ავარია ავტობანზე: ოთხი ადამიანი მძიმედ დაშავდა

© Sputnik / Alexander Imedashviliსაპატრულო პოლიცია
საპატრულო პოლიცია - Sputnik საქართველო
გამოწერა
ავტომობილი, სავარაუდოდ, მაღალი სიჩქარით მოძრაობდა, რის შედეგადაც მართვა დაკარგა, ბოძს შეეჯახა და გადატრიალდა.

თბილისი, 6 ნოემბერი — Sputnik. ოთხი ადამიანი დაშავდა თბილისი–ქუთაისის ავტობანზე მომხდარი ავტოსაგზაო შემთხვევის შედეგად, იუწყება საზოგადოებრივი მაუწყებლის პირველი არხი.

თბილისი–ქუთაისის ავტობანზე, თერჯოლის გადასახვევთან ავტომობილი გზის სავალი ნაწილიდან გადავარდა და მას ცეცხლი გაუჩნდა.

საპატრულო პოლიცია დანაშაულის ადგილას - Sputnik საქართველო
ავტობანზე ერთმანეთს სამი მანქანა შეეჯახა

დაშავებულები საავადმყოფოში გადაიყვანეს. ტელეკომპანიის ცნობით, ოთხივე დაშავებულს მძიმე დაზიანებები აღენიშნება.

შინაგან საქმეთა სამინისტროს ინფორმაციით, ავტომობილი, სავარაუდოდ, მაღალი სიჩქარით მოძრაობდა, რის შედეგადაც მართვა დაკარგა, ბოძს შეეჯახა და გადატრიალდა.

საქმეზე გამოძიება საქართველოს სსკ-ის 276-ე მუხლის პირველი ნაწილით დაიწყო. რაც სატრანსპორტო საშუალების მოძრაობის წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია. დანაშაული სამ წლამდე ვადით თავისუფლების აღკვეთას ითვალისწინებს.

ყველა ახალი ამბავი
0