პოლიციამ სამშენებლო მასალების ქურდობის ფაქტზე 52 წლის მამაკაცი დააკავა

© photo: Sputnik / Mikhail Voskresensky / გადასვლა მედიაბანკშიდაკავება
დაკავება - Sputnik საქართველო
გამოწერა
სამართალდამცველებმა მამაკაცი იმ დროს დააკავეს, როდესაც იგი შემთხვევის ადგილიდან ავტომობილით მიმალვას აპირებდა.

თბილისი, 1 მარტი — Sputnik. სამართალდამცველებმა თბილისში ქურდობის მცდელობის ბრალდებით 1967 წელს დაბადებული, წარსულში ქურდობისთვის ნასამართლევი ერთი პირი დააკავეს, ნათქვამია შინაგან საქმეთა სამინისტროს მიერ გავრცელებულ განცხადებაში.

დაკავება - Sputnik საქართველო
ხიდის საყრდენი სამაგრების ქურდობის მცდელობის ფაქტზე ორი პირი დააკავეს

როგორც გამოძიებით დადგინდა, ბრალდებულმა მიმდინარე წლის 28 თებერვალს, გვიან ღამით, ლისის ტბის დასახლებაში, ერთ-ერთ მშენებარე კორპუსში მდებარე საცავიდან სხვადასხვა სახის სამშენებლო ხელსაწყო და აპარატურა მოიპარა.

უწყების ცნობით, სამართალდამცველებმა 52 წლის მამაკაცი იმ დროს დააკავეს, როდესაც იგი შემთხვევის ადგილიდან ავტომობილით მიმალვას აპირებდა.

პოლიციამ მოპარული ნივთები ავტომანქანიდან ნივთმტკიცების სახით ამოიღო.

გამოძიება ქურდობის მცდელობის ფაქტზე სისხლის სამართლის კოდექსის 19-177-ე მუხლის მეორე ნაწილის „ა" და „ბ" ქვეპუნქტებით მიმდინარეობს. დანაშაული სამიდან ხუთ წლამდე ვადით თავისუფლების აღკვეთას ითვალისწინებს.

 

ყველა ახალი ამბავი
0