TBC bank-ის მთავარი ოფისი

სკანდალური წერილის ისტორია: გზავნილის წარმოშობის ვერსიები

231
(განახლებულია 17:51 10.03.2019)
ჟურნალისტებმა დაადგინეს, ვინ გადასცა წერილი ხაზარაძეს, თუმცა მათთვის უცნობი დარჩა, როგორ მოხვდა ის შუამავალთან

თბილისი, 10 მარტი - Sputnik. სკანდალური წერილის საქმეში შს მინისტრ გიორგი გახარიასა და „თიბისი ბანკის“ დამფუძნებელ მამუკა ხაზარაძეს შორის შუამავლის როლი ბანკირის პარტნიორმა და ბანკის საქმის ფიგურანტმა ბადრი ჯაფარიძემ შეასრულა, იუწყება ტელეარხი Rustavi 2 საკუთარ წყაროებზე დაყრდნობით.

ხაზარაძემ ღიად დაადანაშაულა გახარია მუქარებში საპრეზიდენტო არჩევნების მეორე ტურის წინ, რომელიც 2018 წლის 28 ნოემბერს გაიმართა. მან სკანდალური განცხადება გააკეთა ორშაბათს, TBC Bank-ის გარშემო მომხდარი მოვლენების თაობაზე გამართულ საკომიტეტო მოსმენაზე.

მას შემდეგ, რაც საქმის შესწავლა პროკურატურამ დაიწყო, ხაზარაძეს „გახარიას წერილის“ წარმოდგენა სთხოვეს, მაგრამ მან უარი თქვა და განაცხადა, რომ ორიგინალი ლონდონში ექსპერტიზაზეა გაგზავნილი. მან გამომძიებლებს მხოლოდ ასლი გადასცა. ტექსტიდან გამომდინარე, ხაზარაძისგან ოფიციალური განცხადების გაკეთებას მოითხოვდნენ, რომ მისთვის ყოფილი მმართველი პარტია „ერთიანი ნაციონალური მოძრაობის“ რევანში მიუღებელია და სხვა ბიზნესმენებისთვის გაერთიანებისკენ და ერთიანი მოქმედებებისკენ მოეწოდებინა.

მსგავსი განცხადება ხაზარაძემ საპრეზიდენტო არჩევნების წინ მართლაც გააკეთა და აღნიშნა, რომ ახლა რევანშის დრო არ არის.

ტელეარხ Rustavi 2-ის ვერსიით, ხაზარაძეს წერილი ჯაფარიძემ გადასცა, მაგრამ მან საიდან მიიღო ის, გაუგებარი რჩება.

ახალი სკანდალი TBC Bank-ის ირგვლივ - დაწერა თუ არა გახარიამ მუქარის წერილი >>

ტელეარხის ერთ-ერთი წყაროს ვერსიით, ჯაფარიძეს წერილი პირადად გახარიამ თავის კაბინეტში გადასცა, მეორე წყაროს ვერსიით - ავტოფარეხში.

თავად ჯაფარიძე ტელეარხის მიერ გავრცელებულ ინფორმაციაზე კომენტარს არ აკეთებს.

ხაზარაძე ამტკიცებს, რომ წერილის ორიგინალი ლონდონში ექსპერტიზაზეა გადაგზავნილი და როგორც კი ის დასრულდება, პროკურატურა მას მიიღებს. თავად შს მინისტრი გახარია ბანკირის განცხადებებს ჭორები უწოდა.

ТВС-ს საქმე

ТBC Bank-ი საზოგადოების ყურადღების ცენტრში იანვრის დასაწყისიდან მოექცა.

ხაზარაძე და TBC Bank-ში მისი ყოფილი მოადგილე ბადრი ჯაფარიძე 17 მილიონი დოლარის გათეთრების საქმეში ფიგურირებენ. ის, რომ პროკურატურა სწავლობდა 2008 წელს ჩატარებულ ერთ-ერთ საბანკო ოპერაციას, მიმდინარე წლის იანვარში გახდა ცნობილი. თებერვლის შუა რიცხვებში საქართველოს ეროვნულმა ბანკმა ხაზარაძესა და ჯაფარიძეს ხელმოწერის უფლება ჩამოართვა და ბანკის სამეთვალყურეო საბჭოს მათი გარიცხვისკენ მოუწოდა, რასაც საფუძვლად დაუდო 2007-2008 წლების ტრანზაქციებთან დაკავშირებული დარღვევები.

