თბილისი, 12 იანვარი — Sputnik. რუსთავში საცხოვრებელი კორპუსის მესამე სართულის ფანჯრიდან 22 წლის ქალი გადავარდა, ამის შესახებ ინფორმაცია ქართულ მედიაში გავრცელდა.
შემთხვევა წუხელ გვიან ღამით მოხდა.
გავრცელებული ინფორმაციით, ახალგაზრდა ქალი მესამე სართულის ფანჯრიდან გადავარდა და პირველი სართულის მიშენების სახურავზე დაეცა.
ადგილზე მობილიზებული იყო სასწრაფო სამედიცინო დახმარების ჯგუფი.
დაშავებული თავის ტრავმითა და მრავლობითი მოტეხილობებით კლინიკა „რუსთავში" გადაიყვანეს, სადაც მას გადაუდებელი ოპერაცია ჩაუტარდა.
ექიმების ინფორმაციით, მისი ჯანმრთელობის მდგომარეობა სტაბილურად მძიმეა.
