებაში.

საკანი - Sputnik საქართველო
ქალების თაღლითური ბანდა – 5 ათას ლარად ბინა თბილისში

გამოძიებით დადგინდა, რომ ბრალდებული ერთ-ერთ მოქალაქეს დაუკავშირდა და დაარწმუნა, რომ 3,5 ათასი დოლარის სანაცვლოდ მის დასაქმებას სხვადასხვა საჯარო სამსახურში, მათ შორის, შინაგან საქმეთა სამინისტროში მაღალანაზღაურებად თანამდებობაზე შეძლებდა.

ბრალდებულმა მოქალაქეს წინასწარ მოსთხოვა და გამოართვა თანხის ნაწილი – 2 ათასი დოლარი, რა დროსაც ის პოლიციამ დააკავა.

მომხდარ ფაქტზე გამოძიება საქართველოს სისხლის სამართლის კოდექსის 180-ე მუხლის („თაღლითობა“) მეორე ნაწილით მიმდინარეობს, რაც სასჯელის სახით ოთხიდან შვიდ წლამდე ვადით თავისუფლების აღკვეთას ითვალისწინებს.

 

ყველა ახალი ამბავი
0