„თიბისი ბანკის“ საქმემ ქვეყნის პოლიტიკურ წრეებში დიდი აჟიოტაჟი გამოიწვია. ოპოზიციამ საქართველოს ხელისუფლება ბიზნესზე ზეწოლაში დაადანაშაულა. მმართველმა პარტიამ, „ქართულმა ოცნებამ - დემოკრატიულმა საქართველომ“, თავის მხრივ, განაცხადა, რომ საჭიროა, ყველა გამოძიების შედეგებს დაელოდოს.

„თიბისი ბანკი“ 1992 წელს დაფუძნდა და ამჟამად ქვეყნის უმსხვილესი ბანკია. TBC Bank Group PLC ლონდონში 2017 წელს შეიქმნა და მისმა აქციებმა ლონდონის საფონდო ბირჟის პრემიუმ-სეგმენტის ლისტინგი გაიარეს.

„თიბისი ბანკის“ მიერ ხუთშაბათს გამოქვეყნებული ანგარიშის თანახმად, ბანკის აქტივებმა 2018 წლის 31 დეკემბრისთვის 15 მილიარდ ლარს გადააჭარბა, რაც საქართველოს საბანკო სისტემის აქტივების საერთო მოცულობის 38,2%-ს შეადგენს. ბანკის აქტივები ქვეყნის საბანკო სისტემის საბანკო კრედიტების საერთო მოცულობის 38,8%-ს და დეპოზიტების საერთო მოცულობის 41,2%-ს შეადგენს.

231
თემები:
სკანდალი TBC BANK–ის წინააღმდეგ (58)
თბილისის ინფექციური საავადმყოფო

თავსხმა წვიმამ თბილისის ინფექციური საავადმყოფოს ერთ-ერთი შენობა დატბორა

56
თბილისის ინფექციური საავადმყოფოს ისედაც გაპარტახებული და ამორტიზებული შენობა სტიქიამ კიდევ უფრო დააზიანა

თბილისი, 25 მაისი - Sputnik. თავსხმა წვიმამ თბილისის ინფექციური საავადმყოფოს ადმინისტრაციული შენობა დატბორა, იუწყება ტელეარხი Rustavi2.

წვიმა, სეტყვა, წყალდიდობა – საქართველოში უამინდობა გრძელდება >>

წყალმა შენობაში დაზიანებული სახურავიდან შეაღწია. კლინიკის პერსონალის თქმით, დატბორვა მათ სრულფასოვან მუშაობას უშლის ხელს. მედიკოსების თქმით, მათ აუცილებლად სჭირდებათ სხვა შენობაში გადასვლა, წინააღმდეგ შემთხვევაში, მსგავსი პრობლემების გამო კლინიკა ნორმალურად მუშაობას ვერ გააგრძელებს.

„განა შეიძლება, რამდენჯერაც გაწვიმდება, იმდენჯერ ქვეყნის ერთ-ერთი ყველაზე მნიშვნელოვანი დაწესებულება და მისი სერვერი დაიტბოროს და ჩვენ წყალდიდობის პირობებში მუშაობა გვიწევდეს?!“, - განაცხადა საავადმყოფოს აღმასრულებელმა დირექტორმა შოთა გოგიჩაიშვილმა.

ტერიტორია, რომელზეც კლინიკა მდებარეობს, 2009 წელს გაიყიდა. ის კომპანია „ავერსი-ფარმამ“ შეიძინა. ამის შემდეგ ცენტრის თანამშრომლებს არაერთხელ დაუჩივლიათ, რომ პაციენტების სამკურნალოდ სათანადო ინფრასტრუქტურა არ გააჩნიათ და ვერც შენობას არემონტებენ, ვინაიდან ის კერძო მფლობელობაშია. ობიექტი იმ პირობით გაიყიდა, რომ ინფექციური საავადმყოფო ახალ ფართსა და შენობას მიიღებდა, მაგრამ მას შემდეგ წლები გავიდა, დაპირება კი დაპირებად დარჩა - ცენტრი იძულებულია ძველ ადგილზე უუფლებოდ დარჩეს.

სტიქია რაჭაში: ადიდებულმა მდინარემ გზა დატბორა >>

ინფექციური საავადმყოფოს კოლექტივმა არაერთხელ გამართა საპროტესტო აქცია. 2019 წლის ნოემბერში ისინი „ავერსის“ მიერ ტერიტორიაზე ერთ-ერთი შენობის დემონტაჟის წინააღმდეგ გამოვიდნენ.

