ციხეში პატიმარი გარდაიცვალა - პენიტენციურმა სამსახურმა გარდაცვალების მიზეზები განმარტა

© Sputnik / Alexander Imedashviliსასწრაფო დახმარება
სასწრაფო დახმარება - Sputnik საქართველო
გამოწერა
პატიმრის გარდაცვალების ზუსტი მიზეზი უწყებაში არ დაუსახელებიათ.

თბილისი, 14 იანვარი — Sputnik. სპეციალური პენიტენციურ სამსახურიდან სამოქალაქო კლინიკაში გადაყვანისას მსჯავრდებული გარდაიცვალა, იუწყება საზოგადოებრივი მაუწყებლის პირველი არხი.

სპეციალური პენიტენციური სამსახურის ცნობით, ბიძინა ცხადაძე N14 დაწესებულებაში 2017 წლის 13 მაისს მოათავსეს.

ციხე თბილისში - Sputnik საქართველო
რუსთავის მე-17 პენიტენციურ დაწესებულებაში წვევამდელი დაიჭრა

„დაწესებულებაში მოთავსების დღიდან მსჯავრდებული სათანადო სამედიცინო მომსახურებით იყო უზრუნველყოფილი. სასჯელის მოხდის პერიოდში ბიძინა ცხადაძე კონსულტირებულია ექიმი-სპეციალისტების (კარდიოლოგი, ფსიქიატრი. ოფთალმოლოგი, პირველადი ჯანდაცვის ექიმი) მიერ. დაუდგინდა დიაგნოზი – არტერიული ჰიპერტენზია“, - განაცხადეს უწყებაში.

სამსახურის ინფორმაციით, მოცემული დიაგნოზიდან გამომდინარე, მას მკურნალობა უტარდებოდა კარდიოლოგის და პირველადი ჯანდაცვის ექიმის დანიშნულების შესაბამისად, შემდეგი მედიკამენტებით: ტენოქსი 5მგ. კარდიოასპირინი 300 მგ, ალოხოლი, ნოლპაზა.

„13 იანვარს, დაახლოებით 17:50 საათზე მსჯავრდებულს აღენიშნებოდა მაღალი არტერიული წნევა, 200/100, რის გამოც ადგილზე გამოძახებული იქნა სამედიცინო პერსონალი და გაეწია მედიკამენტოზური მკურნალობა. დაახლოებით 18:15 საათზე მსჯავრდებულს კვლავ გაეწია ექიმის კონსულტაცია, დაუდგინდა წნევა 120/80“, – აღნიშნავენ პენიტენციურ სამსახურში.

ხელბორკილი - Sputnik საქართველო
იტალიაში ციხის ბადრაგი ქართველმა პატიმარმა სცემა

უწყების ცნობით, ვინაიდან მსჯავრდებული უჩიოდა ტკივილს გულ-მკერდის არეში, ის მოთავსდა პენიტენციური დაწესებულების სამედიცინო ნაწილში, ხოლო 18:23 საათზე პენიტენციური დაწესებულების ექიმებმა პაციენტის სამოქალაქო სექტორის კლინიკაში გადაყვანის გადაწყვეტილება მიიღეს. 18:27 საათზე დაწესებულების ადმინისტრაცია დაუკავშირდა 112-ს. 19:20 საათზე მსჯავრდებული სასწრაფო სამედიცინო დახმარების მანქანით გაიყვანეს პენიტენციური დაწესებულებიდან, მსჯავრდებულის წნევა იყო 100/60, თუმცა იგი კლინიკაში მიყვანამდე გარდაიცვალა.

პატიმრის გარდაცვალების ზუსტი მიზეზი უწყებაში არ დაუსახელებიათ.

ყველა ახალი ამბავი
0