საპატრულო პოლიცია

8 წლის ბავშვის მკვლელობისთვის დაკავებულის ტელეფონში გოგონას ფოტოები აღმოჩნდა

981
(განახლებულია 14:34 26.10.2018)
ბავშვის პედაგოგის თქმით, ცხედარს კისრის არეში სიწითლე, ხოლო თავის არეში დაჟეჟილობები აღენიშნებოდა.

თბილისი, 26 ოქტომბერი — Sputnik. გორში 8 წლის გოგონას მკვლელობისთვის დაკავებული მამაკაცის ტელეფონში გარდაცვლილი მოზარდის ფოტოები აღმოჩნდა, იუწყება საზოგადოებრივი მაუწყებლის პირველი არხი.

აღნიშნული ფაქტის შესახებ ჟურნალისტებს ბავშვის პედაგოგმა განუცხადა.

„ბებია ამბობდა, რომ შორიდან გადაუღია სურათები, ფოტოები მის ტელეფონში იყოო, უთვალთვალებდა ალბათ. რაში სჭირდებოდა 33 წლის კაცს ეს სურათები, რისთვის? არ ვიცი, რა ხდება", – განაცხადა მოკლული ბავშვის პედაგოგმა მერი მამისთვალოვმა.

მამისთვალოვის ინფორმაციით, გოგონას კისრის არეში სიწითლე, ხოლო თავის არეში დაჟეჟილობები აღენიშნებოდა.

მკვლელობა გორში გუშინ მოხდა. გავრცელებული ინფორმაციით, გოგონა 25 ოქტომბერს, ნაშუადღევს გაუჩინარდა. გოგონა სახლიდან სკოლაში, ცეკვის წრეზე წავიდა, მაგრამ სკოლაში არ მისულა. მოგვიანებით ბავშვის ცხედარი მის სხლთან ახლოს, მდინარე ლიახვის ნაპირზე იპოვეს.

შსს-ს ცნობით, საგამოძიებო მოქმედების ფარგლებში დაკავებულია ახალგაზრდა მამაკაცი, რომელიც იმ საცხოვრებელ სახლში მუშაობდა, სადაც ბავშვის სისხლის კვალი იპოვეს. უწყების ინფორმაციით, იგი წარსულში ნასამართლევი 34 წლის ი.ნ.-ია. რაც შეეხება მკვლელობის მოტივს, იგი მოგვიანებით გახდება ცნობილი.

გამოძიება წინასწარი შეცნობით არასრულწლოვნის მიმართ დამამძიმებელ გარემოებაში ჩადენილი განზრახ მკვლელობის ფაქტზე საქართველოს სსკ-ის 109-ე მუხლის მე-2 ნაწილის „ბ" ქვეპუნქტით მიმდინარეობს, რაც 13-დან 17 წლამდე ვადით თავისუფლების აღკვეთას ითვალისწინებს.

 

981
თემები:
8 წლის გოგონას საზარელი მკვლელობა გორში (15)
მეხანძრე

ზუგდიდის რაიონში ხანძარს მამაკაცი ემსხვერპლა

64
(განახლებულია 15:54 07.07.2020)
ხანძარი დილის 4 საათზე გაჩნდა. როგორც ჩანს, 60 წლის მამაკაცს ეძინა და ცეცხლიდან გამოსვლა დროულად ვერ შეძლო.

თბილისი, 7 ივლისი — Sputnik. ზუგდიდის რაიონის სოფელ ერგეტაში ხანძრის გამო მამაკაცი დაიღუპა, იუწყება ტელეკომპანია „რუსთავი2".

60 წლის მამაკაცი საკუთარ სახლში დაიღუპა. რაიონული ადმინისტრაციის ხელმძღვანელის თქმით, ხანძარს გადაურჩა მამაკაცის დედა, რომელიც ამ დროს სახლში არ იმყოფებოდა.

ხანძრის მიზეზი, სავარაუდოდ, დაუდევრობა გახდა. ადგილზე მისულ მეხანძრე-მაშველებს მამაკაცი უკვე გარდაცვლილი დახვდათ.

