ანთებული სანთლები

სასტიკი მკვლელობა გორში: 8 წლის გოგონას ცხედარს ექსპერტიზა უტარდება

365
გარდაცვლილი გოგონას ახლობლები მკვლელობის უსწრაფეს გამოძიებას მოითხოვენ

თბილისი, 26 ოქტომბერი — Sputnik. გორში მოკლულ 8 წლის ნანა ბერიაშვილის ცხედარს კომპლექსური ექსპერტიზა უტარდება, იუწყება ტელეკომპანია Rustavi2.

გამოძიებას შს მინისტრის მოადგილე კახა საბანაძე პირადად ხელმძღვანელობს.

„მინდა ოჯახს მივუსამძიმრო. ეს არის საყოველთაო ტრაგედია. შინაგან საქმეთა სამინისტრო გააკეთებს მაქსიმუმს კონკრეტული შედეგის დასადებად. გამოძიება დაწყებულია. ამ ეტაპისთვის კონკრეტულს ვერაფერს გეტყვით. დეტალურად ვსწავლობთ შემთხვევის ადგილს. ყველა საგამოძიებო მოქმედება ტარდება, რომ დადგინდეს დანაშაულის ჩამდენი პირი”, - განაცხადა საბანაძემ.

8 წლის გოგონას ცხედარი გადასვენებულია პროზექტურაში. ცხედარს ექსპერტიზა დაახლოებით 2 საათია უტარდება.

გოგონას ოჯახის წევრები აცხადებენ, რომ ის მოკლულია. მათი განცხადებით, გარდაცვლილს თავზე ცელოფნის ტომარა ჰქონდა ჩამოფარებული, ფეხები კი მავთულით ჰქონდა შეკრული. პროზექტურის წინ შეკრებილი ადამიანები მომხდარის დროულ გამოძიებას და მკვლელის პოვნას მოითხოვენ, წინააღმდეგ შემთხვევაში ცენტრალური ავტომაგისტრალის გადაკეტვით იმუქრებიან. გორის პროზექტურას პოლიცია იცავს. ადგილზე ინციდენტი რამდენჯერმე მოხდა. ადგილობრივი მოსახლეობა სამართალდამცველებს დაუპირისპირდა. 

„ვფიქრობთ მოკლეს, მოიყვანეს და დააგდეს. სახლიდან 50 მეტრში, ყველაზე მეტი 100 მეტრში არის დაკარგული, 100 მეტრზე მეტი არ აქვს გავლილი. ბავშვი ზევით წავიდა და ქვევით როგორ იპოვეს. მოკლეს, აბა ის პარკი და ფეხები შეხვეული რატომ ჰქონდა. დავინახე პარკი ჰქონდა მოხვეული, მავთული ეგდო. მეტი ვერ დავინახე გამომიყვანეს. ალბათ აწყობთ სულ ყველას ეს ყველაფერი, ვისი ბავშვი იქნებოდა აზრი არ ჰქონდა. თუ არ გამოიძიეს, გადავკეტავთ მაგისტრალს. მთელი გორი ფეხზე დადგება“, - განაცხადა მოკლული ბავშვის პაპამ.

შსს-მ სისხლის სამართლის საქმე სსკ-ის 109-ე მუხლის მე-2 ნაწილის „ბ“ ქვეპუნქტით მიმდინარეობს, რაც წინასწარი შეცნობით არასრულწლოვნის მიმართ დამამძიმებელ გარემოებაში ჩადენილ განზრახ მკვლელობას გულისხმობს. აღნიშნული დანაშაული ისჯება თავისუფლების აღკვეთით ვადით ცამეტიდან ჩვიდმეტ წლამდე, იარაღთან დაკავშირებული უფლებების შეზღუდვით ან უამისოდ. შსს მკვლელობის ვერსიებზე და მოტივებზე ჯერჯერობით არ საუბრობს. ცნობილია, რომ ცხედარს ცეცხლსასროლი იარაღის კვალი არ აღენიშნება.

 

 

365
თემები:
კრიმინალი საქართველოში – 2018 (1086)
მაშველები

ორდღიანი ძებნის შემდეგ მტკვარში მამაკაცის ცხედარი იპოვეს

52
მაშველებმა მტკვარში სამძებრო სამუშაოები 2 აგვისტოს დაიწყეს. სამძებრო ოპერაციაში მაშველებთან ერთად მყვინთავებიც იყვნენ ჩართული.

თბილისი, 4 აგვისტო - Sputnik. მაშველებმა ორდღიანი ძებნის შემდეგ მტკვარში ახალგაზრდა მამაკაცის ცხედარი იპოვეს.

საგანგებო სიტუაციების მართვის სამსახურის ცნობით, ცხედარი ოჯახის მიერ იდენტიფიცირებულია.

მტკვარში მამაკაცს ეძებენ>>

მამაკაცს მდინარეში 2 აგვისტოდან ეძებდნენ. გავრცელებული ინფორმაციით, ის, სავარაუდოდ, გალაკტიონის ხიდიდან გადახტა.

სამძებრო-სამაშველო სამუშაოებში მონაწილეობდა 20 მაშველი და სამი მყვინთავი, ასევე მცურავი საშუალებები და ფსკერის სკანირების ხელსაწყო „ექოლოტი“.

52
თემები:
შემთხვევები საქართველოში
თუშეთი

თუშეთის გზაზე ავარიას ერთი ადამიანი ემსხვერპლა - დაშავებულია უცხო ქვეყნის მოქალაქე

33
ავტომობილს ადგილობრივი შუახნის მამაკაცი მართავდა, რომელიც ადგილზე გარდაიცვალა. მასთან ერთად იმყოფებოდა გერმანელი ტურისტიც, რომლის გადარჩენაც მოხერხდა.

