თბილისი, 16 ნოემბერი — Sputnik. დიდთოვლობის გამო ბორჯომი-ბაკურიანი-ახალქალაქის საავტომობილო გზაზე ყველა სახის ავტოტრანსპორტის მოძრაობა აკრძალულია, ნათქვამია საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ვებ-გვერდზე გავრცელებულ განცხადებაში.
კერძოდ, აკრძალვები დაწესებულია ბორჯომი-ბაკურიანი-ახალქალაქის გზის 31-62-ე კილომეტრზე ანდეზიტი-ღადოლარის მონაკვეთზე.
გარდა ამისა, დიდთოვლობის გამო ყველა სახის ავტოტრანსპორტის მოძრაობა აიკრძალა ჟინვალი-ბარისახო-შატილის საავტომობილო გზის 53-106-ე კილომეტრზე – კორშა-შატილის მონაკვეთზე.
გზების დანარჩენ მონაკვეთებზე ავტოტრანსპორტის მოძრაობა თავისუფალია. აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობითა და კოორდინაციით.