ამჟამად ინფექციური საავადმყოფო საყოველთაო ყურადღების ცენტრშია - სწორედ მან დაიწყო კორონავირუსით ინფიცირებულთა მიღება და დღემდე ქვეყანაში COVID-19-ის მკურნალობის ფლაგმანია.

56
თემები:
შემთხვევები საქართველოში
შოთა არველაძე

შოთა არველაძემ ბასილაშვილს მხარდაჭერა გამოუცხადა

52
საქართველოს უძლიერესი ჩოგბურთელი ყოფილ მეუღლეზე თავდასხმის ბრალდებით დააკავეს და მას აღკვეთის ღონისძიების სახით 100 ათას ლარიანი გირაო შეეფარდა

თბილისი, 25 მაისი – Sputnik. საქართველოს ფეხბურთის ნაკრების საუკეთესო ბომბარდირმა, ახლა კი ტაშკენტის „პახტაკორის“ მთავარმა მწვრთნელმა შოთა არველაძემ სოციალურ ქსელში მხარი დაუჭირა საქართველოს ნომერ პირველ ჩოგბურთელს, ნიკოლოზ ბასილაშვილს, რომელსაც ბრალი ოჯახურ ძალადობაში ედება.

„ჩემი ბუნებით, ხასიათით და პრინციპებით, ყოველთვის, ყველანაირი ძალადობის წინააღმდეგი ვარ - განსაკუთრებით ქალების მიმართ, რომლებიც ჩვენს ცხოვრებას ალამაზებენ. ნიკოლოზ ბასილაშვილი ძალიან დიდი, მოქმედი ქართველი სპორტსმენია, რომელმაც პირადად მე და მის ათასობით გულშემატკივარს, არაერთხელ მოგვცა სიამაყის საფუძველი. არ ვიცნობ პირადად, მაგრამ, მინდა ამ რთულ მომენტში მხარდაჭერა გამოვუცხადო“, - დაწერა არველაძემ თავის Facebook-გვერდზე.

ნიკოლოზ ბასილაშვილი 22 მაისს დააკავეს. პროკურატურის ინფორმაციით, 21 მაისს თბილისში, ავჭალის დასახლებაში ბასილაშვილმა ურთიერთშელაპარაკების ნიადაგზე ყოფილი მეუღლის მიმართ ფიზიკური ძალადობა განახორციელა. სისხლის სამართლის საქმეზე გამოძიება 126-ე პრიმა მუხლის მეორე ნაწილით მიმდინარეობს.

გავრცელებული ინფორმაციით, საქართველოს ნომერ პირველი ჩოგანი მას შემდეგ დააკავეს, რაც ბასილაშვილი და მისი მამა ჩოგბურთელის ყოფილ ცოლს ფიზიკურად გაუსწორდნენ. ამ ფაქტს შეესწრო მათი არასრულწლოვანი შვილიც.

ნიკოლოზ ბასილაშვილი და მისი მეუღლე ნეკა დოროყაშვილი ერთმანეთს დაახლოებით ერთი წლის წინ დაშორდნენ, თუმცა ამაზე ოფიციალურად არც ერთს არ უსაუბრია.

ბასილაშვილი - მსოფლიოს 27-ე ჩოგანი, АТР-ს სერიის სამი ტურნირის გამარჯვებულია. თავის კარიერაში 28 წლის ჩოგბურთელმა თითქმის 5,5 მილიონი დოლარი გამოიმუშავა, აქედან 343 ათასი - ამ სეზონზე.

52
თემები:
გახმაურებული სასამართლო პროცესები
მისტიკა

ზოდიაქოს ნიშნები, რომლებსაც მომავლის განჭვრეტის უნარი გააჩნიათ

0
(განახლებულია 15:08 25.05.2020)
ასტროლოგები გამოყოფენ ზოდიაქოს ოთხ ნიშანს, რომელთა წარმომადგენლებს სხვებზე ხშირად შეუძლიათ მომავლის წინასწარმეტყველება და ცხოვრების სხვადასხვა სფეროში მოახლოებული ცვლილებების შეგრძნება

თითოეულ ადამიანს აქვს თავისი უნიკალური თვისება და ნიჭი. ზოდიაქოს ამ ოთხ ნიშანს შესწევს უნარი, შეაფასოს მომავალი და პროგნოზები გააკეთოს.