64
თემები:
შემთხვევები საქართველოში
მეხანძრეები

სვანეთში ხანძარს მესამე დღეა ებრძვიან ვიდეო

54
(განახლებულია 15:51 07.07.2020)
საგანგებო სიტუაციების მართვის სამსახურის ცნობით, ხანძრის ქრობის სამუშაოებს რთული რელიეფი, სიცხე და ძლიერი ქარი ართულებს, თუმცა ვითარება კონტროლს ექვემდებარება.

თბილისი, 7 ივლისი — Sputnik. მესტიის მუნიციპალიტეტის სოფელ ხაიშთან ტყის მასივში გაჩენილი ხანძრის ქრობის სამუშაოები უწყვეტ რეჟიმში მიმდინარეობს, იუწყება შინაგან საქმეთა სამინისტროს საგანგებო სიტუაციების მართვის სამსახური.

უწყების ინფორმაციით, ადგილზე დილიდანაა მობილიზებული დამატებითი ძალები – როგორც სპეციალური ტექნიკა, ისე ცოცხალი ძალა. სვანეთში ხანძარს ებრძვის 110 მეხანძრე-მაშველი და შვიდი ერთეული სახანძრო-სამაშველო ტექნიკა.

რისკის ზონაში 11 ოჯახი ცხოვრობს. ძლიერი დაკვამლიანების გამო ამ ზონიდან ბავშვები გამოიყვანეს.

„ხანძრის ქრობის სამუშაოებს ართულებს რთული რელიეფი, სიცხე და ძლიერი ქარი. ხანძრის ქრობის სამუშაოები ადგილზე მესამე დღეა მიმდინარეობს. ამ დროისთვის სიტუაცია კონტროლს ექვემდებარება", – აღნიშნავენ უწყებაში.

მეხანძრე-მაშველთა ჯგუფები ხანძრის კერებთან მთელი ღამის განმავლობაში მუშაობდნენ. მუშაობა განაახლეს შინაგან სამინისტროს სასაზღვრო პოლიციის ვერტმფრენებმაც. პროცესში დღეს დილიდან ჩაერთო მესამე ვერტმფრენი.

სვანეთში შექმნილია სამუშაო შტაბი, რომელსაც საგანგებო სიტუაციების მართვის სამსახურის უფროსი თემურ მღებრიშვილი და უფროსის მოადგილე ლევან ღირსიაშვილი პირადად ხელმძღვანელობენ. ადგილზე ასევე იმყოფება სახანძრო-სამაშველო ძალების დეპარტამენტის უფროსი დავით სუხიშვილი.

საზოგადოებრივი უსაფრთხოების მართვის ცენტრ „112"-ში ხანძრის შესახებ ინფორმაცია 5 ივლისს, დღის მეორე ნახევარში შევიდა. თვითმხილველის განცხადებით, ტყის მასივში შეინიშნებოდა ძლიერი დაკვამლიანება. ხანძარი, სავარაუდოდ, მეხის დაცემის შედეგად გაჩნდა.

54
თემები:
დიდი ხანძრები საქართველოში
ვაშინგტონი

აშშ–მა საქართველოს ფინანსური დახმარება გაუყინა? დეპუტატები სკანდალურ ინფორმაციას უარყოფენ

0
(განახლებულია 16:22 07.07.2020)
საქართველოს პარლამენტში არ დაადასტურეს ინფორმაცია იმის შესახებ, რომ  აშშ–მა საქართველოს ფინანსური დახმარება შეუჩერა

თბილისი, 7 ივლისი - Sputnik.  საქართველოს ხელისუფლების წარმომადგენლებმა უარყვეს ვაშინგტონის მიერ საქართველოსთვის ფინანსური დახმარების გაყინვის შესახებ გავრცელებული ინფორმაცია. 

ადრე ქართულმა მასმედიამ გაავრცელა ინფორმაცია, რომ აშშ–ის კონგრესმა საქართველოს ფინანსური დახმარება შეუჩერა – საუბარია ფინანსური დახმარების პაკეტის 15%–ზე. ამასთან, აღინიშნა, რომ დაფინანსება აღდგება მას შემდეგ, რაც საქართველოს ხელისუფლება დემოკრატიული ინსტიტუტების, კერძო სექტორში  კანონის უზენაესობისა და კორუფციასთან ბრძოლის განმტკიცებისთვის ზომებს მიიღებს.

