სასტიკად მოკლული ნანა ბერიაშვილის გასვენება

გორში მოკლული გოგონას ახლობლებმა მდუმარე აქცია გამართეს

404
ბრალდებულის ტელეფონიდან გოგონას წამების ამსახველი უმძიმესი კადრებია ამოღებული

თბილისი, 5 ნოემბერი — Sputnik. გორში მოკლული 8 წლის ნანა ბერიაშვილის ოჯახის წევრებმა და ახლობლებმა გორის ცენტრში ადმინისტრაციულ შენობასთან მდუმარე აქცია გამართეს, იუწყება ტელეკომპანია Rustavi2.

გარდაცვლილი სკოლის მოსწავლე ნანა ბერიაშვილი 25 ოქტომბერს იპოვეს. მას ძალადობის კვალი აღენიშნებოდა. შსს-ს ინფორმაციით, გოგონა 34 წლის იაგო ნებიერიძემ მოკლა, რომელიც მოკლული ბავშვის საცხოვრებელი სახლის პარალელურ ქუჩაზე მდებარე სახლში სარემონტო სამუშაოებს ასრულებდა. პოლიციამ ბრალდებული ცხელ კვალზე დააკავა.

დღეს ნანა ბერიაშვილის მამა ადვოკატთან ერთად პოლიციის განყოფილებაში ოთხი საათის განმავლობაში იმყოფებოდა. ოჯახს დაზარალებულის სტატუსი მიენიჭა და მათ გამოძიებასთან დაკავშირებით ამომწურავი ინფორმაცია მიიღეს. სხვა მტკიცებულებებს შორის ოჯახის წევრებს უჩვენეს იაგო ნებიერიძის ტელეფონიდან ამოღებულია ვიდეოკადრები, რომელიც გოგონას სიცოცხლის ბოლო წუთებს ასახავს. კადრები უმძიმესია და არასრულწლოვანთან გარყვნილ ქმედებას ასახავს. ჩანაწერში ჩანს, როგორ ცდილობს პატარა ბავშვი 34 წლის კაცისთვის წინააღმდეგობის გაწევას.

სწორედ ამ კადრების ნახვის შემდეგ დაუმძიმდა ბრალი იაგო ნებიერიძეს გარყვნილი ქმედების მუხლით, რომელსაც თავდაპირველად ბრალი განზრახ მკვლელობის მუხლით წარუდგინეს.

გარდაცვლილის ბაბუა გორელებს მხარდაჭერას სთხოვს და მკვლელის გადმოცემას ითხოვს.

ნებიერიძე თავს დამნაშავედ არ მიიჩნევს და გამოძიებას ჩვენებას ამ დრომდე არ აძლევს. პოლიცია დაინტერესდება ასევე იმ ბავშვების ფოტოების წარმომავლობით, რომლებსაც ნებიერიძე ტელეფონში ინახავდა.

წარსულში ნასამართლევი იაგო ნებიერიძე პრეზიდენტმა გიორგი მარგველაშვილმა შეიწყალა.

ნებიერიძე საპატიმროში 2008 წელს ძარცვისა და ყაჩაღობის ბრალდებით მოხვდა. პირველი ინსტანციის სასამართლომ მას 18 წლითა და 4 თვით თავისუფლების აღკვეთა შეუფარდა, თუმცა, შემდეგ სააპელაციო სასამართლომ ვადა 17,4 წლამდე შეუმცირა. გარდა ამისა, 2012 წელს ხელისუფლების ცვლილების შემდეგ საქართველოს პარლამენტმა კანონი "ამნისტიის შესახებ" მიიღო, რომლის თანახმად, ნებიერიძის პატიმრობის ვადა 10 წლამდე შემცირდა. 2016 წელს კი კომისიამ პრეზიდენტს ნებიერიძის შეწყალების თაობაზე დადებითი რეკომენდაცია წარუდგინა.

404
თემები:
8 წლის გოგონას საზარელი მკვლელობა გორში (15)

თუშეთში პოლონელი ტურისტი დაშავდა: ქალი თბილისში ვერტმფრენით გადაიყვანეს

8
(განახლებულია 19:31 31.05.2020)
პოლონეთის მოქალაქე სოფელ ომალოში ცხენიდან გადმოვარდა და მიღებული დაზიანებების გამო, სპეციალური საშუალებებით სასწრაფოდ თბილისში გადაყვანა სჭირდებოდა.

თბილისი, 31 მაისი - Sputnik. თუშეთში დაშავებული პოლონელი ტურისტი ქალი ომალოდან თბილისში სასაზღვრო პოლიციის ვერტმფრენით მეხანძრე-მაშველებმა გადაიყვანეს, იუწყება შინაგან საქმეთა სამინისტროს საგანგებო სიტუაციების მართვის სამსახური.

მათი ცნობით, შინაგან საქმეთა სამინისტროს საზოგადოებრივი უსაფრთხოების მართვის ცენტრ „112“-ში შესული ინფორმაციის თანახმად, პოლონეთის მოქალაქე სოფელ ომალოში ცხენიდან გადმოვარდა და მიღებული დაზიანებების გამო, სპეციალური საშუალებებით სასწრაფოდ თბილისში გადაყვანა სჭირდებოდა.