ქალწული

ქალწულები ერთ–ერთი ყველაზე ბრძენი ხალხია. მათი წინასწარ განჭვრეტის უნარი აუხსნელ წინათგრძნობებს ეფუძნება. ხანდახან ეს ცხოვრებისეული გამოცდილებაა, ხანდახან კი, უბრალოდ, გამართლება და ინტუიცია. ასეა თუ ისე, ქალწულებს ვარსკვლავები ხშირად ეხმარებიან მოვლენების ჰორიზონტს მიღმა მზერაში.

ქალწულები უკვე ბავშვობიდან ამბობენ ხშირად: „ხომ ვამბობდი“, რაც ასე არ უყვართ გარშემომყოფებს. იქმნება შეგრძნება, რომ ამ ადამიანებმა ისეთი რამ იციან, რაც სხვა არავინ იცის. ანტენასავით არიან, რომელიც სამყაროს გასაიდუმლოებულ და დაშიფრულ გზავნილებს იღებენ. ამასთან, ისინი კარგად გრძნობენ ადამიანებს – ყოველთვის იციან, ვის უნდა ენდონ და ვის – არა.

მორიელი

მორიელებს მომავლის განჭვრეტის უნარი ზოდიაქოს ყველა ნიშანზე მეტად აქვთ განვითარებული, რადგან ვარსკვლავები და პლანეტები მათ საოცარი ინტუიციით აჯილდოებენ. ეს ადამიანები პრობლემებსა და უიამოვნებებს მათ გამოჩენამდე დიდი ხნით ადრე გრძნობენ. თუ მორიელი გეუბნებათ, რომ რაღაც ცუდი უნდა მოხდეს, სჯობს, ეს სიტყვები არ უგულებელყოთ.

ამ ნიშნის წარმომადგენლები მხოლოდ ცუდს არ წინასწარმეტყველებენ – კარგი ამბების განჭვრეტაც შეუძლიათ. მათ უმართლებთ სასიყვარულო წინასწარმეტყველებებში. წინასწარ გრძნობენ საბედისწერო შეხვედრას, რომ გაიცნობენ თავიანთ საყვარელ ადამიანს, რომელიც ყველაფერს უკეთესობისკენ შეცვლის. ისინი ხშირად წინასწარ გრძნობენ ასევე უსიამოვნებებს სამსახურში, დიდი პრობლემების დაწყების მოახლოებას მთელი მსოფლიოს მასშტაბით.

თხის რქა

თხის რქების ნიჭი შორსაა მაგიისა და ინტუიციისგან. ის მხოლოდ მათ მდიდარ ცხოვრებისეულ გამოცდილებას, დაკვირვების უნარსა და გარშემომყოფებისგან მიღებულ ცოდნას ეფუძნება. ისინი არ წყვეტენ სწავლას, დეტალურად არჩევენ სხვის შეცდომებს. სწავლობენ არა მხოლოდ საკუთარ შეცდომებზე, არამედ ისრუტავენ ყველაფერს, რასაც ახლობლები, მეგობრები თუ გარშემომყოფები უზიარებენ მათ.

ეს თხის რქებს საშუალებას აძლევს, განჭვრიტონ მომავალი, რადგან ბევრი იციან ცხოვრების ზოგიერთ სფეროსა და ასპექტებზე. მათ შეუძლიათ წინასწარ ამოიცნონ მოვლენები და ადამიანების ქცევები, რაც ამ ნიშნის წარმომადგენლებს ეხმარება წარმატების შენარჩუნებაში, პატივისცემის მოპოვებაში.

მერწყული

მერწყულები თხის რქებს ჰგვანან, რადგან არც ისინი წყვეტენ სწავლას ნებისმიერ ასაკში. მძლავრი სწრაფვა ცოდნის მიღებისკენ მათ ეხმარება ადამიანური ქცევის ზღვრების შესწავლაში. მერწყულებს სჩვევიათ მათთვის საინტერესო სფეროში ყველა წვრილმანის გააზრება. ეს აძლევს შესაძლებლობას, რომ უფრო უკეთესად, ხშირად და მკაფიოდ იწინასწარმეტყველონ მომავალი.

როგორც ასტროლოგები აღნიშნავენ, მერწყულებს ასევე ნიჭიერი ადამიანების ამოცნობის განსაკუთრებული ალღო აქვთ. იოლად საზღვრავენ, ვინ იქნება წარმატებული და ვინ – არა.

0