 „ეს სიცრუეა. ძალზე სამწუხაროა, რომ ისინი (ოპოზიციის წარმომადგენლები – რედ.) მსგავს სიცრუესა და დეზინფორმაციაზე  საკუთარი წინასაარჩევნო კამპანიის აგებას ცდილობენ. კონგრესს არაფერი გაუყინავს,  არანაირი შესწორებები კონგრესს არ მიუღია. ეს არის სიცრუე და დეზინფორმაცია. მსგავსი ინფორმაციის გავრცელება არაპროფესიონალიზმზე მეტყველებს“, – განაცხადა პარლამენტის ვიცე–სპიკერმა კახა კუჭავამ ჟურნალისტებთან.

როგორც მან აღნიშნა, მოცემულ მომენტში საქართველოსთვის ფინანსური დახმარების გაყინვის თაობაზე წინადადება მხოლოდ კანონპტორქტის დონეზეა, რომელიც აშშ–ის კონგრესის ერთ–ერთ კომიტეტში იქნა ინიცირებული  და რომელსაც „ძალიან ბევრი თვე დასჭირდება იმისთვის, რომ სესიამდე და კენჭისყრამდე მივიდეს“.

საქართველოს პარლამენტის პირველი ვიცე–სპიკერმა განმარტა, თუ რა დოკუმენტზეა საუბარი.

„ეს კანონპროექტი ეხება წმინდა ტექნიკურ საკითხს. ელექტრონულ კომინიკაციებსა და სახელმწიფოს ურთიერთობებს განსაზღვრავს ტექნიკურ ნაწილში. იგი ვერანაირად ვერ შეეხება და არც შეეხება სიტყვის თავისუფლებას, მედიის თავისუფლებას და ინტერნეტ–სივრცის თავისუფლებას“, – აღნიშნა ვოლსკიმ. 

რაზეა საუბარი კანონპროექტში?

კანონპროექტში, რომელიც 326–გვერდიანია, მითითებულია სახელმწიფო დეპარტამენტის 2021 წლის პრიორიტეტები. დოკუმენტის თანახმად, მომავალ წელს შეიძლება აშშ–ის მხრიდან საქართველოსთვის ფინანსური დახმარების მოცულობა 19,8 მლნ დოლარით შეიცირდეს. 

მთლიანობაში, საქართველოსთვის 2021 წელს ფინანსური დახმარება არანაკლებ 132 025 000 აშშ დოლარის ფარგლებშია გამოყოფილი. თუმცა, გასული წლებისგან განსხვავებით, ამჯერად დოკუმენტში მითითებულია დახმარების მიღების პირობები.

კერძოდ, ამ თანხის 15%-ის საქართველოსთვის გადაცემა შეიძლება შეჩერდეს მანამდე, ვიდრე აშშ-ის სახელმწიფო მდივანი არ გადაწყვეტს, რომ საქართველოს მთავრობა შესაბამის ნაბიჯებს დგამს კორუფციასთან ბრძოლის, დემოკრატიული ინსტიტუტების გაძლიერების, კერძო სექტორში კანონის უზენაესობისა და საერთაშორისოდ აღიარებული სტანდარტების დაცვის კუთხით.

კანონპროექტში აღნიშნულია შემდეგი პუნქტები, რომლებიც საქართველომ აუცილებლად უნდა შეასრულოს:

·  დემოკრატიული ინსტიტუტების განმტკიცება

·  მთავრობაში კორუფციასთან ბრძოლა ანტიკორუფციული კანონებისა და რეგულაციების გამოყენებით

·  დაიცვას კანონის უზენაესობა კერძო სექტორთან მიმართებაში, რომელიც შეესაბამება საერთაშორისო სტანდარტებს, ასევე უზრუნველყოს უცხოური ბიზნესის უფლებების და მათი შევიწროვებისაგან დაცვა, რათა მათ სრულად მიიღონ კომერციული და ფინანსური სარგებელი, რასაც  საქართველოში განხორციელებული ინვესტიციები მოუტანს.

ამასთან, კანონპროექტში აღნიშნულია: კონგრესის გადაწყვეტილება არ შეეხება დემოკრატიის, კანონის უზენაესობის, სამოქალაქო და მედიის მხარდამჭერ პროგრამებს, ასევე გენდერული ნიშნით ძალადობის შემცირებისკენ და მოწყვლადი ჯგუფების დაცვისაკენ მიმართულ პროგრამებს.

0