თბილისი, 13 იანვარი — Sputnik. სამართალდამცველებმა განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით თბილისში სამი პირი დააკავეს, ნათქვამია შსს–ს მიერ გავრცელებულ განცხადებაში.
4 იანვარი 2019, 16:54
სამართალდამცველებმა დაკავებულთა პირადი ჩხრეკისას ერთ შეკვრად დაფასოებული ნარკოტიკული საშუალება ,,კოკაინი", ორი შეკვრა ,,მეტადონი” და სამ შეკვრად დაფასოებული ნარკოტიკული საშუალება ე.წ. „სირეცი“ ამოიღეს.
გამოძიება ნარკოტიკული საშუალების უკანონო შეძენა-შენახვის და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტებზე, საქართველოს სისხლის სამართლის კოდექსის 260-ე მუხლის 1-ლი ნაწილით და მე-6 ნაწილის „ა“ ქვეპუნქტით მიმდინარეობს, რაც 6-დან 20 წლამდე ან უვადო თავისუფლების აღკვეთას ითვალისწინებს.