„ომალოს მიმართულებით, უმოკლეს დროში გაფრინდა შინაგან საქმეთა სამინისტროს სასაზღვრო პოლიციის ვერტმფრენი, საგანგებო სიტუაციების მართვის სამსახურის განსაკუთრებულ სიტუაციებზე რეაგირების სამმართველოს სამაშველო და სასწრაფო სამედიცინო დახმარების ჯგუფების შემადგენლობით“, - აღნიშნულია საგანგებო სიტუაციების მართვის სამსახურის ინფორმაციაში.

დაშავებული ქალი გადმოყვანილია თბილისში, ღუდუშაურის სახელობის კლინიკაში და შესაბამისი სამედიცინო დახმარება უტარდება. პოლონელი ტურისტის სიცოცხლეს საფრთხე არ ემუქრება.

8
თემები:
შემთხვევები საქართველოში
მდინარე

ოზურგეთში ექვსი წლის ბავშვი დაიხრჩო

118
(განახლებულია 23:35 30.05.2020)
ბიჭის ახლობლები და ნათესავები მას მთელი დღის განმავლობაში ეძებდნენ. საღამოს ბავშვის ცხედარი მდინარეში იპოვეს

თბილისი, 30 მაისი – Sputnik. ოზურგეთის მუნიციპალიტეტის სოფელ გურიანთაში მდინარეში ექვსი წლის ბიჭის ცხედარი იპოვეს, იუწყება პირველი არხი.

ტელეარხის მონაცემებით, ბავშვი დილიდან არ ჩანდა და ახლობლები და ნათესავები მას მთელი დღე ეძებდნენ. საღამოს ბავშვის ცხედარი მდინარეში იპოვეს.

შინაგან საქმეთა სამინისტროს ინფორმაციით, მომხდარ ფაქტზე გამოძიება სტანდარტულად სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. ექსპერტიზის შემდეგ საქმის გადაკვალიფიცირება შეიძლება მოხდეს.

118
თემები:
შემთხვევები საქართველოში
ეროვნული ბიბლიოთეკის საგამოფენო დარბაზი

„ქართველი პოლიციელები ხალხის სამსახურში": ეროვნულ ბიბლიოთეკაში ვირტუალური გამოფენა მოეწყო

0
გამოფენაზე წარმოდგენილია ფოტომასალა, რომელიც ასახავს საქართველოს მთელ ტერიტორიაზე საგანგებო მდგომარეობის პერიოდში შინაგან საქმეთა სამინისტროს საქმიანობას.

თბილისი, 31 მაისი - Sputnik. საქართველოს პარლამენტის ეროვნულმა ბიბლიოთეკამ, შინაგან საქმეთა სამინისტროსთან ერთად,  მოამზადა პოლიციის დღისადმი მიძღვნილი ვირტუალური გამოფენა სახელწოდებით „ქართველი პოლიციელები ხალხის სამსახურში".

დღეს საქართველოში პოლიციის დღე აღინიშნება.

გამოფენაზე წარმოდგენილია ფოტომასალა, რომელიც ასახავს საქართველოს მთელ ტერიტორიაზე საგანგებო მდგომარეობის პერიოდში შინაგან საქმეთა სამინისტროს საქმიანობას.

„შინაგან საქმეთა სამინისტროს ყველა დანაყოფი კორონავირუსის გავრცელების პრევენციულ ღონისძიებებში მყისიერად ჩაერთო და მთელი საქართველოს მასშტაბით კომპლექსური ღონისძიებები განახორციელა. საგანგებო მდგომარეობით გათვალისწინებული შეზღუდვების, საკარანტინო ზონების დაცვისა და დაავადებათა კონტროლის ეროვნული ცენტრის მიერ შემუშავებული რეკომენდაციების კონტროლის პარალელურად პოლიცია მოსახლეობას მუდმივად ედგა მხარში და ეხმარებოდა“, - ნათქვამია ეროვნული ბიბლიოთეკის განცხადებაში.

ფოტოგამოფენის დასათვალიერებლად ეწვიეთ ბმულს: "ქართველი პოლიციელები ხალხის სამსახურში".

კორონავირუსის გავრცელების საფრთხის გამო საქართველოში ორთვიანი საგანგებო მდგომარეობა 23 მაისს მოიხსნა. შეზღუდვების ნაწილი ისევ ძალაში რჩება, მათ შორის დაკეტილია კულტურული და საგანმანათლებლო დაწესებულებები. ყველა ღონისძიება ონლაინ იმართება.

პოლიციელის პროფესიულ დღესთან დაკავშირებით, შინაგან საქმეთა მინისტრის სახელით, სამინისტროს 5 ათასამდე თანამშრომელს სხვადასხვა სახის ჯილდო გადაეცა.

პოლიციის დღე, რომელიც 2010 წელს დაარსდა, ბოლო წლებში 31 მაისს აღინიშნება.

0
თემები:
საქართველო და კულტურა