 

თბილისი, 4 აგვისტო - Sputnik. ფშაველი-აბანო-ომალოს გზაზე ავტოსაგზაო შემთხვევას ერთი ადამიანი ემსხვერპლა, ერთი კი დაშავდა, იუწყება ტელეკომპანია „რუსთავი 2“.

გავრცელებული ინფორმაციით, ავტომობილი, რომელშიც ორი ადამიანი იმყოფებოდა, რამდენიმე მეტრის სიმაღლიდან გადავარდა. გარდაცვლილი ქვემო ალვანში მცხოვრები შუახნის მამაკაცია, ხოლო მგზავრი გერმანელი ტურისტი, რომელმაც სხეულის მრავლობითი დაზიანება მიიიღო. ამ დროისთვის დაშავებული კლინიკაშია გადაყვანილი, მის სიცოცხლეს საფრთხე არ ემუქრება.

შემთხვევის ადგილზე მობილიზებული არიან სამართალდამცველები და სამაშველო ჯგუფები.

33
თემები:
შემთხვევები საქართველოში
სტუდენტები

„როსსოტრუდნიჩესტვომ“ რუსეთში სტუდენტების შესვლის წესები გამოაცხადა

0
(განახლებულია 22:25 04.08.2021)
რუსეთის განათლებისა და მეცნიერების სამინისტრომ „ცხელი ხაზი“ აამოქმედა, რომელზეც პანდემიის პირობებში ქვეყანაში შესვლის თაობაზე ინფორმაციის დაზუსტებაა შესაძლებელი

Sputnik. დანარა კურმანოვა

მიუხედავად იმისა, რომ კორონავირუსის პანდემია გრძელდება, რუსეთში სასწავლო წელი კვლავ 1 სექტემბერს იწყება. ამის თაობაზე „როსსოტრუდნიჩესტვოში“ განაცხადეს პრესკონფერენციაზე, რომელიც 2021 წელს უცხოეთის მოქალაქეების რუსეთის უმაღლეს სასწავლებლებში შესარჩევ კამპანიას მიეძღვნა.

„სტუდენტების ქვეყანაში შემოშვება-არშემოშვების საკითხი ჩვენს კომპეტენციაში არ შედის. მაგრამ ჩვენ ვიცავთ უცხოელი სტუდენტების უფლებებს, რომლებიც უმაღლეს სასწავლებლებში ჩაირიცხნენ და ვთხოვთ ორგანოებს, შემოსვლის ნებართვა მისცენ მათ, — განაცხადა სააგენტოს ხელმძღვანელმა ევგენი პრომაკოვმა. — ახლა განათლების მისაღებად შემოსვლა შეუძლიათ იმ სიის ქვეყნების მოქალაქეებს, რომლებსაც რუსეთის მთავრობა ამტკიცებს განკარგულებით და რომელიც გამუდმებით იცვლება“.

პრომაკოვი აზუსტებს, რომ საუბარია განკარგულება №636-ზე, რომლის №1 დანართში ამ დროისათვის 50 სახელმწიფოა ჩამოთვლილი, და რომელთა მოქალაქეებსაც რუსეთში შემოსვლის უფლება აქვთ. თუმცა, თუ ქვეყანა არ არის სიაში, რუსეთში ჩასვლის შესაძლებლობა შეიძლება ინდივიდუალურად იყოს განხილული.

„ბევრ შემთხვევაში შემოსვლის საკითხებს კურირებს უნივერსიტეტი, რომელსაც შეუძლია განათლების სამინისტროსა და სამთავრობო კომისიისგან შემოსვლის უფლება გამოითხოვოს“, — განმარტა პრომაკოვმა.

ამას გარდა, სააგენტოს ხელმძღვანელის თქმით, უმაღლესი განათლებისა და მეცნიერების სამინისტროსთან მოქმედებს ცხელი ხაზი სტუდენტებისთვის: +7 (495) 198-00-00. ამ ნომერზე თითოეული ქვეყნისთვის რუსეთში შესვლის წესების დაზუსტებაა შესაძლებელი.

სამედიცინო მოთხოვნები ყველასთვის უნივერსალურია: სტუდენტმა უნდა ჩააბაროს PCR-ტესტი რუსეთში ჩასვლამდე არაუადრეს სამი დღისა. დოკუმენტი ტესტის უარყოფით პასუხზე უნდა იყოს დაბეჭდილი რუსულად ან ინგლისურად. რუსეთში ჩასვლის შემდეგ სტუდენტმა უნდა ჩააბაროს კიდევ ერთი PCR-ტესტი და პასუხამდე თვითიზოლაციაში უნდა იყოს. იმ შემთხვევაში, თუ სტუდენტის ქვეყანაში შესვლის მომენტისთვის სწავლა უკვე დაწყებული იქნება, ტესტის პასუხის მიღებამდე სტუდენტს მ ხოლოდ ონლაინ-ფორმატში შეუძლია დაესწროს ლექციებს.

პრომაკოვის თქმით, რაც შეეხება სტუდენტების ვაქცინაციასა და ვაქცინაციის შესახებ უცხოური სერტიფიკატების აღიარებას, ეს საკითხები ახლა მუშავდება რუსეთის ჯანდაცვისს სამინისტროს მიერ.

0
თემები:
რუსეთი დღეს